Jeremia 1:12 - O Debleskro Lab 2024 (Sinte-Manouche)

¹² Oun o baro Devel penas ap mande: “Tou dikal mishto. Me dau garda ap miro lab, te krap kova.”

O Debleskro Drom 2021 (Sinte)

¹² Un o baro Dewel penas ap mande: “Tu dikal mishto. Me dau garda ap miro lab, te krap kowa.”

Jeremia 1:12 Referans Kwoze

Ezekiel 12:28

Doleske pen lenge: Kava penell o baro Devel, miro ray: Kova, hoy penom, vell sik. Ko lab hoy me rakrom, vell čačo. Kova penau me, o baro Devel, t'maro ray.

Ezekiel 12:25

Me, o baro Devel, penau ap t'mende! Kova, hoy me rakrau, vell ninna, oun vell an i tikno tsiro. T'menge, kay moukenn t'men či te penell, penau me: Yaake rah har t'mer djivenn, krau, te vell čačo, hoy penom. Kava penau me, o baro Devel, t'maro ray.

Louka 10:28

Penas o Yezous leske: “Tiro hi čačo. Kre lauter yaake, oun tou djiveh!”

Amos 8:2

Oun yob poučas mandar: “Hoy dikeh, Amos?” Me penom: “I korba, kay roukengre dren hi, kolenge o tsiro vas, te venn le tele činlo i roukendar.” Koy penas o baro Devel: Yaake vas mire menshenge Israel o tsiro, te venn le tele činlo. Yon khaytenn man bouder gar.

5. Mose 5:28

Oun o baro Devel shounas t'mare laba, hoy t'mer ap mande penan. Oun o baro Devel penas ap mande: “Me shounom, hoy kal menshe touha rakran. Lauter, hoy yon penan, hi mishto yaake.

5. Mose 32:35

Yob penell: Me hom kova, kay dau len halauter ap lengro shero pale an ko tsiro, kay trissenn lengre herya. Gar dour hi o dives, kay vell lengri bibarht pral lende. Oun kova, hoy ap lende vell, kova vell sikepah.

5. Mose 18:17

Oun o baro Devel penas ap mande: Mishto hi, hoy yon rakran.

Louka 20:39

Koy penan i biboldengre čačepangre: “Ray, kova hi čačo, hoy tou penal.”

Jeremia 31:28

Yaake har garda dom, te van le vin tserdedo oun khetne phagedo, paash kerdo, oun tele dino oun doukedo, yaake dau palle garda, te venn le pale bares oun zoreles, penell o baro Devel.

Jeremia 1:13

Oun o baro Devel penas o douyto kopo ap mande: “Hoy dikeh tou?” Penom: “Me dikau i piri pherdo pani, hoy kerell pral kotar, kay norden hi.”

Jesaja 55:11

Yaake hi kol laba, hoy dran miro mouy vin djan. Yon venn čačo, oun kova, hoy penom, vell yaake har me kamau. Oun kova, hoy mange glan lom, vell yaake kerdo.

Jeremia 24:3

Oun o baro Devel poučas mandar: “Yeremia, hoy dikeh?” Me penom: “Dikau fayge: lače fayge, hoy hi baro oun shoukar, ninna djoungele fayge, hoy hi yaake djoungele, kay nay rhal len kek.”