Jeremia 31:5 - O Debleskro Lab 2024 (Sinte-Manouche)

⁵ Tou čiveh pale drakengre rouka an i phoub ap i berge an Samaria, oun rhah lengre drake.

O Debleskro Drom 2021 (Sinte)

⁵ Tu tchiweh pale drakengre ruka an i phub ap i berge an Samaria, un chah lengre drake.

Jeremia 31:5 Referans Kwoze

Amos 9:14

Me anau mire menshen Israel pale an lengro them. Oun yon krenn i tele-phagede forya pale neves, oun djivenn koy dren, oun čivenn drakengre rouka an i phoub, oun piyenn lengri mool, čivenn rouka an i phoub oun rhan lengre roukengre.

5. Mose 28:30

Kova mank t'mende, kay poučas i terni čay, te romedinerell li les, dikell, har i vavar morsh vell oun lell lat peske. Kova, kay čivas peske i kheer pre, nay djivell gar dren. Kova, kay čivas drakengre rouka an i phoub, nay rhal gar lengre drake.

Micha 4:4

Hakeno nay beshell tel peskre drakengre rouka oun faygetikre rouka. Oun kek krell leske traash. Kava penell o baro Devel, ko ray pral o bolepen oun i phoub.

Zakarie 3:10

An ko emligo tsiro, moukell yek o vavares te penell: Am pash mande, te vas mer barhtelo tel i drakengre rouka oun tel i faygetikre rouka. Kova penell o baro Devel, ko ray pral o bolepen oun i phoub.

Obadja 1:19

Oun i menshe dran o kheer Youda, kolla kay djivenn an o them, kay o kham pralstounes hi, yon lenn kol berge dren, kay i Edomarya djivenn. Oun kolla, kay djivenn kote, kay o kham tele djal, yon lenn o them dren, kay i Filistarya djivenn. Oun kol vavar lenn i themma Efrayim oun Samaria penge dren. Oun o kheer Benyamin lell o them Gilead dren.

Ezekiel 36:8

T'mer berge Israel, ap t'mende venn pale rouka baro oun zenelo, oun hidjrenn roukengre mire menshenge Israel. Sik vell ko tsiro, kay venn le pale khere.

1. Samuel 21:5

Oun o rashay penas ap o David: “Man hi kek maro, kokres ko maro, hoy o Debleske hi. Kova nay dau t'mende, te tapran kol morsha, kay pash toute hi, kek djouvyat an!”

5. Mose 20:6

Hi mank t'mende yek, kay drakengre rouka an i phoub čivas, oun las gomme kek drake dren? Kova hounte djal pale an peskro kheer, te merell lo gar an o kourepen, oun i vavar morsh lell kol drake.

Debleskri gili 107:37

oun čivan djob an i phoub, ninna drakengre rouka, oun anan boud rhapen dren.

Jeremia 32:15

O baro Devel, ko ray pral o bolepen oun i phoub, kay o Israeleskro Devel hi, penell: O tsiro vell, kay venn pale khera ginlo an kava them, ninna harhetikri phoub oun drakengro them.

Ezekiel 28:26

Oun yon djivenn an ko them, oun len hounte vell kek daar i vavar themendar. Yon krenn penge khera oun čivenn drakengre rouka an i phoub. Oun kek nay krell lenge čilačepen. An ko tsiro kay dau kol themma troul lende pengri phagi, kay tele dikan ap i Israelitarya, dikenn oun hayvenn i Israelitarya, te hom me o baro Devel lengro Devel.

Micha 1:6

Doleske krell o baro Devel, te vell o foro Samaria khetne dino bis ap i telstoune barra. Lestar ačell či pral har barra. Kolen vitsrell lo an i tala. Kote kay o foro tardo his, venn drakengre rouka an i phoub čiddo.