Jeremia 27:1 - O Debleskro Lab 2024 (Sinte-Manouche)

¹ Kava hi ko lab, hoy penas o baro Devel ap o Yeremia. Kova his i tikno tsiro palla, kay vas o Sedekya, koleskro dad o Yosia his, o baro ray pral o them Youda.

O Debleskro Drom 2021 (Sinte)

¹ Kawa hi ko lab, hoi penas o baro Dewel ap o Jeremia. Kowa his i tikno tsiro palla, kai was o Zedekja, koleskro dad o Josia his, o baro rai pral o them Juda.

Jeremia 27:1 Referans Kwoze

Jeremia 28:1

An kava emligo bersh an o pančto čon an o starto bersh, har o Sedekya o baro ray pral Youda his, rakras o rakepaskro, o Hananya, ap mande. Leskro dad his o Asur. O Hananya his i rakepaskro dran Gibeon, kay das glan, kay leskre laba o baro Deblestar venna. Yob rakras ap mande, har homs an o baro Debleskro kheer. Oun i rashaya oun kol vavar menshe, kay ninna koy his, shounan, har yob mange penas:

Jeremia 27:12

Oun me penom kal tsele laba ap o baro rayeste pral o them Youda, o Sedekya, oun penom leske ninna: Te kamenn t'mer djido te ačell, krenn, hoy o baro ray dran Babilonia t'mendar kamell, oun moukenn les oun leskre menshen o ray pral t'mende te vell!

Jeremia 27:3

Man hi i lab kol bare rayenge pral i themma Edom, Moab, Ammon, Tirus oun Sidon. Lengre bičepangre hi an Yerusalem pash o baro rayeste Sedekya. Mouk lenge te penell,

2. Familjakro liil 36:11

Biish-te-yek (21) bersh his o Sedekya, har lo baro ray vas; oun deesh-te-yek (11) bersha his lo baro ray an o foro Yerusalem.

Jeremia 26:1

Kava hi ko lab, hoy penas o baro Devel ap mande. Kova his i tikno tsiro palla, kay vas o Yoyakim, koleskro dad o Yosia his, o baro ray pral o them Youda:

2. Rajengro liil 24:18

Biish-te-yek bersh his o Sedekya, har lo baro ray vas; oun deesh-te-yek bersha his lo baro ray an o foro Yerusalem. Leskri day kharas Hamoutal. Lakro dad his o Yirmeya dran Libna.

Jeremia 32:1

Kava hi ko lab, hoy o baro Devel penas ap o Yeremia an o deshto bersh, har o Sedekya o baro ray pral Youda his. Kova hi o deesh-te-orhtato bersh har o Neboukadnezar o baro ray pral Babilonia his.