Hosea 7:15 - O Debleskro Lab 2024 (Sinte-Manouche)

¹⁵ Me homs lengro sikepaskro oun krom len zoreles. Oun len hi čilačepen an o dji, hoy kamenn le mange te krell.

O Debleskro Drom 2021 (Sinte)

¹⁵ Me homs lengro sikepaskro un krom len soreles. Un len hi tchilatchepen an o dji, hoi kamenn le mange te krell.

Hosea 7:15 Referans Kwoze

Nahum 1:9

T'mer hadenn t'men pral o baro Debleste. Hoske? Yob dell t'men yek dap, te merenn halauter. Koy bibarht vell gar i douyto kopo.

Debleskro tsiro 3:19

Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!

Hebrearja 12:5

Ma bistrenn kol laba, hoy rakras o Devel peskre čavenge an o dji: Dikenn mire čave, kova hi t'menge mishto, te dap t'men i phagi. Te čingrau ap t'mende, ma nashenn mandar!

2. Korintarja 10:5

Te penenn yon, te dals kek Devel, sikrah mer, kay lengre pre-phourde laba gar čačo hi. Halauter, hoy lenge an o shero trouyel djal oun hadell pes pral o Yezous Kristeste pre, dah mer paash.

Remarja 1:21

Ninna te djinan le o Deblestar, sharan le les gar, oun parkran pen gar pash leste. Na-a, yon djan pal kova, hoy an lengro shero hi oun či moldo hi. Oun lengre djia hayvan bouder gar, hoy mishto hi.

Bičepangre 4:25

O Debleskro Dourho rakras dran o Davideskro mouy: Hoske hi i menshe ap kay phoub čilačo? Hoske krenn yon kova, hoy čičeske hi?

Jeremia 17:9

Koon nay prindjrell o mensheskro dji? Či hi yaake čilačo oun rhorheno har o mensheskro dji.

Gosewe laba 3:11

Miro čavo, ma dik čilačes, te dell tout o baro Devel i phagi! Ma naash lestar krik, te dell lo tout trad.

Debleskri gili 94:12

Barhtelo hi kova, koneste tou, baro Devel, leskri doosh sikreh, koleste tou sikreh, har te djivell lo.

Debleskri gili 62:3

Yob hi mange har i baro zorelo kheer ap i barreskri berga, kay man khatrau, oun yob ap mande yak della, yaake te perap gar.

Debleskri gili 2:1

I menshe an i vavar themma hi divyo. Hoy kamenn le? Yon hadenn pen pral o baro Debleste! Hoske? Hoy le krenn, hi čičeske!

Hiob 5:17

Dik, barhtelo hi ko mensho, koleske o Devel leskri doosh sikrell! Doleske ma hade tout khatar leste, te dell tout o zorelo Devel.

2. Rajengro liil 13:23

Oun o baro Devel his lačo ap i Israelende oun kras peskro dji lenge pre oun dikas kamles ap lende, yaake har yob peskro lab das o Abrahameste, o Isaakeste oun o Yakobeste. Oun yob das len gar an o merepen oun vitsras len gar pestar krik bis ap kava dives.

2. Rajengro liil 13:5

Oun o baro Devel bičras i Israelenge yekes, kay len vin las dran i čilače vasta i menshendar dran o them Syria, te nay djivenn i Israelitarya pale an pengre khera, yaake har glan ko tsiro his.

Debleskri gili 140:2

Baro Devel, le man vin dran i vasta kol čilačendar! Khate man glan i marepangre!

Hosea 13:9

Israel, mange sikral o doumo, kay me kokres kova hom, kay nay lell tout dran o merepen vin. Yaake aneh bibarht pral toute.