Jeremia 31:17 - O Debleskro Lab 2024 (Sinte-Manouche)

¹⁷ Tire čave, kay pal toute venna, venn pale khere. Oun boud lačepen vell ap lende.

O Debleskro Drom 2021 (Sinte)

¹⁷ Tire tchawe, kai pal tute wenna, wenn pale khere. Un bud latchepen well ap lende.

Jeremia 31:17 Referans Kwoze

Ropaskre gilja 3:21

Yek koova bistrau gar – ap kova rikrau zoreles:

Hosea 3:5

Pal ko tsiro venn i Israelitarya palpale pash o baro Debleste, kay lengro Devel hi, oun pash lengro baro rayeste – yekeste dran o kheer David. Oun trisslepah venn le pash o baro Debleste. Oun yob vell lenge lačes an ko tsiro, hoy vella.

Hosea 2:15

Me dau lat i phagi hako diveske, kay nashas li peskre pirnenge palla, kol rhorhene deblenge, oun rhačras soungepaskro koova lenge, oun čivas kanengre oun verklia ap peste; te krell li pes shoukar lenge. Oun man bistras li! Kova penell o baro Devel.

Ropaskre gilja 3:26

O feteder koova hi, te dikas mer pokones ap o baro Debleste, te vell yob menge ap i rig.

Ropaskre gilja 3:18

Kote penom mange: Me nay djivau bouder gar, oun nay patsau bouder gar, te vell o baro Devel ap miri rig.

Mateo 24:22

Te krals o Devel o čilačo tsiro gar tikneder, palle vals kek mensho dran o čilačo tsiro vin. Kolen, kay o Devel peske vin rodas, kolenge krell lo o čilačo tsiro tikneder.

Ezekiel 37:25

Oun yon djivenn pale an ko them, hoy dom me miro boudepaskres o Yakobeste, an koleste t'mare phoure djivan Hako tsireske djivenn le kote, yon oun lengre čave oun kolengre čave. Oun yek dran i familya o Davidestar, kay hi har o David miro boudepaskro, vell lengro ray hako tsireske.

Jesaja 6:13

Ninna te ačell o deshto kotar gomme koy, djal lenge har i tikne kashta, kay venn dran i tele-dino rouk. I yag rhačrell len pre. Ko telstouno kotar o roukestar ačell. Oun dran leste vell nevo djipen, hoy hi o Debleske koy.

Ezekiel 39:28

Palle dikenn oun hayvenn i Israelitarya, te hom me, o baro Devel, lengro Devel, kova kay anas len an o pandepen an vavar themma, oun moukell len palpale te vell an lengro them. Kek lendar ačell kote pale.

Ropaskre gilja 3:29

Peskro mouy mou čivell lo tele an i čik, Nay vell i tsiro, kay djal leske pale feteder.

Ezekiel 37:21

Oun pen ap lende: Kava penell o baro Devel, maro ray: Denn yak, me lau i Israelitaryen dran kol tsele themma vin, an kolende yon hounte djan, oun lau len khetne haki rigyatar, oun anau len pale an lengro them.

Zakarie 9:12

T'mer pandle, avenn pale khere an ko zorelo foro, t'mer, kay djinenn: Mer ačah gar hako tsireske pandle. Kava dives penau t'menge: Me dau t'mende douy kope yaake boud lačepen har kol douka, hoy hounte lan ap t'mende.