Hosea 4:7 - O Debleskro Lab 2024 (Sinte-Manouche)

⁷ Yaake har t'mer rashaya boud oun boudeder van, kran t'mer boud oun boudeder čilačepen ap mande. Doleske krau, te venn bouder gar an-diklo, oun vitsrau t'men an i ladj.

O Debleskro Drom 2021 (Sinte)

⁷ Jaake har tumer rashaja bud un budeder wan, kran tumer bud un budeder tchilatchepen ap mande. Doleske krau, te wenn buder gar an-diklo, un witsrau tumen an i ladj.

Hosea 4:7 Referans Kwoze

Hosea 13:6

Oun har dom len te rhal, oun yon čalo van oun len doha his, phourdan le pen pre, oun bistran man.

Filiparja 3:19

Yon djan ap i drom, kay djan le nashedo. Lengro per hi lengro Devel. Yon sharenn ko djoungelo koova, hoy kran le, oun hounte ladjans pen pral kova. Kova, hoy an lengro shero trouyel djala, hi phoubyakro koova.

1. Samuel 2:30

Doleske penell o baro Devel, kay o Israeleskro Devel hi: Čačepah, me penom, te venn i morsha dran tiro kheer oun dran tiro dadeskro kheer hako tsireske rashaya glan mande. Kanna penau, kova kamau bouder gar. Me krau kolen baro, kay man bares krenna. Oun kova, kay ap mande či della, ap koleste vell vitar či dino.

Maleachi 2:9

T'mer rikran t'men gar ap miro drom, oun dikan ap o mensheste, har an-diklo yob hi, har penan leske, hoy te krell lo. Doleske krom t'men pale-čiddo, oun čivom ladj ap t'mende glan i tsele menshende an Israel.

Hosea 10:1

O Israel hi har i sasto drakengro rouk, ap koleste boud drake bares venn. Oun har i menshe bravelo oun bravleder van, kran le penge boud oun boudeder altare i rhorhene deblenge. Kote, kay o them o lačeder his, čivan le i shoukar bare barra lenge pre.

Hosea 4:10

T'mer moukan man, o baro Debles, te djan vavar deblenge palla. Doleske rhana oun venn gar čalo, djan boud djouvyentsa oun lenn gar boud čave.

Habakuk 2:16

Tou anal ladj ap toute oun kek sharepen. O baro Devel dell tout dran leskro khoro pherdi peskri rholi te piyell. Kanna pi, bis te nay rikreh tout bouder gar ap tire pire! Palle vell i ladj pral toute, oun tiro raylepen hi gar bouder.

Hosea 6:9

Oun i rashaya krenn pen khetne har čorepangre, kay lourenn an o khatepen, te vell yek, koles nay le vin randenn. Ap o drom an o foro Sichem marenn le. Savo čilačo koova krenn le!

Hosea 5:1

T'mer rashaya, shounenn kova! Oun denn garda, t'mer dran o kheer Israel! Ninna t'mer dran o baro rayeskro kheer, shounenn kal laba! T'mer hounte dans yak, te vell o čačepen kerdo. Oun t'mer anan i menshen yaake dour, te mangenn le rhorhene deblen an. Lenge van t'mer har pandle dorya, hoy yek vin čivas an o foro Mispa, oun har i netsa, koleha yek čirklen taprell ap i berga Tabor.

Esra 9:7

Ko tsirestar, kay mare phoure djivan, bis ap kava dives anam mer boud doosh ap mende, oun dran maro djounglepen dal men, mare rayen oun rashayen an i vavar rayengre vasta, kay an i themma troul mende djivenn. O rhareha maran le men, an o stilepen vitsran le men, oun yon čoran men vin, oun anan ladj ap mende, yaake har ninna kava dives hi.

Hosea 13:14

Ginap me len vin dran i zoor, hoy o moulengro themes hi? Lap me len vin dran o merepen? Tou, merepen, kay hi tout ko nasslepen, ap koleste i menshe merenn? Tou, moulengro them, kay hi tout ko pharo nasslepen, hoy anell i menshen pash toute? Kal menshe khaytenn man bouder gar.

Hosea 9:11

Efrayim, tiro raylepen djal peske, har i čirklo peske djal. I djouvya venn bouder gar vavarčandes, oun anenn bouder kek čaven ap i phoub.

Hosea 10:6

Ava, ko terno gouroum vell an o them Assour anlo, oun kote vell lo o baro rayeste, o Yareb, dino. Havi ladj o Efrayimeske! Havi ladj vell ap i Israelitarya, kay patsan, te hi le yaake gosevo!

5. Mose 32:15

O Yeshourun djivas i shoukar djipen, his čalo oun bravelo. Har vas lo pesso, phourdas lo pes pre. Oun moukas o Debles, kay les kras, oun vitsras les ap i rig. Leskro zorelo rikepaskro his leske či moldo.