Jeremia 27:13 - O Debleskro Lab 2024 (Sinte-Manouche)

¹³ Hoske kamenn t'mer te merell, tou oun tire menshe, te vell o kourepen, i bok oun o nasslepen pral t'mende, yaake har o baro Devel penas, te vell kova pral kol menshende, kay kamenn gar te krell, hoy o baro ray dran Babilonia lendar kamell.

O Debleskro Drom 2021 (Sinte)

¹³ Hoske kamenn tumer te merell, tu un tire menshe, te well o kurepen, i bok un o nasslepen pral tumende, jaake har o baro Dewel penas, te well kowa pral kol menshende, kai kamenn gar te krell, hoi o baro rai dran Babilonia lendar kamell.

Jeremia 27:13 Referans Kwoze

Ezekiel 18:31

Moukenn t'mare čilače dromma! Oun lenn t'menge i nevo dji oun i nevo dourho! Hoske kamenn t'mer te merell, t'mer dran o kheer Israel?

Jeremia 27:8

Kanna penau t'menge, te hounte krenn t'mer, hoy kamell o baro ray dran Babilonia t'mendar, yaake har hounte krell i gouroum, koles i kasht troul leskri meen hi, kova, hoy leskro ray kamell. Hako them peskre menshentsa, hoy kamell kova gar te krell, koles dau i phagi. Leskre menshe hounte merenn an o kourepen, i bokatar oun dran nasslepen, bis te moukau o Neboukadnezares ko them dren te lell.

Gosewe laba 8:36

Kova, kay gar pash mande vell, krell peskro djipen paash. Hakeno, kay kamell či mandar te djinell, hi ap o drom, hoy anell an o merepen.

Ezekiel 33:11

Pen ap lende: O baro Devel, maro ray penell: Me dau man sovel pash miro djipen: Mange hi gar shoukar, te merell o čilačo mensho. Na-a me kamaus, te djal lo peskro čilačo dromestar tele, oun djivell lo! Doleske, djan tele t'mare čilače dromendar! Hoske kamenn t'mer te merell, t'mer dran o kheer Israel?

Ezekiel 18:24

I lačo morsh, te moukell yob peskro lačo drom, oun krell kanna o čilačepen, oun ko tselo djoungelo koova, hoy ko čilačo kras, ačell lo djido? Na-a! Ko tselo lačo oun čačo koova, hoy lo kras, vell bistedo. Yob moukas o Debleskro drom oun anas doosh ap peste. Doleske hounte merell lo.

Ezekiel 14:21

Oun kanna penell o baro Devel, maro ray: Ap ko tsiro, kay bičrau star phare dava pral ko foro Yerusalem – kourepen, bok, divye firhe oun pharo nasslepen, – te merenn i menshe oun firhe koy dren,

Jeremia 38:20

O Yeremia penas: Yon denn tout gar an lengro vast. Shoun ap o baro Debleskro rakepen, hoy me touke penau, palle djal touke mishto, oun tou ačeh djido.

Jeremia 38:2

Kova penell o baro Devel: Kova, kay ačell an kava foro, kova vell o rhareha, i bokatar oun i nasslepastar maredo. Oun kova kay djal vin pash i Babilonarya, kova ačell djido, ninna te ačell leske či har peskro djipen.

Jeremia 24:9

Me anau savi bibarht pral lende, te ačell i menshenge an i tsele themma ap kay phoub o rakepen krik. Kote, kay len tradau, venn le sapaske oun praasepaske. Te kamell yek o vavares te praasell, penell lo: Touke te djal har kol menshenge dran Yerusalem oun Youda!

Jeremia 17:4

Oun t'mer hounte djan dran kava them, hoy dom t'men hako tsireske. Oun me krau, te venn t'mer boudepangre kolenge, kay rikrenn t'men tele an i them, kay prindjrenn gar. Miri rholi hi har i yag, hoy gar bouder vin djala.

Jeremia 38:23

Tire tsele romya oun tire tsele čave venn pash i Babilonarya vin anlo. Oun tou ninna nay nasheh gar lendar krik. Yon taprenn tout, oun denn tout an i vasta o baro rayestar dran Babilonia. Oun kava foro vell tele rhačedo.