Hosea 4:11 - O Debleskro Lab 2024 (Sinte-Manouche)

¹¹ Mool – phouri mool oun nevi mool – krenn, te hayvenn i menshe bouder gar, hoy lačo oun hoy čilačo hi.

O Debleskro Drom 2021 (Sinte)

¹¹ Mool – phuri mool un newi mool – krenn, te haiwenn i menshe buder gar, hoi latcho un hoi tchilatcho hi.

Hosea 4:11 Referans Kwoze

Gosewe laba 20:1

Te piyeh i zorelo pipen, veh divyo oun saneh pral lautereske. Kova, kay yaake boud piyell, te vell lo mato, koles hi kek gosvepen.

Louka 21:34

“Denn garda, te vell t'maro dji gar pherdo phoubyakro koova, yaake te bistrenn o Debles! Piyenn t'men gar mato! Ma darenn t'maro djipaske! Denn yak, te vell ko dives gar ap yek kopo ap t'mende yaake, te han t'mer tapedo!

Jesaja 28:7

Ninna i rashaya oun o Debleskre rakepangre hi mato i molyatar, oun perenn yek rigyatar ap i vavar o zorelo pipastar, hoy le piyan. Yaake boud mool oun zorelo pipen piyan le, te nay ačenn le bouder gar tardo. Te rakrenn le o Debleskro lab vin, hi le mato koy pashel. Te krenn le o čačepen vin, perenn le yek rigyatar ap i vavar.

Hosea 4:12

Mire menshe poučenn pengre deblen oun vavar kashta, te penenn yon lenge, hoy te krenn le. Lengre djia nashenn i rhorhene deblenge palla. Har i loubni moukell peskro romes, nashan le mandar, pengro Deblestar, krik.

Jesaja 5:12

Yon moukenn penge mishto te djal oun krenn bashepen ap doryengre bashepangre oun phourdepangre oun vavar bashepangre. Oun mool hi ninna pashel. Ap kova, hoy o baro Devel krell, dikenn le gar. Kolestar kamenn le či te djinell.

Sikepaskro 7:7

Ninna o gosevo vell har i dinelo, te moukell lo pes te ginell. Dell yek leste love, te krell lo, hoy gar čačo hi, oun yob lell kol love an, palle nay djal lo bouder gar pal o čačepen.

3. Mose 10:9

“Tou oun tire morsh čave, ma piyenn mool oun zorelo pipen, te kamenn an miro kheer te djal, te hounte merenn gar. Ap kova hounte rikrenn t'men oun t'mare čave kanna oun hako tsiro.

1. Samuel 25:36

Oun har i Abigayil khere vas, his o Nabal koy beshdo pash i baro rhapen har i baro rayeske. Oun leskro dji bashras, oun yob his boud mato. Oun i Abigayil penas leske či, kek lab.

Gosewe laba 31:4

Ma pi tout mates! Mool oun rhačedo pipen hi či bare rayenge oun pralstunenge.

Hosea 7:11

O Efrayim hi har i dineli tauba, kay moukell pes sik te kharell. Ap yek dives kharell lo i Egiptaryen, te venn le leske ap i rig, o vavar dives nashell lo an o them Assour.

Jeremia 23:13

Kova, hoy dikom pash mire rakepangre an Samaria, hi i djoungelo koova mange. Yon penan laba glan-vi, kolendar penan le, kay van le o deblestar Baal. Oun yaake anan le mire menshen Israel o čačo dromestar tele.

Hosea 5:4

Ko čilačo koova, hoy le kran, rikrell len pale, te venn le pash mande. Yon nay moukenn gar tele, te mangenn le rhorhene deblen an. Man, o baro Debles, prindjrenn yon gar.