Hosea 9:16 - O Debleskro Lab 2024 (Sinte-Manouche)

¹⁶ O Efrayim hi har i moulo rouk. Leskre draba, len hi kek pani. Oun roukengre venn gar bares ap leste. Te lenn i djouvya ninna čave, me marau len, kolen yon pengro djiyestar kamenna.

O Debleskro Drom 2021 (Sinte)

¹⁶ O Efrajim hi har i mulo ruk. Leskre draba, len hi kek pani. Un rukengre wenn gar bares ap leste. Te lenn i djuwja ninna tchawe, me marau len, kolen jon pengro djijestar kamenna.

Hosea 9:16 Referans Kwoze

Ezekiel 24:21

Kava penell o baro Devel, maro ray: Djinau, t'menge hi miro kheer o kamleder koova. Oun t'maro dji nashell pal leste. T'mer han pre-phourdo oun patsenn, kolenge, kay kote hi, nay djal kek čilačepen. Čačepah, me dau miro kheer kolenge an o vast, kay krenn les pale-čiddo. Oun t'mare morsh čave oun ča, kolen t'mer kote an Yerusalem pale moukan, kolla venn o rhareha moulo dino.

Jesaja 5:24

Doleske merenn le tele har o zenlepen, koleskre draba nasselo hi, oun koleskri blouma tele perell, oun har o khass, pral koleste i yag djal oun les pre rhačrell. Yon kaman gar te djal o drom o baro Deblestar, kay hi o ray pral o bolepen oun i phoub. Oun i labendar lengro lačo Deblestar kaman le či te djinell.

Hosea 8:7

Kova, hoy le krenn, hi har te čivans le i dourho an i phoub oun kek djob. Oun hoy vin vell, hi i baro phourdepen. Kek djob vell baro. Kova hoy pre djal, anell kek yarro. Oun te anals kova yarro, vans vavar menshe oun rhans les pre.

Hosea 5:11

O Efrayim las pes glan, te nashell lo i rhorhene deblenge palla. Doleske vell lo kanna tele rikedo. Oun leskro čačepen vell i pirentsa stakedo.

Jesaja 40:24

Yon hi har djoba, hoy an i phoub vitsedo hi. Yaake sik har i drab lendar vin djal, phourdell i dourho pral lende, te venn le trouk. Oun i baro phourdepen phourdell len krik har phouss.

Hiob 18:16

Yob hi har i rouk: Tella merell leskro drab tele, oun pral venn leskre patria djelto.

1. Mose 41:23

Pal lende van efta vavar halme dran i phoub vin. Kolla hidjran djob, hoy his gar pesso. I tato dourho, hoy phourdas dran o moulo tato them, kras len sano oun trouk.

5. Mose 32:25

Ap i dromma marell len o rharo, oun an i khera i traash. Hakenes taprell o merepen: o terno morshes oun i terni čat, o ternepen oun kolen parne ballentsa.