Jakobo 4:6 - O Debleskro Lab 2024 (Sinte-Manouche)

⁶ Oun ninna boudeder lačepen kamell men o Devel te dell. An o Debleskro lab hi činlo: Kolla, kay krenn pen bares, kolen bičrell yob pestar. Oun kolen, kay krenn pen gar bares, kolen dell yob boud lačepen.

O Debleskro Drom 2021 (Sinte)

⁶ Un ninna budeder latchepen kamell men o Dewel te dell. An o Debleskro lab hi tchinlo: Kolla, kai krenn pen bares, kolen bitchrell job pestar. Un kolen, kai krenn pen gar bares, kolen dell job bud latchepen.

Jakobo 4:6 Referans Kwoze

Mateo 23:12

Kova, kay krell pes baro, koles krell o Devel tikneder har i vavar. Kova, kay krell pes tikno, koles krell o Devel baro.

Gosewe laba 3:34

Kolla, kay praasenn i vavaren, kolen praasell lo ninna. Kolla, kay krenn pen gar bares, ap kolende dikell lo lačes.

1. Petro 5:5

Kol terne menshenge penau me: Krenn kova, hoy kol phoureder phrala t'menge penenna! Hakeneske penau: Kek te krell, har te vell lo bareder har ko vavar! O Devel hi gar ap i rig kolendar, kay krenn pen bares. Na-a, yob hi lačes kolenge, kay krenn pen gar bares.

Gosewe laba 18:12

Pre-phourdepen vell glan o perepen. Kolenge, kay krenn pen gar bares, vell ko tsiro, kay sharenn len i vavar.

Debleskri gili 138:6

Ava, ninna te hal yaake dour pral halauter, dikeh tou kolen, kay tele rikede hi. Oun kol pre-phourden prindjreh foun doural.

Gosewe laba 29:23

O pre-phourdepen i menshestar krell, te perell lo. Kova, kay hadell pes gar, vell an-diklo.

Gosewe laba 22:4

Kova, kay krell pes gar bares oun djivell o baro Debleha, lell bravlepen oun sharepen oun o čačo djipen.

Louka 14:11

Koon pes baro krella, koles sharell o Devel gar. Koon pes gar baro krella, oun penella: Me molau či, koles krell o Devel baro.”

Jesaja 2:17

Palle vell lenge kova krik lino, koleha i menshe phourdan pen pre. Oun lengro sharepen ačell gar. Ap ko dives hi kokres o baro Devel o Devel pral halauter.

Hiob 22:29

Ap kolende, kay hounte djan i telstouno drom, peneh tou: Stenn pre! Oun o Devel hadell koles pale pre, kay hidjrell peskre yaka gar pre.

Louka 18:14

Oun o Yezous penas: “Me penau t'menge: O Devel dikas ap kaleste, oun his leske lačo oun gar ko vavareske. Kova, kay pes bares krella, koles sharell o Devel gar. Oun kova, kay pes gar bares krella, koles krell o Devel bares.”

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Louka 1:52

Yob las i zoor i bare rayendar krik, te vell len bouder či penepaske, oun hadas i tiknen, te venn le baro.

Gosewe laba 15:33

Kolla, kay djivenn o baro Debleha, dikenn dren, hoy lenge mishto hi, oun venn gosveder. Kolenge, kay krenn pen gar bares, vell ko tsiro, kay sharenn len i vavar.

2. Familjakro liil 33:12

Har lo an bari daar his, mangas lo o ropah o baro Debles, kay leskro Devel oun o Devel leskre phourendar his, oun penas leske, har boud les leskri doosh khaytas.

1. Samuel 2:3

Moukenn tele t'maro sharepah! Ma krenn t'men bares! Moukenn bouder kek pre-phourde laba dran t'maro mouy vin! O baro Devel hi i Devel, kay kova djinell. Oun kova, hoy i menshe krenna, lell yob an o yak oun penell, hoy kova molella.

2. Familjakro liil 34:27

Oun kral tiro dji lenge pre. Oun kral tout tiknes glan o baro Debleste, har tou shounal, hoy me penom pral kava foro oun kol menshende, kay kate djivenna, oun kral tire koola paash, kay ap toute his, oun roval glan mande. Doleske shounom me tout ninna, penell o baro Devel.

2. Familjakro liil 32:26

Koy khaytas o Hiskiyes, kay phourdas lo pes pre. Yob oun i menshe an Yerusalem dikan pengri doosh dren. Doleske vas koy rholi o baro Deblestar gar pral lende yaake rah, har o Hiskiya djivas.

Mateo 13:12

Koon o Debleskro lab an peskro dji rikrella, kova hayvell les boud oun boudeder. Koon o Debleskro lab gar an peskro dji rikrella, koleske vell ninna kova krik lino, hoy yob patsell, te hi les.

2. Familjakro liil 33:23

Oun yob sikras gar o baro Debleste, kay les khaytas, hoy yob kras, har leskro dad o Manasse kras. Na-a, yob las gomme boudeder doosh ap peste.

2. Mose 18:11

Kanna hayvom, te hi o baro Devel bareder har hako vavar devel. Yob las i Israelitarya vin dran o vast i Egiptarendar, kay kran pen bares pral lende.”

Jesaja 54:7

I tikno tsireske moukom tout. Kanna krau miro dji bares pre touke oun lau tout pale pash mande.

Debleskri gili 9:12

Givenn o baro Debleske, kay ap i berga Sion khere hi! Penenn i menshenge an vavar themma, hoy yob lauter kras!

2. Familjakro liil 33:19

An o liil, hoy i dikepangre činan, hi činlo, har o Manasse o baro Debles mangas, oun har kova les shounas, ninna leskri tseli doosh, oun har lo o baro Debles moukas, oun kay lo moulne platse kras, oun rhorhene deblen pre čivas, ninna koy figura, hoy i Ashera sikras, – kova lauter, hoy lo kras, glan te dikas lo peskri doosh dren glan o baro Debleste.

Jakobo 4:10

Vitsrenn t'men tele glan o Debleste! Oun yob krell t'men bares.