Hosea 7:2 - O Debleskro Lab 2024 (Sinte-Manouche)

² Oun kova djal gar an lengro shero dren, te djinau me lengro tselo čilačepen. Lengro čilačo koova hi troul lende trouyel, oun hi mange tardo glan mire yaka.

O Debleskro Drom 2021 (Sinte)

² Un kowa djal gar an lengro shero dren, te djinau me lengro tselo tchilatchepen. Lengro tchilatcho koowa hi trul lende trujel, un hi mange tardo glan mire jaka.

Hosea 7:2 Referans Kwoze

Louka 12:2

Vell o dives, kay vell kova diklo, hoy kanna khatedo hi. Vell o dives, kay djinell hakeno kova, hoy kanna kek djinella.

Debleskri gili 90:8

Maro čilačo koova hoy kram, čival tou glan toute tardo. Mari khatedi doosh čakreh tou pre.

Amos 8:7

O baro Devel, koles i Israelitarya sharenn, yob das pes sovel oun penas: An kek tsiro bistrau kava čilačo koova, hoy le kran.

Jeremia 14:10

Yaake penas o baro Devel kal menshendar: Yon nashenn yek rigyatar ap i vavar, yaake har kamenn le. Doleske dikell o baro Devel gar lačes ap lende. Leske vell an o shero, havo čilačo koova yon kran. Oun lengri doshake dell yob len i phagi.

Jeremia 2:19

Dran tiro čilačepen vell kova ap toute. Tou shounal gar. Doleske leh tou savi phagi. Tou hounte djiness oun hayvess, havo pharo koova oun douka ap koleste venna, kay djal peskro baro Deblestar krik, oun kamell lestar bouder či te djinell. Kova penell o baro Devel, ko ray pral o bolepen oun i phoub.

Hebrearja 4:13

O Devel dikella lauter. Či an mende hi khatedo glan leskre yaka. Lauter hi pre čakedo glan leste. Oun leske hounte penas mer halauter, hoy kram.

1. Korintarja 4:5

Dran kova penau, ma penenn yekestar: Kova krell peskri boudi gar mishto. Kanna hi gar o čačo tsiro, te rakrenn yaake. Ap ko dives, kay vell maro ray Yezous pale, sikrell lo halauteren, hoy kanna khatedo hi. Oun lauter, hoy an o dji dren hi, vell palle diklo. Oun palle vell hakeno sharedo o Deblestar pal koy boudi, hoy yob kras.

Hosea 9:9

T'maro čilačo koova, hoy krenn, hi yaake djoungelo har kova, hoy vas kerdo an o foro Gibea glan i rah tsiro. Doleske bistrell o baro Devel gar t'mari doosh oun dell t'men t'mari phagi.

Jeremia 32:19

Tou leh touke baro koova glan, oun hoy kreh, hi zorelo. Oun tire yakentsa dikeh i tsele dromma i menshendar, te dess hakenes pal kova, har yob djivas oun hoy lo kras.

Jeremia 16:17

Mire yaka dikenn halauter, hoy yon krenna. Yon nay khatrenn pen gar glan mande. Lengri doosh hi glan mire yaka tardo.

Jeremia 4:18

Hoy t'mer kran oun har djivan, anas t'menge kova dren. Kova vell dran t'maro čilačepen, te djal t'menge yaake djoungelo, oun djal t'menge an t'maro dji.

Jesaja 5:12

Yon moukenn penge mishto te djal oun krenn bashepen ap doryengre bashepangre oun phourdepangre oun vavar bashepangre. Oun mool hi ninna pashel. Ap kova, hoy o baro Devel krell, dikenn le gar. Kolestar kamenn le či te djinell.

Debleskri gili 25:7

Biste miri doosh, hoy ap mande lom, har terno homs, oun miro čilačo koova! Kre mange tiro dji pre, miro baro Devel!

Debleskri gili 9:16

I menshe an vavar themma, peran an koy rheb, hoy yon i vin hadan. An koy netsa, hoy yon vin čivan, tapran le pen kokres.

Hosea 8:13

Yon anenn mange firhen, oun rhan pen čalo ap ko mass. Me, o baro Devel, dikau gar lačes koy pre. Lengri doosh bistrau me gar, oun lengro čilačepen vell pral lende: Yon hounte djan pale an o them Egiptia pale.

Jesaja 1:3

Haki groumni prindjrell koles, koneske yoy hi. Oun haki bourika djinell koy platsa, kay lakro ray dell lat te rhal. O Israel prindjrell kova gar. Mire menshe hayvenn kova gar.

Debleskri gili 50:22

T'mer, kay kamenn či mandar te djinell, hayvenn, hoy penom, te vap gar oun dap t'men, oun kek hi koy, kay lell t'men vin dran miro vast.

Hiob 34:21

O Devel lell hako koova an o yak, hoy i mensho krell, oun dikell les, kay lo ninna djal.

5. Mose 32:29

Har kamaus, te vans le gosevo! Palle hayvans le, hoy ap lende vella.

4. Mose 32:23

Te kamenn t'mer kova gar te krell, palle lenn i doosh ap t'mende glan o baro Debleste. Oun kova dikenn t'mer, te vell koy phagi ap t'mende.

Jesaja 44:19

Savo mensho hayvell gar, hoy lo krell. Či djal an leskro shero, oun kek gosvepen hi an leste, yaake te penals lo peske: “O paash kolestar rhačrom an i yag, oun ap koy yag pekom maro oun mass, oun rhom les. Oun ko vavar paash kolestar, krap i devel, glan koleste me man tele ap i phoub vitsrap? Glan i kotar kasht?”

Jesaja 26:16

Baro Devel, an o pharo tsiro rodan tire menshe tout. Har dal len i phagi, dan le darenes ap toute gole.

Jeremia 17:1

T'mer menshe an o them Youda, t'maro čilačepen hi dren činlo an t'mare djia, oun ap kol shinga ap kol rhačepangre, kay t'mer firhen rhačrenn. Ko čilačepen hi yaake dren činlo, te nay krenn kova gar bouder krik, har te vas kova an o bar dren dino i sasteha, hoy les i diamantikro shero hi.

Jeremia 44:21

Ma patsenn, kay djinas o baro Devel gar, hoy kran an i forya o themestar Youda oun an i dromma o forestar Yerusalem, t'mer oun t'mare phoure, t'mare bare raya, pralstoune oun i tsele menshe an o them! Kova djas o baro Debleske an o dji,

Hosea 4:9

Doleske djal i rashayenge yaake har kol vavar Israelenge: Me dau t'men lauteren i phagi, oun dau t'men pale pal kova, hoy t'mer kran.

Hosea 9:15

O baro Devel penell: Lengro tselo čilačepen krenn le kote pash o foro Gilgal; kote rhoyrom man pral lende ko tselo čilačepaske, hoy yon kran. Doleske tradau me len dran miro kheer vin. Me kamau len bouder gar. Lengre tsele pralstoune moukenn pen či mandar te penell.

Hosea 12:2

O Efrayim kamell o dourho dren te taprell, oun nashell o tato dourho palla, kay vell kotar, kay o kham pre djal. Oun hako dives krell lo boudeder rhorhepen oun randepen. Yon čivenn pen o themeha Assour khetne, oun anenn djet an o them Egiptia.

Jona 1:2

“Dja sik an o baro foro, hoy kharell Ninive, oun de lakri doosh vin gole. Lakro čilačepen vas glan mande.”

Debleskri gili 10:11

An peskro dji penell lo peske: “O Devel djinell kova gar. Yob das gar yak pre oun dikell či.”

Ezekiel 21:29

Doleske penell o baro Devel, maro ray: T'mari doosh vas diklo. T'mare čilače dromma van pre-čakedo. An halauter, hoy krenna, vell t'maro čilačepen diklo. T'mer kran, te vell t'mari doosh gar bistedo. Doleske venn tapedo i zorelo vasteha.

Hosea 6:2

Pal douy divessa dell lo men nevo djipen, oun ap o triinto dives moukell lo men pale ap i pire tardo te vell, te nay djivas glan leste.