Jeremia 11:12 - O Debleskro Lab 2024 (Sinte-Manouche)

¹² Palle denn kol menshe an o them Youda oun an Yerusalem gole pal kol deblende, kay rhačran yon lenge soungepaskro koova. Kal debla nay hayvenn len gar dran lengri bibarht vin te anell.

O Debleskro Drom 2021 (Sinte)

¹² Palle denn kol menshe an o them Juda un an Jerusalem gole pal kol deblende, kai chatchran jon lenge sungepaskro koowa. Kal debla nai haiwenn len gar dran lengri bibacht win te anell.

Jeremia 11:12 Referans Kwoze

Jeremia 2:28

Kay hi t'mare debla, kay t'menge kran? Mou stenn yon pre, oun lenn t'men vin dran t'mari bibarht! T'mer menshe an o them Youda, t'men hi yaake boud debla har forya!

5. Mose 32:37

Oun yob poučell lendar: Kay hi kol zorele debla, pash kolende kaman t'mer t'men te khatrell?

Jesaja 45:20

Avenn khetne, t'mer, kay nashan t'menge glan o kourepen dran boud themma! Avenn pash mande, te kras o čačepen vin! Kolla, kay hidjrenn pengre deblen pentsa, hayvan či, yon mangenn deblen an, kay nay venn lenge gar ap i rig.

2. Familjakro liil 28:22

Ninna te his ko tsiro yaake pharo o baro rayeske Ahas, anas lo i boudeder doosh ap peste glan o baro Debleste.

Čačepangre 10:14

Djan koy oun denn ap kol deblende gole, hoy t'mer t'menge vin rodan, te venn kolla t'menge ap i rig an ko tsiro, kay t'maro djipen pharo hi.”

5. Mose 32:38

T'mer dan len o thulepen t'mare firhendar te rhal, oun čoran mool glan lende vin pipaske. Mou stenn le pre, te venn le ap t'mari rig, oun lenn t'men koy vin!

Jeremia 44:8

T'mer rhoyrenn man koleha, hoy krenn kote an o them Egiptia, kay djan, te djivenn koy. T'mer rhačrenn soungepaskro koova vavar deblenge. Kamenn t'mer halauter te merell? Kamenn, te praasenn t'men i menshe dran i tsele vavar themma oun san pral t'mende?

Jesaja 46:7

Yon hadenn les ap pengri phik, oun hidjrenn les trouyel, oun čivenn les pale pale ap leskri platsa. Oun kote hi lo tardo, oun djal foun kokres gar doureder. Dell yek gole ap leste, rakrell lo gar pale, krell peskro mouy gar pre, oun djal gar koy, te lell lo les vin dran i bibarht.

Jeremia 18:15

har mire menshe man bistran. Yon anenn firhen oun soungepaskro koova kol deblenge, kay kek hi. Kolla anan len o phoureder drom tele, oun moukenn len ap i djoungele dromma te djal.