Jeremia 29:10 - O Debleskro Lab 2024 (Sinte-Manouche)

¹⁰ Kova penell o baro Devel: Ap ko tsiro, kay hi i Babilonarya efta-deesh bersha i raya pral t'mende, dikau me pale ap t'mende, te rikrap miro lačo lab oun anau t'men pale khere.

O Debleskro Drom 2021 (Sinte)

¹⁰ Kowa penell o baro Dewel: Ap ko tsiro, kai hi i Babilonarja efta-deesh bersha i raja pral tumende, dikau me pale ap tumende, te rikrap miro latcho lab un anau tumen pale khere.

Jeremia 29:10 Referans Kwoze

Zakarie 7:5

“Pen i tsele menshenge an o them oun kol rashayenge: Har rhan t'mer či oun dan gole ropah an o pančto čon oun an o eftato čon an kal efta-deesh bersha, kran t'mer kova mange? Na-a!

Daniel 9:2

An kava ersto bersh, kay yob kote o baro ray his, dom me, o Daniel, yak ap kova, hoy an o Debleskre lila činlo hi, kote kay penell o baro Devel ap peskro rakepaskro, o Yeremia, te ačell o foro Yerusalem 70 (efta-deesh) bersha khetne dino čiddo.

Jeremia 27:22

Kova lauter vell krik anlo an o them Babilonia, oun ačell kote, bis ap ko dives, kay me pal kova dikau, oun moukau les pale pale kate te anell. Kova penell o baro Devel.

Jeremia 25:12

Pal kol efta-deesh bersha dau me i phagi ko rayeske pral o them Babilonia oun leskre menshenge koy doshake, hoy le ap pende anan. Palle vell o them Babilonia i moulo them hako tsireske.

Zefanja 2:7

Kava kotar them pash o baro pani vell kolende dino, kay ačan djido dran o kheer Youda. Yon moukenn pengre bakre kote te rhal. Oun rati sovenn le an kol khera an o foro Ashkelon. Ava, lengro baro Devel krell peskro dji lenge pre, oun anell len dran lengro pandepen pale vin.

Jeremia 27:7

I menshe dran i tsele themma hounte boudrenn leske oun leskro čaveske, oun koleskro čaveske, bis te vell ko tsiro, kay nashrell ninna leskro them peskri zoor. Oun menshe dran vavar bare themma oun lengre zorele bare raya venn i raya pral lende.

2. Familjakro liil 36:21

Glan i rah tsiro penas o Mose ap i Israelitarya: “Hako eftato bersh hounte boudrell kek t'mendar ap peskri harhetikri phoub, te lell i phoub pale nevi zoor!” Ap ko lab rikran pen i Israelitarya gar. Kanna ačas ko them efta-deesh bersha mouklo čiddo. Yaake vas ko lab čačo, hoy o baro Devel o Yeremiyeske an o mouy čivas: “O them ačell mouklo čiddo efta-deesh bersha, bis te kol bersha trouyel hi, kolen i Israelitarya gar dren rikran.”

Ruth 1:6

Oun yoy shounas, te kras o baro Devel peskro dji pre peskre menshenge an o them Youda, oun das len maro. Koy las li peskro koova khetne, te djal li peskre čavengre romyentsa dran o them Moab pale pale.

2. Familjakro liil 36:22

An o ersto bersh, kay o Cyrus o baro ray pral o them Persia his, kras o baro Devel, te vas ko lab čačo, hoy lo ap o Yeremia rakras, oun yob i menshenge doureder penas. O baro Devel das o baro rayeske, o Cyrus an o dji, te moukell lo an peskro tselo them vin te kharell oun i lilentsa halauterenge te penell:

Esra 1:1

An o ersto bersh, kay o Cyrus o baro ray pral o them Persia his, kras o baro Devel, te vas ko lab čačo, hoy lo ap o Yeremia rakras, oun kova i menshenge doureder penas. O baro Devel das o baro rayeske, o Cyrus an o dji, te moukell lo an peskro tselo them vin te kharell oun i lilendar halauterenge te penell:

Jeremia 25:11

Kava tselo them vell i moulo them, kay kek djivell. Oun i menshe dran Israel oun kol themma trouyel venn an o them Babilonia anlo, oun hounte boudrenn o baro rayeske pral Babilonia efta-deesh bersha.

Jeremia 29:28

Yob bičras menge i liil an o them Babilonia, oun moukas menge te penell: T'mer hounte ačenn i rah tsiro koy. Krenn t'menge khera oun djivenn koy dren! Čivenn rouka oun zenlepen an i phoub, oun rhan, hoy ap lende bares vella.

Jeremia 29:32

Doleske dau me, o baro Devel, leste oun leskri familyate i phagi. Kek lendar ačell djido mank kal menshende. Oun yob dikell gar ko lačepen, hoy krau ap mire menshende. Peskro rakepah anas yob mire menshen mandar krik. Kova penell o baro Devel.

Jeremia 30:3

Dik, o tsiro vella, kay lau o pandepen krik mire menshendar, o kherestar Israel oun o kherestar Youda, penell o baro Devel; Oun me anau len pale an ko them, hoy lengre phourende dom, te vell kova lengro them.

Jeremia 33:14

Čačepah, penell o baro Devel, ko tsiro vella, kay moukau ko lačo lab čačes te vell, hoy me penom ap o khereste Israel oun ap o khereste Youda.

Zakarie 1:12

Koy penas o bolepaskro: “Baro Devel, tou ray pral o bolepen oun i phoub, har rah kameh tou gar tiro dji pre te krell i menshenge an Yerusalem oun an i vavar forya an o them Youda? 70 (efta-deesh) bersha hal rhoyedo pral lende.”

Esra 1:2

Yaake rakrell o Cyrus, ko ray pral o them Persia: O baro Devel an o bolepen das man i tsele themma ap kay phoub. Oun yob penas mange, te krap leske i kheer an o foro Yerusalem an o them Youda.

Debleskri gili 102:14

Ste pre oun ab pale kamles ap i menshende an o foro Sion. O tsiro vas, te less lengri doosh lendar krik. Kanna hi o čačo tsiro kay.

Ezekiel 11:17

Me, o baro Devel, lengro ray, lau len khetne dran kol tsele themma oun natsyone, an kolende yon tradedo van, oun dau len o them Israel pale.