Hosea 5:15 - O Debleskro Lab 2024 (Sinte-Manouche)

¹⁵ Me djau mange pale kote, kay khere hom, bis te dikenn le pengri doosh dren oun rodenn man. Te djal lenge gar mishto, palle poučenn le pale pal mande.

O Debleskro Drom 2021 (Sinte)

¹⁵ Me djau mange pale kote, kai khere hom, bis te dikenn le pengri doosh dren un rodenn man. Te djal lenge gar mishto, palle putchenn le pale pal mande.

Hosea 5:15 Referans Kwoze

Jesaja 26:16

Baro Devel, an o pharo tsiro rodan tire menshe tout. Har dal len i phagi, dan le darenes ap toute gole.

Debleskri gili 78:34

Te anas lo o merepen pral lende, rodan le o Debles, oun poučan pale pal leste.

Debleskri gili 50:15

Oun de gole ap mande ap ko dives, kay hal an i bibarht! Palle lau tout vin, oun tou sharess man.”

Jeremia 3:13

Tou hounte kress či, har te dikess dren, kay anal doosh ap toute, har hadal tout pre pral o baro Debleste, kay tiro Devel hi. Tou nashal kay te koy trouyel, te mangess vavar deblen an tel hake zenele rouka, oun shounal gar ap mire laba, penell o baro Devel.

Jeremia 2:27

kolla, kay ap i debla penenna: “Tou hal miro dad!” oun ap i barrengre debla: “Tou anal man ap i phoub.” Mange sikran le pengro doumo oun gar pengro mouy. Te vell kanna i bibarht pral lende, denn le gole: “Ray! Ab ap mari rig!”

Louka 13:25

Te stell o ray pral o kheer pre oun krell o voudar pandlo, palle han t'mer vin tardo, oun t'mer denn gole: Ray, kre menge o voudar pre! Oun ko ray penella: Me prindjrau t'men gar.

Hosea 3:5

Pal ko tsiro venn i Israelitarya palpale pash o baro Debleste, kay lengro Devel hi, oun pash lengro baro rayeste – yekeste dran o kheer David. Oun trisslepah venn le pash o baro Debleste. Oun yob vell lenge lačes an ko tsiro, hoy vella.

Ezekiel 36:31

Oun palle vell t'menge an o shero, har čilačo kova his, hoy kran oun har djivan. Oun ko tselo čilačo koova, hoy kran, oun har i rhorhene deblen an-mangan, vell t'menge čadepaske.

Ezekiel 6:9

Kote, kay le pandle hi, vau me lenge an o shero. Oun yon dikenn dren, te dom len i phagi koleske, hoy yon kran: Yon phagan mantsa oun nashan rhorhene deblen palla. Palle rissrell lenge halauter an pende pral ko tselo djoungelo koova, hoy yon kran.

Jesaja 26:9

Ratsyake djal miro dji touke palla, o dourho an mande rodell tout taysarlake. Te kreh tou o čačepen vin ap i phoub, palle dikenn lauter, kay ap i phoub djivenn, hoy čačepen hi.

Micha 1:3

Dikenn, o baro Devel djal vin dran peskro kheer, oun vell tele oun djal pral i berge ap kay phoub.

Hosea 5:6

Palle venn le pengre bakrentsa oun pengre groumyentsa, te anenn le len o baro Debleske, te vell yob lenge lačes. Oun yob sikrell lenge o doumo, te nay hatsenn le les gar.

Ezekiel 20:43

Oun kote vell t'menge kova an o shero, hoy kran oun har djivan, koleha t'mer t'men pale-čiddo kran. Oun ko tselo čilačo koova, hoy kran, vell t'menge čadepaske.

Ezekiel 11:23

Oun o baro Debleskro raylepen hadas pes oun djas dran o foro vin, oun čivas pes ap i berga, hoy glan o foro čiddo hi, kote kay o kham pre djala.

Ezekiel 10:4

Oun o baro Debleskro raylepen, hoy his pral kol bolepangren, hadas pes foun kotar, oun djas pash o kheer, kote kay o voudar hi. Oun o tselo kheer vas pherdo foun koy folka, oun i glanstouni platsa his pherdo o baro Debleskro raylepen.

Ezekiel 8:6

Oun o baro Devel penas ap mande: Tou, mensho, dikeh tou, hoy le krenn? Baro djoungelo koova hi, hoy o kheer Israel kate krell, te djap mange dran miro kheer vin. Oun tou dikess gomme bareder djounglepen.

Jesaja 26:21

O baro Devel vell dran peskro kheer vin, te anell lo o čilačepen pale ap i sherya kolendar, kay o čilačepen kran. Palle vell o rat kolendar diklo, kay maredo van. Oun i phoub khatrell len bouder gar.

Debleskri gili 132:14

“Kaya hi i platsa, kay khere hom hako tsiro” penell lo. “Kate kamau te djivell.”

Debleskri gili 83:16

Biče i baro phourdepen oun trade len krik! Kre lenge daar tiro zorelo dourheha!

Hiob 33:27

Ko mensho givell palle glan i menshende oun penell: “Me lom doosh ap mande, oun rissrom mange o čačepen yaake har me kamom. Oun miro Devel moukas kova gar ap miro shero pale te vell.

2. Familjakro liil 7:14

oun mire menshe, kay miro labeha kharedo venn, dikenn palle dren, hoy le kran, oun mangenn man, oun rodenn man oun djan pengre čilače dromma tele, palle shounau an o bolepen lengri gole, oun lau lengri doosh krik oun krau lengro them sasto.

Gosewe laba 8:17

Me kamau kolen, kay man kamenn. Oun kolla, kay rodenn man o djiyestar, kolla hatsenn man ninna.

Čačepangre 4:3

O baro rayes Yabin his 900 (enya-sheel) sasterne vourdya o kourepaske. Oun yob kras i Israelenge i pharo djipen biish bersha. Doleske dan le bari gole ap o baro Debleste.

1. Mose 42:21

Oun yek penas ap o vavareste: “Čačepah, kanna lah koy phagi, hoy mer maro phraleske kram. Mer dikam leskri daar, hoy les his, har yob men mangas, te moukas les te djivell. Oun mer shounam gar ap leste. Dran kova vell koy bibarht pral mende.”

4. Mose 21:7

Koy van yon pash o Moseste oun penan: “Mer anam doosh ap mende, har čingram ap o baro Debleste oun ap toute. Mange o Debles menge, te lell yob kol sapa mendar!” Oun o Mose mangas kol menshenge.

Jesaja 18:4

O baro Devel penas ap mande: Foun pral dran miro kheer lau an i yak, hoy djala ap i phoub, oun ačau pokones har o tatepen mashkral o dives, oun har i sapeni folka an o tato tsiro, kay o djob dren anlo vell.

Jeremia 3:14

Avenn pale, t'mer čave, kay nashan mandar krik, penell o baro Devel. Me hom t'maro ray. Me kamau t'mendar te lell yekes dran hako foro oun douy dran haki familya, oun kamau t'men an Sion te anell.

Debleskri gili 107:6

Har lenge yaake djoungeles djas, dan le gole ap o baro Debleste. Oun yob las len vin dran lengri daar.

Debleskri gili 107:13

Har lenge yaake djoungeles djas, dan le gole ap o baro Debleste. Oun yob las len vin dran lengri daar,

Debleskri gili 107:19

Har lenge yaake djoungeles djas, dan le gole ap o baro Debleste. Oun yob las len vin dran lengri daar,

Debleskri gili 107:28

Har lenge yaake phares his, dan le gole ap o baro Debleste, oun yob las len vin dran pengri daar,

Ropaskre gilja 3:40

Dikas ap maro djipen, har mer djivah, oun rissras trouyel pash o baro Debleste.