Jeremia 20:7 - O Debleskro Lab 2024 (Sinte-Manouche)

⁷ Baro Devel, tou rakral yaake rah ap mande dren bis te krom, hoy tou kamal. Tou hal zorleder har me. Kanna vom lenge sapaske, oun hakeno sal man vin.

O Debleskro Drom 2021 (Sinte)

⁷ Baro Dewel, tu rakral jaake rah ap mande dren bis te krom, hoi tu kamal. Tu hal sorleder har me. Kanna wom lenge sapaske, un hakeno sal man win.

Jeremia 20:7 Referans Kwoze

Hosea 9:7

O tsiro hi koy, kay me t'menge t'mari phagi dau, oun t'maro čilačepen ap t'mare sherya pale anau. Oun t'mer Israelitarya hayvenn kova! T'mer penenn: “I narvelo hi ko Debleskro rakepaskro! Ko morsh, koles o Debleskro dourho hi, rakrell dinelo koova!” Yaake baro hi t'mari doosh oun t'mari rholi ap mande!

Ropaskre gilja 3:14

I sapen hom mire tsele menshenge. I sapaskri gili hom lenge o tselo dives.

Ezekiel 3:14

Oun o dourho hadas man pre oun las man krik. Oun an mande his i bari rholi. Kova, hoy o baro Devel mande sikras, his phares čiddo ap mande.

Jeremia 20:9

Ava, te penau mange, me kamau o Debles te bistrell, oun rakrau bouder gar an leskro lab, palle rhačell leskro lab an mande har i yag. Me lau miri tseli zoor khetne, te rikrap kova vin. Oun kova djal gar.

Hebrearja 11:36

Vavar van praasedo, oun van i čoupniyah dino. Vavar van i sasterne shellentsa pandlo, oun an o stilepen vitsedo.

1. Korintarja 9:6

Me poučau t'mendar: Hounte boudrap me oun o Barnabas maro rhapaske kokres?

Bičepangre 17:32

Har shounan le, kay rakrell o Paulo pral i morsheste, kay moulo his oun pale djido vas, his lenge sapaske. Vavar penan: “Tou te peness menge pral ko koova i vavar kopo boudeder.”

Bičepangre 17:18

Mank lende his ninna sikle morsha, kay kharan Stoykarya oun Epikurarya. Kolla čingran leha. Har rakras o Paulo pral o Yezouseste, oun penas, kay kras o Devel o Yezouses i moulendar djido, penan le: “Hoy kamell ko dinelo rakepaskro te penell?” Vavar penan: “Yob rakrell pral vavar deblende, kolen mer gar prindjrah.”

Louka 23:11

Oun o Herodes oun leskre lourde san pral leste, rivan leske i rayeskri plaashka an, oun moukan les pale pash o Pilateste te anell.

Louka 16:14

Kol Farisarya shounan kova lauter. Yon his pal i love, oun yon san pral o Yezouseste.

Micha 3:8

Man hi i bari zoor. O baro Devel čivas peskro dourho an mande. oun kras miro dji pherdi zoor, te rakrap o čačepen vin, te penap o Yakobeskre čavenge pengri doosh, ava, te sikrap i Israelenge kay le o Debleskro dromestar tele djan.

Jeremia 29:26

O baro Devel rodas tout vin, te vess o rashay pal o rashayeste Yoyada. Tou vess o pralstouno an o baro Debleskro kheer, te čivess kol tsele narvelen pandles, kay venna oun penenn, te hi le Debleskre rakepangre, oun penenn čomone glan-vi. Tou čivess lengre pire an kashta oun sasterne shelle troul lengri meen.

Jeremia 17:16

Tou djineh, me homs lenge har i bakrengro, oun krom hoy mange penal. Me kamom gar, te vell bibarht pral lende. Lauter, hoy lenge penom, djineh tou.

Jeremia 15:18

Hoske venn mire douka gar sasto? Hoske hi miro doukepen yaake djoungelo, te vell lo gar sasto? Tou val mange har i brounna, kay an o niyale kek pani dren hi.

Jeremia 15:10

Me bibarhtelo, hoske das miri day mande o djipen? Hakeno dikell čilačes ap mande. An o tselo them čingrenn le ap mande. Ninna te patsom kekestar love, oun kek patsas man love, praasell man hakeno.

2. Rajengro liil 2:23

Oun yob djas pre an o pralstouno them pash Betel. Koy van tikne morsh čave dran ko foro, san pral leste oun dan ap leste gole: “Nango shero, am kay pral, nango shero am pral!”

Hiob 12:4

Hoske vom mire malenge sapaske? Me dom gole ap o Debleste, oun yob shounas man. Ninna te hom an o čačepen tardo oun djau o čačo drom, sanenn le man vin.

Debleskri gili 119:51

Ninna te sanenn pre-phourde menshe pral mande, moukom gar tiro drom.

Jeremia 38:19

O baro ray Sedekya penas ap o Yeremia: Man hi traash, te vap an o vast dino kol menshendar dran o them Youda, kay nashan vergel pash i Babilonarya, oun yon mantsa djoungelo koova krenna.

Jona 4:2

Kote rakras lo ap o baro Debleste oun penas: “Ah, baro Devel, kova hi, hoy penom an ko tsiro, har khere homs. Doleske kamom sik an o them Tarsis krik te nashell. Me djinom, kay tou i lačo Devel hal, oun tout i baro dji hi. Tou veh gar sik rhoyedo. Oun tiro lačepen hi baro. Oun koy bibarht, kolah i menshen trad deh, khaytell tout pal kova.

Hiob 30:9

Oun kanna givenn lengre čave sapaskre gilya pral mande. Me vom lenge rakepaske.

Jesaja 8:11

O baro Devel rakras ap mande, har leskro vast zoreles ap mande his oun man sikras, te dap man yak, te djap gar ap o drom, kay kol vavar menshe an Youda djana. Oun yob penas: