Jakobo 1:8 - O Debleskro Lab 2024 (Sinte-Manouche)

⁸ Palle hi tout douy djia, oun djineh gar, hoy kameh, vitar gar, hoy hounte kress.

O Debleskro Drom 2021 (Sinte)

⁸ Palle hi tut dui djia, un djineh gar, hoi kameh, witar gar, hoi hunte kress.

Jakobo 1:8 Referans Kwoze

1. Rajengro liil 18:21

Har yon lauter khetne his, djas o Eliya glan i tsele Israelitaryen oun penas: “Har dour kamenn t'mer gomme ap douy rigya te djan? Hi o baro Devel o čačo Devel, palle nashenn leske pal, te hi o Baal, palle nashenn leske pal!” I menshe penan leske kek lab pale pale.

Mateo 6:24

Kek boudrell nay douy rayenge. Te vals kova yaake, boudrals lo ko yekeske mishto, oun ko vavareske gar mishto. Ko yekes kamals yob gar, kol vavares kamals yob o djiyestar. Tou nay boudreh gar o Debleske oun rodeh tiro bravlepen.

Jakobo 4:8

Avenn pash o Debleste! Yaake vell yob ninna pash t'mende. Ap t'mende, kay kran čilačo koova, penau me: Krenn t'mare vasta djoudjo! Ap t'mende, kay djan ap douy dromma, penau me: Moukenn ko čilačo drom, oun djan ap o Debleskro drom!

Jesaja 29:13

O baro Devel, maro ray, penas: Kal menshe sharenn man labentsa. Lengre čipya hadenn man. Lengre djia hi dour krik mandar. Te mangenn le man an, rakrenn le palla, hoy lenge glan penlo vas.

2. Petro 2:14

An lengre yaka dikeh, kay dikenn le pal haki djouvyate. Hako tsiro hi len bok pal čilačo koova. Oun yon anenn kolen o čačo dromestar tele, kay hi gar zorelo an o patsepen. Lengro dji hi pherdi bok pal i love. Praasedo hi le!

2. Rajengro liil 17:41

Oun kal menshe, kay van dran vavar forya, mangan o baro Debles an, oun mangan ninna pengre deblen an. Oun ninna lengre čave oun čavengre čave krenn yaake har lengre phoure kran bis ap kava dives.

2. Petro 3:16

Pral ko koova činell lo an peskre tsele lila. Koy hi ninna laba dren činlo, hoy hi pharo te hayvell. Oun kol menshe, kay hayvenn kova gar, kolengro patsepen gar zorelo hi, kolla rissrenn kol laba trouyel, yaake har yon ninna krenna kol vavar Debleskre labentsa, hoy činlo hi. Oun yaake djan le nashedo.

2. Rajengro liil 17:33

Yaake mangan le o baro Debles an oun ninna vavar deblen, yaake har kol menshe kran, kolendar yon van.

Hosea 10:2

Lengre djia hi pherdo rhorhepen. Kanna vell lengri doosh pral lende. Lengre altare venn khetne phagedo, oun kol pre-čidde bare barra venn tele dino.

Mateo 6:22

O mensheskro yak hi har i momeli an i kheer. Te dikeh kokres ap o Debleste, hi kova yaake, har te rhačell koy momeli mishto.

Debleskri gili 119:113

Me rhoyrau man ap kolende, kolen douy djia hi, tiro drom kamau me o djiyestar.

Jakobo 1:7

Tou te hal yaake, djiness, kay leh tou či o Deblestar.