Hosea 7:6 - O Debleskro Lab 2024 (Sinte-Manouche)

⁶ An ko tsiro, kay lenn le penge čilačo koova glan, hi lengro dji tato har i bob. I tseli rati sovell lengri rholi, taysarlake rhačell li pre har i bari yag.

O Debleskro Drom 2021 (Sinte)

⁶ An ko tsiro, kai lenn le penge tchilatcho koowa glan, hi lengro dji tato har i bob. I tseli rati sowell lengri choli, taissarlake chatchell li pre har i bari jag.

Hosea 7:6 Referans Kwoze

Micha 2:1

Havi bibarht vell pral kolende, kay hi čiddo ap pengro čiben, oun an lengro shero djal čilačo koova trouyel, hoy kamenn le te krell. Yaake sik har o kham pre djal, krenn le, hoy le pen glan lan. Len hi i zoor, te krenn le, hoy le kamenn.

Hosea 7:7

Halauter lendar rhačenn i rholyatar har i bob. Yon marenn pengre čačepaskre rayen. Lengre bare raya perenn yek pal o vavar. Oun kek lendar dell pal mande gole.

Hosea 7:4

Yon halauter hi phoukepangre. Lengri rholi rhačell har i yag an i bob, hoy hi yaake tato, te hounte dell o pekepaskro bouder gar yak koy pre, yaake rah har krell lo o maro, hoy kamell lo te pekell.

Gosewe laba 4:16

Kol menshe nay sovenn gar yaake rah bis te kran le čomone čilačo. Lenge vell o sopen randedo, te anan le gar yekes an i bibarht.

Debleskri gili 21:9

Tiro vast hatsell hakenes, kay kamell touke čilačepen te krell. Tiro čačo vast hatsell kolen, kay pen ap toute rhoyrenna.