Jeremia 20:11 - O Debleskro Lab 2024 (Sinte-Manouche)

¹¹ O baro Devel hi pash mande oun dell ap mande garda har i zorelo morsh. Doleske perenn kolla, kay man palla lenn oun hounte tserdenn pen pale. Kova, hoy len glan hi, nay krenn yon gar. Oun vavar san pral lende. Hako tsiro hi kova lenge i ladj oun vell lenge gar bistedo.

O Debleskro Drom 2021 (Sinte)

¹¹ O baro Dewel hi pash mande un dell ap mande garda har i sorelo mursh. Doleske perenn kolla, kai man palla lenn un hunte tserdenn pen pale. Kowa, hoi len glan hi, nai krenn jon gar. Un wawar san pral lende. Hako tsiro hi kowa lenge i ladj un well lenge gar bistedo.

Jeremia 20:11 Referans Kwoze

Jeremia 1:19

Ninna te čingrenn le touha, nay krenn le touke či. Me hom pash toute, te lap tout dran lengre vasta vin. Kova penau me, o baro Devel.

Jeremia 1:8

Ma traash lendar. Me hom pash toute, oun rikrau mire vasta pral toute. Ko penau me, o baro Devel.

Jeremia 15:20

Me krau tout kal menshenge har i zoreli massouri. Ninna te djan le ap toute, nay vitsrenn le tout gar trouyel. Me, o baro Devel, hom pash toute, te vap ap tiri rig, oun te lap tout vin dran lengre vasta, –

Jeremia 17:18

Mouk ladj pral kolende te vell, kay man palla lenn, oun gar pral mande! Yon hounte trashenn pen, oun gar me! Mouk ko dives te vell, kay vell koy bibarht ap lende! Oun phage len an kotya!

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

Debleskri gili 6:10

Ava, o baro Devel shounas miri gole. Miro mangepen las lo an.

Debleskri gili 40:14

Baro Devel, dik lačes ap mande, oun le man vin dran o čilačepen! Ab sik ap miri rig!

Debleskri gili 35:26

Kre, te ladjenn le pen, oun nay hadenn pengro shero gar pral, kolla lauter, kay hi barhtelo pral miri bibarht! Mou vell praasepen oun ladj ap lende, kay hadenn pen pral mande.

Remarja 8:31

Hoy te penas mer boudeder? O Devel hi ap mari rig! Koon nay krell menge i čilačepen? Kek!

Jeremia 23:40

Oun me anau ladj oun praasepen ap t'mende, hoy ačell hako tsiro ap t'mende, oun vell gar bistedo.

2. Timoteo 4:17

O ray Yezous his ap miri rig, oun das man i zoor, te nay penap kote o tselo lačo lab lestar, yaake te shounan les ninna kolla, kay hi kek bibolde. Oun yob las man yaake dran lengre vasta vin, har te voms dran i leveskro mouy vin lino.

Jesaja 45:16

Yon halauter, kay pen rhorhene deblen kran, hounte venn vi-ladjedo koy tardo, oun hounte venn lolo i ladjatar.

Debleskri gili 66:5

Avenn oun dikenn, hoy o Devel kras. I menshenge ačell o rakepen krik, te dikenn le, hoy kras lo ap lende.

Daniel 12:2

Oun boud kolendar, kay tel i phoub čiddo his oun sovan, kolla stenn pre, ko yek o djipaske, hoy gar pre herella, oun ko vavar i bari ladjake oun o praasepaske, hoy bouder gar pre herella.

Debleskri gili 65:5

Har barhtelo hi kova, koles tou touke vin rodal, oun moukeh les pash toute te vell, te djivell lo ap i platsa glan tiro kheer. Kova vell čalo o lačepastar an tiro raylo kheer, kay tou djiveh.

Debleskri gili 47:2

T'mer menshe dran i tsele themma, denn an i vasta! Sharenn o Debles oun denn leske barhteles gole!

Jesaja 41:14

Ma dare, tou kirmo Yakob, tou djouv Israel! Me, rikrau pash toute, me, o baro Devel. Kova, kay ginas tout vin dran o vavareskro vast, hom me, o Israeleskro čačo Devel.

Debleskri gili 129:2

boud kope kran le mange o djipen phares. Moulo nay dan le man gar.

Jeremia 15:15

Baro Devel, tou djineh halauter! Ma biste man, oun ab ap miri rig! De kolen lengro čilačepen pale, kay man palla lenna! Rike tiri rholi ap lende gar yaake rah pale, te vap gar maredo! Tou djineh, me hom touke koy. Doleske čingrenn le ap mande.

Jeremia 22:22

Tire pralstoune venn krik anlo, har te vans le krik phourdedo i zorelo dourhestar. Oun tire mala hounte djan pandles an i vavar them. Yaake vell ladj pral toute, oun tou veh sapaske i vavarenge. Kova vell pral toute tiro tselo čilačepaske.

Jeremia 32:18

Tou moukeh lačepen pral boud zerya menshende te vell. Oun i doosh i dadendar moukeh ap i sherya lengre čavendar te vell. Tou hal o baro oun zorelo Devel. Tiro lab hi: Baro Devel, ko ray pral o bolepen oun i phoub.

Jeremia 1:18

Kava dives dau me tout i zoor, te vess yaake zorelo har i zorelo foro, i sasterno rouk, oun i massouri dran lolo saster. Hakeno an kava them vell rhoyedo ap toute: i bare raya oun pralstoune pral o them Youda, ninna i rashaya oun i menshe an kava them.