Jakobo 4:7 - O Debleskro Lab 2024 (Sinte-Manouche)

⁷ Doleske, shounenn ap o Debleste! Krenn lauter, hoy yob kamella! Ma krenn, hoy o beng kamella! Yaake nashell o beng t'mendar.

O Debleskro Drom 2021 (Sinte)

⁷ Doleske, shunenn ap o Debleste! Krenn lauter, hoi job kamella! Ma krenn, hoi o beng kamella! Jaake nashell o beng tumendar.

Jakobo 4:7 Referans Kwoze

Efesarja 4:27

Denn garda ap t'mende, te krenn t'mer gar, hoy o beng kamella!

1. Petro 5:6

Doleske krenn t'men tikno tel o Debleskro zorelo vast! O Debleskro tsiro vella, kay yob t'men bares krella.

Hebrearja 12:9

Har čave hams, dan men mare dada i phagi. Oun mer hounte shounam ap lende. Kitse boudeder hounte shounas ap maro dadeste an o bolepen, te djivas.

Remarja 10:3

Yon hayvenn gar, har o Devel i menshen an o čačepen čivella. Oun yon djan ap pengro drom, oun djivenn pal pengro čačepen. Yaake krenn le gar, hoy o Devel lendar kamella.

Debleskri gili 66:3

Penenn ap o Debleste: Har baro hi kova lauter, hoy tou kral. Kolla, kay tout gar kaman, hounte čivenn pen tele glan toute, glan tiri bari zoor!

Hiob 1:21

Oun yob penas: “Har boldo vom, his kek koola ap mande. Oun ap ko dives, kay merau, lau kek koola mantsa. O baro Devel das man lauter, hoy man hi. Oun o baro Devel las les pale mandar. Yob vell sharedo!”

2. Familjakro liil 30:8

Ma krenn t'mare djia har bar, har les t'mare phoure kran! Shounenn ap o baro Debleste! Oun avenn an leskro kheer, koles yob peske vin rodas hako tsireske, oun mangenn les an, kay t'maro Devel hi! Palle djal leskri bari rholi t'mendar krik.

Mateo 11:29

Me hom t'menge i lačo ray, oun dikau ap kekeste tele. Shounenn ap mande oun krenn, hoy me t'menge penaua! Oun t'maro dji vell pale zorelo.

Efesarja 5:21

O Yezous Kristo hi t'maro ray. Oun t'mer penenn Ray ap leste. Doleske hounte hadell pes kek t'mendar pral o vavareste.

1. Petro 2:13

Shounenn ap kova, hoy kol pralstoune ap kay phoub penenna! Kova kamell o Devel, maro ray, yaake. Shounenn ap o baro rayeste pral o them!

2. Samuel 15:26

Te penell yob Tou hal gar lačo an mire yaka, palle nay krell lo mantsa, hoy leske mishto hi.”

Daniel 4:25

Oun lauter vas yaake pral o baro rayeste, o Neboukadnezar.

Debleskri gili 68:30

Dran tiro Debleskro kheer an o foro Yerusalem, kay anenn touke i bare raya kouč koova,

1. Samuel 3:18

Kote penas o Samuel leske lauter oun rikras či pale. Koy penas o Eli: “Yob hi o baro Devel oun yob krell yaake har lačo hi.”

Jeremia 13:18

Pen o baro rayeske oun leskri dake: Avenn tele t'mari beshepaskri! I rayli rayeskri stadi peras t'maro sherestar tele.

Remarja 14:11

An o Debleskro lab hi činlo: O Devel penell: Yaake har čačo hi, te djivau, yaake perell hakeno glan mande tele, te sharell lo man. Oun hakeno penella: Tou hal o baro Devel.

Bičepangre 26:19

Doleske krom kova, baro Agrippa, hoy ko rakepen dran o bolepen mange penas.

Bičepangre 9:6

Ste pre oun dja an ko foro! Koy penenn le touke, hoy te kress.”

Daniel 4:32

Kolla, kay ap i phoub djivenna, hi har či glan leste. Oun har yob kamella, djal yob kol pralstunentsa trouyel, kay an o bolepen hi, oun ninna kolentsa, kay ap i phoub djivenna. Oun kek nay penell leske: Kova hounte kress tou gar! Vitar kek nay poučell lestar: Hoy kreh tou kate?

Efesarja 6:13

Doleske rivenn kol koola ap t'mende, hoy dell t'men o Devel, te kourenn t'men mishto ap ko dives, kay vell o beng ap t'mende. Palle han zorleder har yob, oun ačenn zoreles tardo.