Jeremia 31:13 - O Debleskro Lab 2024 (Sinte-Manouche)

¹³ I terne ča givenn oun khelenn, ava, i terne oun i phoure hi khetne barhtelo; lengro ropastar vell sapen. Lengre djia, kay rovan, krau pale zorelo oun barhtelo.

O Debleskro Drom 2021 (Sinte)

¹³ I terne tcha giwenn un khelenn, awa, i terne un i phure hi khetne bachtelo; lengro ropastar well sapen. Lengre djia, kai rowan, krau pale sorelo un bachtelo.

Jeremia 31:13 Referans Kwoze

Debleskri gili 30:11

Shoun, baro Devel, oun ab mange lačo! Ab ap miri rig, miro baro Devel!”

Jesaja 61:3

Oun kolla an o foro Sion, kolengre djia rovenn, hounte venn bouder gar beshdo an i yagakri čik oun rido an gone. Na-a, me dau len verklia, te krenn le pen shoukar, oun soungepaskro djet. Lengre djia te givenn oun ačenn bouder gar phagedo. Oun yon venn kharedo: Bare rouka, hoy anenn sharepen o Debleske, oun Ruka, hoy o baro Devel peske an i phoub čivas, te vell leskro raylepen diklo.

Jesaja 51:11

Kolen o baro Devel dran o pandepen vin las, venn pale khere, oun venn o gipah pash i berga Sion. Lengri barht lell kek lendar. Lengre djia givenn oun bashrenn i barhtyatar. Oun douk oun ropen dell gar bouder.

Jeremia 31:4

Israel, miri pirni! Me krau tout pale baro. Toutar vell pale i natsyona. Tou kress tout pale shoukar, bashress oun djas vin ap o khelepen.

Johanni 16:22

Kanna rovell t'maro dji. Oun me penau t'menge kanna: Me vau pale pash t'mende. Oun t'mer venn barhtelo. Oun koy barht nay lell t'mendar kek krik.

Jesaja 51:3

O baro Devel khossell i sva i menshendar an o foro Sion, oun čivell o tele phagedo foro pale pre. Yob krell, te vell o moulo tato them har i baar Eden, oun o divyo trouk them har o baro Debleskri baar. Kote sanenn oun stenn le, parkrenn pen pash o Debleste oun givenn leske.

Jesaja 35:10

Kolen, kay yob dran o pandepen vin las, venn pale khere, oun venn o gipah pash i berga Sion. Lengri barht lell kek lendar. Lengre djia givenn oun bashrenn i barhtyatar. Oun douk oun ropen dell gar bouder.

Debleskri gili 149:3

Sharenn leskro lab an t'maro khelepen! Bashrenn leske ap i pauka oun i harfa!

Ester 9:22

te bistrenn le gar, kay an kol divessa i bibolde vin lino van dran i čilače vasta, oun kay kava o čon hi, kay vas barht dran lengre douka, oun sapen dran lengro ropen. Doleske hounte rikrenn le kol divessa bares, oun venn khetne, rhan oun piyenn oun hi barhtelo. Oun yek te dell o vavareste lačo rhapen. Oun ninna i čorvele hounte venn gar bistedo oun hounte lenn čomone.

Nehemia 12:43

Oun ap ko dives anan le boud firhen o Debleske. Oun yon givan oun khelan i barhtyatar. O Devel kras, te van lengre djia barhtelo oun san. Oun ninna i djouvya oun i čave dan gole i barhtyatar. Oun koy bari barhteli gole an o foro Yerusalem vas shounlo foun doural.

Nehemia 12:27

Oun har i massouri troul o foro Yerusalem kerdo vas, kran le i baro festo, oun moukan i Levitaryen gole te dell dran lengre tsele gaba, te denn yon i massouri an o Debleskro vast oun parkrenn pen pash leste barhtele djiyentsa, oun givenn oun bashrenn leske ap sasterne patria, hoy venn khetne dino, oun ap doryengre bashepangre, hoy kharenna Harfe oun Laute.

Zakarie 8:19

Kova penell o baro Devel, ko ray pral o bolepen oun i phoub: “Kol divessa an o starto, pančto, eftato oun deshto čon, kay i menshe či rhan, te rodenn le man, kal divessa venn i barhtelo tsiro o khereske Youda. An kal divessa givenn oun khelenn le i barhtyatar. T'menge penau, rodenn o čačepen! Oun denn yak, te vell kek čingepen mank t'mende!”

Jesaja 60:20

Tiro kham djal gar bouder tele, oun tiro čon ačell diklo. o baro Devel vell touke i momeli hako tsireske. Oun kol phare divessa, an kolende tou roval, hi palle trouyel.

Esra 6:22

Oun yon lauter rikran kol bare divessa, kay rhan le efta divessa maro, kay kek shoutlo yarro dren hi. Halauterenge his i gipaskro tsiro. O baro Devel das len barhtele djia oun kras, te dikas o ray pral o them Assour kamles ap lende. Yaake van lengre vasta zoreles, te nay kran le o kheer o Israeleskro Debleske.

Čačepangre 21:21

Te dikenn t'mer, te venn i terne ča dran Shilo khelepah oun gipah vin dran o foro, palle stenn dran t'maro khatepen vin! Oun hakeno t'mendar taprell peske yek terni čay, te romedinerell lo lat. Oun khetne lah djal lo khere an o them Benyamin.

Jesaja 61:2

Me vom bičedo, te dap vin gole, te vas ko bersh, kay sikrell o baro Devel peskro lačepen ap peskre menshende. Ninna vas ko dives, kay dell maro Devel hakenes ko čilačepen pale, hoy yob ap o them Youda kras. Yob bičras man, te khossap i sva tele kolenge, kay kanna rovenn.

Debleskri gili 126:5

Koon ropah o djob an i phoub vitsrella, kova dell gole i barhtyatar ap ko dives, kay lell lo o djob dren.

Debleskri gili 148:12

terne morsha oun terne ča, phoure oun terne!

Jesaja 12:1

I dives vella, kay i menshe an Yerusalem givenna: Me sharau tout, baro Devel! Ava, tou hals rhoyedo ap mande. Kanna hal bouder gar rhoyedo oun rakreh lačes mantsa.

Jeremia 33:11

kote vell pale sapen shounlo oun barhteli gole. O pirno oun leskri pirni, kay i biyab krenn, givenn pale. Oun vavar anenn firhen an miro kheer, te parkrenn le pen pash mande, oun givenn koy pashel: Parkrenn t'men pash o baro Debleste, ko rayeste pral o bolepen oun i phoub; yob hi kamles ap mende. Hako tsiro hi leskro lačepen menge koy. Me krau te djal kava themeske pale yaake mishto, har leske glan kova djas.