Jeremia 27:10 - O Debleskro Lab 2024 (Sinte-Manouche)

¹⁰ Kal menshe penenn t'menge rhorhepen. Te patsenn t'mer lenge, venn t'mer dran t'maro them krik anlo. Me tradau t'men mandar krik, oun t'mer merenna.

O Debleskro Drom 2021 (Sinte)

¹⁰ Kal menshe penenn tumenge chochepen. Te patsenn tumer lenge, wenn tumer dran tumaro them krik anlo. Me tradau tumen mandar krik, un tumer merenna.

Jeremia 27:10 Referans Kwoze

Jeremia 32:31

Bari rholi rhačas an mande pral kava foro yaake rah har lo tardo hi. Doleske hounte čivap les glan mande krik, te dikap les bouder gar.

Ropaskre gilja 2:14

Kolla, kay hounte penans touke o Debleskre laba, penan touke rhorheno koova glan-vi, hoy či moldo hi. Oun sikran touke gar tiri doosh. Kova te krans le, perals gar yaake har kanna peral. Na-a, yon moukan tout rhorhene laba te shounell, oun anan tout o čačo dromestar tele.

Jeremia 28:16

Doleske penell o baro Devel: Tiro rakepah anal i menshen o Debleskro dromestar krik. Doleske lau tout krik i phoubyatar. Kava bersh mereh tou.”

Jeremia 27:14

Ma shounenn ap kol rhorhene rakepangre, kay t'menge penenn: T'mer hounte moukenn gar o baro rayes dran Babilonia t'maro ray te vell. Kolla penenn rhorhepen glan-vi.

Jeremia 23:25

Me shounom mishto, hoy kal rakepangre rakrenn, har penenn yon rhorhepen glan-vi oun penenn: Kova vell o baro Deblestar. Me dom les souni. An i souni penas o Devel kova mange.

2. Mose 22:18

Hakeno, hoy i firheha sovell, hounte merell.

5. Mose 18:10

Kek mank t'mende hounte rhačrell peskro morsh čaves oder peskri čat an i yag o Debleske. Kek mank t'mende hounte vell i dourkepaskro, kek i dravepaskro, kek, kay krell vavar bengeskri koova,

Jeremia 8:19

Dran o tselo them shounau me, har denn mire menshe gole. Kamell o baro Devel bouder gar o Devel an Sion te vell? Hi o fores Sion bouder kek baro ray? Hoske kran yon man yaake rhoyedo [penell o baro Devel], har mangan le pengre figuren oun rhorhene deblen an, kay kekeske ap i rig venna?

Jeremia 14:14

O baro Devel penas ap mande: Kol rakepangre rakran rhorhepen an miro lab. Me bičrom len gar. Oun me penom lenge či, hoy te krenn le, oun rakrom lentsa vitar gar. Yon rakrenn pral kova, hoy dikan le, – kova vas gar mandar. Oun kova, hoy le glan-vi penan, hi rhorhepen oun dourkepen, oun hi či moldo oun vell dran lengre djia.

Jeremia 23:16

Kova penell o baro Devel, ko ray pral o bolepen oun i phoub: Ma shounenn ap i laba, hoy kol rakepangre penenn! Yon rhorhenn t'men, oun rakrenn pral dikepen, hoy vell dran lengre djia oun gar o baro Deblestar.

Jeremia 27:15

O baro Devel penell lendar: Me bičrom len gar. Yon penenn, te venn lengre laba mandar. Kova hi rhorhepen. Te patsenn t'mer lenge, tradau t'men vin, oun t'mer venn maredo khetne kol rhorhene rakepangre.

Jeremia 27:16

Palle penas o Yeremia ap i rashayende oun i tsele menshende, kay kote his: Kova hi, hoy o baro Devel penell: Ma patsenn kol rakepangre, kay penenn t'menge: Ko kouč koova dran o baro Debleskro kheer, hoy vas anlo an o them Babilonia, kova vell sik pale pale anlo. Kova, hoy yon glan-vi penenn, hi rhorhepen.

Jeremia 28:11

Oun o Hananya penas glan i tsele menshende, kay kote his: “Kova penell o baro Devel: Yaake phagau i zoor o baro rayestar Neboukadnezar dran Babilonia khetne, glan douy bersha trouyel hi, oun lau i tsele themma dran leskre vasta vin.” Oun o Debleskro rakepaskro o Yeremia djas peske.

Daniel 4:7

“Kava hi koy souni, hoy dikom, har homs ap miro čiben čiddo: I baro rouk his tardo mashkral ap kay phoub.

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

Zakarie 10:2

Ma poučenn i khereskre deblen! Kova, hoy yon rakrenn, hi dinelo koova. Ma djan pash i dourkepangre! Kova, hoy yon glan-vi penenna, hi rhorhepen. Lengre sounya hi či moldo. Lengre lače laba hi gar čačo. Doleske nashrenn pen i menshe har bakre, kolen kek bakrengro hi, oun kay merenna.