Jakobo 3:2 - O Debleskro Lab 2024 (Sinte-Manouche)

² Mer halauter krah boud kope, hoy gar mishto hi. Koon rakrell an kek tsiro čilačo koova, kova hi i lačo mensho, kay nay rikrell pes khetne.

O Debleskro Drom 2021 (Sinte)

² Mer halauter krah bud kope, hoi gar mishto hi. Koon rakrell an kek tsiro tchilatcho koowa, kowa hi i latcho mensho, kai nai rikrell pes khetne.

Jakobo 3:2 Referans Kwoze

Jakobo 1:26

Te penell i mensho: “Me djivau pal o Debleskro lab,” oun yob rikrell peskro mouy nay gar, kova rhorhell pes kokres. Oun kova, hoy yob o Debleske krella, hi či moldo.

Gosewe laba 13:3

Kova kay ap peskro rakepen yak dell, kova dell yak ap peskro djipen. Koles i baro mouy hi, kova tserdell bibarht ap peste.

1. Petro 3:10

An o Debleskro lab hi činlo: Koon kamell i lačo djipen oun barhtele divessa te dikell, kova dell garda ap peskri čip. Kek rhorhepen, kek čilačepen hounte vell dran leskro mouy!

Mateo 12:37

Tou te penal i lačo oun čačo koova, leh tou kek phagi. Tou te penal kova, hoy gar lačo oun čačo hi, leh tou i phagi.

Debleskri gili 34:13

Kamenn t'mer te djivenn i shoukar oun rah djipen?

Gosewe laba 20:9

Koon nay penell pestar: Me rikrom miro dji djoudjes, man hi kek doosh?

Sikepaskro 7:20

Kek mensho hi yaake an o čačepen tardo, te krell lo kokres lačo koova oun anell kek doosh ap peste.

Remarja 3:10

An o Debleskro lab hi činlo: Kek mensho hi čačo glan o Debleste, kek.

Jakobo 1:4

Rikrenn vin, oun djan doureder an o patsepen! Ma ačenn tardo! Yaake venn t'mer save menshe, har kamell o Devel dran t'mende te krell. Oun t'mer krenna lauter, hoy mishto oun lačo hi. Oun kek doosh hi ap t'mende.

1. Rajengro liil 8:46

Tou djineh, kay kek mensho djoudjo hi an peskro dji oun an peskro djipen glan toute. Doleske nay vell, kay moukenn tire menshe tiro drom, oun tou rhoyreh tout pral lende oun moukeh len an o vast vavar menshendar te vell, te anenn yon len pandles an pengro them – kova nay vell dour oder gar yaake dour.

Jakobo 2:10

Te rikreh tout ap i tsele laba, hoy an o Moseskre lila činlo hi, oun te kreh tou yek čilačo koova, palle hi kova, har te rikrals tou tout ap či, oun tou leh doosh ap toute.

Jesaja 64:6

Oun koy hi kek, kay tiro lab an-gole dell, kek, kay vell pash toute, te rikrell lo pes ap toute. Čačepah, tou kameh bouder či mendar te djinell, oun moukeh men tapedo an maro čilačepen.

1. Korintarja 9:27

Oun me dau yak ap mande, te vap o ray pral miro mass. Me kamau gar te penap i menshenge, hoy yon hounte krenna, oun me kokres krau les gar.

Hebrearja 13:21

Mangau o Deblestar, te dell lo t'men i zoor, te krenn lauter kova, hoy lačo hi, yaake har yob kamella. Mou dell lo men i zoor, te djivas yaake, har mishto hi glan leskre yaka. O Yezous Kristo nay krell kova. Sharas o Yezous Kristes kanna oun hako tsiro! Amen.

Kolossarja 4:12

Ninna o Epafras penell t'menge: “Ačenn o Debleha!” Kova hi yek t'mendar, oun boudrell o Yezous Kristeske. Yob mangell o Debles hako tsiro t'menge, te venn t'mer zoreles an o patsepen, te djinenn lauter, hoy o Devel t'mendar kamella oun te krenn kova ninna.

Kolossarja 1:28

Oun kava Yezouseskro drom sikrah mer i menshende, oun penah hakeneske an o dji, te djal lo ap kava drom. Mer penah lenge o Debleskro lab yaake, te hayvenn le les mishto. O Devel kamella, te vell hakeno baro oun zorelo an o patsepen ap o Yezous Kristeste.

Galatarja 3:22

O Debleskro lab penella, kay hi hako mensho pandlo ap o čilačepen. Ko yek drom, kay anell men vin dran o čilačepen, hi o patsepen ap o Yezous Kristeste. Kova penas o Devel.

Remarja 7:21

Yaake dikau: An miro djipen hi kova yaake: Ninna te kamau o lačepen te krell, krau me o čilačepen.

2. Familjakro liil 6:36

Tou djineh, kay kek mensho djoudjo hi an peskro dji oun an peskro djipen glan toute. Doleske nay vell, kay moukenn tire menshe tiro drom, oun tou rhoyreh tout pral lende oun moukeh len an o vast vavar menshendar te vell, te anenn yon len pandles an pengro them – kova nay vell dour oder gar yaake dour.

1. Petro 5:10

I tikno tsiro vell pharo koova ap t'mende. An kava tsiro lenn t'mer i zoor, te ačenn ap o Debleskro drom. O Devel, kolestar vell o tselo lačepen, yob das t'men gole, te djivenn hako tsiro khetne o Yezous Kristeha oun lenn leskro raylepen. Yob dell t'men ninna i zoor, te ačenn zoreles an o patsepen oun an o djipen.

Galatarja 5:17

Kova, hoy an mende hi, kamell gar kova, hoy o Debleskro Dourho kamella. Oun kova, hoy o Debleskro Dourho kamella, hi gar kova, hoy an mende hi. Kol douy zorya čingrenn pen yaake, kay nay krenn t'mer gar ko lačepen, hoy kamenn t'mer te krell.

Debleskri gili 39:1

I gili o rayeske pral i gipangre, o Yedoutoun. O David kras kay gili.

Gosewe laba 10:19

Koon boud laba krell, anell ninna doosh ap peste. Koon peskro mouy rikrell, hi gosevo.

Gosewe laba 21:23

Kova, kay nay rikrell peskro mouy oun dell yak ap peskri čip, savo rikrell bibarht pestar krik.

Mateo 12:34

T'mer han sapa! T'mer han čilačo oun nay rakrenn gar lačo koova. I mensho penell kova, hoy an leskro dji dren hi.

3. Mose 13:39

hounte dikell o rashay palla, hoy kova hi. Te hi kal kotya gar yaake parno, palle hi kova kek djoungelo nasslepen, hoy an i hauta vin phagas. Pale-čiddo hi ko mensho gar.

Hiob 15:13

Ap o Debleste hal rhoyedo. Doleske vell savo rakepen dran tiro mouy.