Jakobo 5:7 - O Debleskro Lab 2024 (Sinte-Manouche)

⁷ Mire phrala, dikenn ap o dives, kay vell maro ray Yezous pale, oun avenn gar khino an t'mare djia, yaake har i harho dikell ap ko dives, kay peskro kouč djob bares vas. Yob djinell, o brishin hounte vell oun krell i phoub sapeno, oun pal i tsiro hounte dell pale brishin, te vell o djob bares. O tselo tsiro vell o harho gar khino an peskro dji.

O Debleskro Drom 2021 (Sinte)

⁷ Mire phrala, dikenn ap o diwes, kai well maro rai Jesus pale, un awenn gar khino an tumare djia, jaake har i hacho dikell ap ko diwes, kai peskro kutch djob bares was. Job djinell, o brishin hunte well un krell i phub sapeno, un pal i tsiro hunte dell pale brishin, te well o djob bares. O tselo tsiro well o hacho gar khino an peskro dji.

Jakobo 5:7 Referans Kwoze

Joel 2:23

Oun t'mer menshe dran o foro Sion, avenn barhtelo, oun givenn pral kova, hoy kras o baro Devel. Yob hi t'maro Devel, oun dell t'men doha brishin ap o čačo tsiro, har lo kras glan kova,

Galatarja 6:9

Dikas, te vas gar khino, te kras lačo koova. Vell ko tsiro, kay lah ninna lačo koova.

5. Mose 11:14

Palle dell yob o brishin ap t'maro them an peskro tsiro, an o niyal oun an o vend, te nay anenn t'maro djob dren, ninna t'mari mool oun djet.

Kolossarja 1:11

Lestar mangah, te dell lo t'men peskri bari zoor, te venn t'mare djia zoreles, te djan barhteles doureder ap leskro drom, ninna an ko tsiro, kay hi t'maro djipen pharo.

Remarja 2:7

Kolen, kay moukan gar tele, te krenn le o lačepen, dell lo o djipen, hoy gar pre-herella. Yon hi kolla, kay čivan pengro dji koy pre, te dikell o Devel kamles ap lende, oun te lell lo len pash peste an leskro raylepen, kay dell lo len o djipen, hoy gar pre-herella.

Galatarja 5:5

Mentsa hi vavarčandes. Mer patsah, te čivell men o Devel an o čačepen, te patsah ap o Yezous Kristeste. Ko patsepen dell men o Debleskro Dourho.

Jeremia 5:24

An pengro dji penenn le gar: Mer te dikas pre ap maro baro Debleste! Yob bičrell menge o brishin an o čačo tsiro, brishin an o vend oun brishin an i niyal, te vell men o djob rhapaske an ko čačo tsiro.

1. Tessalonikarja 2:19

Mer ham barhtelo pral t'mende. Oun mer dikah ap ko dives, kay vell maro ray Yezous pale. Palle nay sharah men t'mentsa.

Mateo 24:44

Doleske penau t'menge: Denn garda! Me, o Mensheskro Čavo, vau pale an i tsiro, kay t'mer gar djinenna.

Hosea 6:3

Mer te das yak koy pre o tselo djiyestar, te prindjras o baro Debles! Yob vella! Kova hi yaake čačo, har o kham hako dives pre djala. Yob vella, har i brishin pash mende vella, ava, har i brishin pal o vend i phoub sapenes krella.

1. Tessalonikarja 3:13

Palle venn t'mare djia zorelo oun djoudjo. Oun o Devel, maro dad, hatsell kek doosh ap t'mende ap ko dives, kay vell o Yezous, maro ray, pale lauterentsa, kay leskre hi.

Mateo 24:27

Ap ko dives, kay o Mensheskro Čavo pale vella, dikenn les i tsele menshe, yaake har i Debleskri yag ap o bolepen diklo vell, hoy djal yek rigyatar ap i vavar rig an o bolepen.

Remarja 15:4

Lauter kova, hoy an o phouro tsiro an o Debleskro lab činlo vas, vas činlo, te las mer nevi zoor dran o Debleskro lab, oun das maro patsepen gar pre, oun dikas ap ko lačepen, hoy o Devel men della, an ko tsiro hoy vella.

Zakarie 10:1

Mangenn o baro Deblestar, te dell lo brishin ap o čačo tsiro. Kova hi o baro Devel, kay krell i pesse volke, oun dell t'men doha brishin halautereske, hoy ap i phoub bares vell.

2. Petro 3:4

oun penenn ap t'mende: “Kay hi t'maro Yezous? Yob penas, kay yob pale vella. Mare phoure meran, oun lauter ačas yaake har his, har i phoub kerdo vas.”

1. Tessalonikarja 1:3

Hako tsiro, kay parkrah men pash leste, vell menge kova an o shero, hoy t'mer leske krenna an o patsepen oun an o kamlepen ap i menshende, oun har t'mer moukenn gar tele, te dikenn ap ko dives, kay vell maro ray, o Yezous Kristo, pale.

1. Korintarja 1:7

T'men hi haki zoor, hoy o Debleskro Dourho della. Oun t'mer dikenn ap ko dives, kay vell maro ray, o Yezous Kristo, pale.

Louka 21:27

Oun palle dikenn i tsele menshe o Menshengro Čaves, har vell lo ap i folka bari zoryah oun raylepen.

Louka 18:8

Na-a, penau me t'menge: Yon lenn sik pengro čačepen. Hoy penenn t'mer mange, te poučau t'mendar: Te vell o Mensheskro Čavo pale, hatsell yob menshen ap i phoub, kay patsenn ap leste?”

Louka 8:15

Koy lači phoub hi har o dji kol menshendar, kay o Debleskro lab shounenna, oun djivenn koy pal. An lengre djia vell ko lab zorelo. Oun yon ačenn zoreles an o patsepen tardo.”

Mateo 16:27

Me hom o Mensheskro Čavo. Oun me vau pale ap i phoub an o raylepen, hoy das man miro dad an o bolepen. Oun mantsa venna mire bolepangre. Oun palle dikau ap hakeneste, hoy yob kras. Oun me dau lačo koova kolen, kay lačo koova kran. Oun me dau i phagi kolen, kay čilačo koova kran.

Mateo 16:28

Čačepah, me penau t'menge: Mashkral t'mende hi save menshe, kay merenn gar, bis te dikenn le o Menshengro Čaves, har yob o baro ray hi.

Johanni 21:22

Penas o Yezous ap leste: “Te kamau me, te ačell yob djido, bis te vau pale, palle hi kova gar tiro koova. Am tou mantsa!”

Johanni 21:23

Yaake vas mashkral kol patslende penlo: Kova merella gar. O Yezous penas gar, kay kova gar merella. Yob penas: “Te kamau me, te ačell yob djido, bis te vau pale, palle hi kova gar tiro koova!”

Jakobo 4:11

Mire phrala! Ma rakrenn djoungeles pral o vavareste! Koon pral peskro phraleste djoungeles rakrella oun o goushteha ap leskri doosh sikrella, kova čivell pes pral kova, hoy o Devel penas. Tou te kreh kova, hal tou bouder gar yek, hoy o Debleskro čačepen krella. Na-a, tou čiveh tout pral o čačepen.

Jakobo 5:3

T'maro sonakay oun roup molell bouder či. T'mer rikran les t'menge. Kova anell t'men glan o čačepaskro ray oun rhal t'men pre har i yag. I phoub ačell bouder gar rah. Ninna te djinan kova, anan t'menge boud bravlepen khetne!

Jakobo 5:10

Mire phrala, dikenn ap o Debleskre rakepangre, kay penan i menshenge o Debleskro lab. Yon van gar khino an lengre djia, ninna gar, har van boud douka ap lende. Avenn har yon!