Jeremia 22:18 - O Debleskro Lab 2024 (Sinte-Manouche)

¹⁸ Doleske penell o baro Devel pral o Yoyakim, ko baro rayeste pral o them Youda, koleskro dad o Yosia his: Te merell yob, rovenn le gar pral leste. Kek penell: Mo phraal, mo pheen, hoske hounte meras lo? Vitar gar penenn le: Maro ray, i pralstouno, hounte meras!

O Debleskro Drom 2021 (Sinte)

¹⁸ Doleske penell o baro Dewel pral o Jojakim, ko baro rajeste pral o them Juda, koleskro dad o Josia his: Te merell job, rowenn le gar pral leste. Kek penell: Mo phraal, mo pheen, hoske hunte meras lo? Witar gar penenn le: Maro rai, i pralstuno, hunte meras!

Jeremia 22:18 Referans Kwoze

Jeremia 16:6

Kol bare oun kol tikne hounte merenn an kava them, oun venn gar paskedo. Oun kek rovell pral lende. Oun kek činell pes ratles lenge oder činell peskre tsele balla lenge tele.

1. Rajengro liil 13:30

Oun yob čivas ko moulo morshes an peskro moulengro kheer, kote kay yob kamell paskedo te vell. Oun yon rovan pral leste oun penan: “Maro phraal meras!”

Jeremia 22:10

Ma rovenn pral koleste, kay meras, ko baro ray Yosia. Ma denn gole i doukatar leske! Na-a, rovenn pral leskro čaveste, kay vas krik anlo, o baro ray Yoakaz. Kova vell bouder gar pale, te dikell lo kava them pale.

Jeremia 16:4

Lendar hounte merenn ap pharo nasslepen, oun kek rovell pral lende oun paskrell len. Yon ačenn čiddo ap i harhetikri phoub har firhengro foul. Vavar merenn an o kourepen. Oun ninna vavar merenn i bokatar. Oun i čirkle oun i divye firhe rhan len pre.

Jeremia 34:5

na-a, tou mereh an o lačepen. Oun yaake har kran i menshe tire phourenge, kay glan toute bare raya his, yaake krenn le ninna touke: Yon krenn i yag oun rhačrenn soungepaskro koova, te sharenn le tout. Oun denn gole o ropah: “Maro ray meras!” Me, o baro Devel, penau kova.

2. Familjakro liil 35:25

Oun o Yeremia givas i ropaskri gili pral o Yosia. Oun i tsele gipangre, morsha har djouvya, givan ropangre gilya pral o Yosia bis ap kava dives. Yaake vell kova gomme kava dives kerdo an Israel. Kal tsele gilya hi tele činlo an o liil, hoy kharell: Ropangre gilya.

2. Samuel 1:26

Miro phraal Yonatan, miro kamlo maal, me rovau pral toute. Man his bari barht pral toute. Tiro malengro kamlepen his mange feteder har i djouvyengro kamlepen.

2. Rajengro liil 23:6

Oun o Yosia moukas koy kashteni debletsa Ashera dran o baro Debleskro kheer te anell glan o foro Yerusalem pash ko tikno pani, kay kharell Kidron. Oun kote moukas lo lat te rhačrell. Oun hoy latar pral ačas, moukas lo tiknes te krell har phoubyakri čik, oun čivas kova khetne koy yagakri čik ap o handako, kay i čorvele paskedo van.

2. Rajengro liil 23:36

Biish-te-panč bersh phouro his o Yoyakim, har lo baro ray vas; oun yob his deesh-te-yek bersh baro ray an o foro Yerusalem. Leskri day kharas Sebouda. Lakro dad his o Pedaya dran Ruma.

2. Rajengro liil 24:6

Oun o Yoyakim meras oun vas paskedo pash peskre phourende. Oun leskro čavo, o Yoyakin, vas baro ray pal leste.

2. Familjakro liil 36:5

Har vas o Yoyakim baro ray, his lo 25 (biish-te-panč) bersh phouro. Oun yob his 11 (deesh-te-yek) bersh baro ray an o foro Yerusalem. Oun yob kras, hoy čilačo his glan i yaka o baro Deblestar, kay leskro Devel his.

Jeremia 22:12

Yob merell an i dour them oun dikell bouder gar peskro them pale.

1. Familjakro liil 3:15

Oun i čave o morshestar Yosia his: o phoureder his o Yohanan, o douyto his o Yoyakim, o triinto his o Sedekya, o starto his o Shalloum.

Jeremia 21:11

Oun ap o baro rayeste pral Youda pen: Shounenn ko lab, hoy moukell o baro Devel t'menge te penell:

Jeremia 36:30

Doleske penau pral toute, Yoyakim, ray pral Youda: Kek tire čavendar vell pal toute o ray pral o Davideskro them. Tou mereh oun veh vin vitsedo oun ačeh čiddo an o kham ap o dives oun an o shilapen an i rati.