Jeremia 25:33 - O Debleskro Lab 2024 (Sinte-Manouche)

³³ Ap ko dives marell o baro Devel menshen ap i tseli phoub yek rigyatar ap i vavar. Oun i moule menshe hi koy čiddo, oun kek rovell pral lende, hadell len pre oun paskrell len. Yon ačenn čiddo har foul ap i phoub.

O Debleskro Drom 2021 (Sinte)

³³ Ap ko diwes marell o baro Dewel menshen ap i tseli phub jek rigjatar ap i wawar. Un i mule menshe hi koi tchiddo, un kek rowell pral lende, hadell len pre un paskrell len. Jon atchenn tchiddo har ful ap i phub.

Jeremia 25:33 Referans Kwoze

Jesaja 66:16

I yagah oun peskro rhareha krell o baro Devel o čačepen vin pral i tsele menshende, oun boud lendar venn yaake maredo.

Jeremia 8:2

Oun kol kokale venn koy trouyel vitsedo glan o kham oun o čon oun i tsele bolepangre momlia, kolen kaman kol menshe, oun mangan len an, oun nashan lenge pal. Kolendar poučan yon oun sharan len. Kol kokale venn gar pre hadedo oun venn gar paskedo. Yon venn foul i phoubyake.

Debleskri gili 79:3

Lengro rat nashas har pani troul o foro Yerusalem, oun kek his koy, kay len paskras.

Jesaja 5:25

Doleske moukell o baro Devel peskri rholi pral peskre menshende te vell. Oun yob hadell peskro vast ap lende oun dell len. Oun i berge trissenn. Oun i moule ačenn čiddo ap i dromma har čik. Oun an kova lauter moukell leskri rholi gar palla, leskro vast ačell hadedo, te dell lo trad.

Debleskro tsiro 11:9

Oun boud menshe dran hako them, haki natsyona, haki harmenatsyona oun hako rakepen dikenn kol moule morshen ap o drom čiddo triin divessa oun i paash dives, oun moukenn gar, te venn yon paskedo.

Zefanja 2:12

Ninna pral t'mende an o them Etiopia, bičrau lourden, kay marenn t'men o rhareha.

Debleskri gili 83:10

Miro Devel, kre lenge, har kral ap i Midianarya, ap o Sisera, oun ap o Yabin pash ko tikno pani Kishon.

2. Rajengro liil 9:37

Oun yoy vell har firhengro foul ap o them pash Yesreel. Kek penell nay bouder: Kova hi i Isebel.”

Ezekiel 29:5

Me vitsrau tout an o moulo them, tout oun i tsele mače dran tire bare lengste panya. Ap i phoub vitsrau tout. Kote ačeh čiddo. Oun kek vell, kay hadell tout pre oun paskrell tout. Me dau tout i divye firhenge oun i čirklenge rhapaske.

Ezekiel 21:11

Oun tou mensho, dja banges oun le phares dourho! Ava, le phares dourho, har te phagals tiro dji! Kre kova glan i yaka i Israelendar!

Ezekiel 29:4

Me dau sasterne kanengre čourye an tiro mouy. Oun krau te ačenn i mače an tire shouppe pandlo. Palle tserdau tout vin dran o pani khetne kol mačentsa, kay ap toute pandlo hi.