Hosea 3:4 - O Debleskro Lab 2024 (Sinte-Manouche)

⁴ Yaake djal i Israelenge: I rah tsiro hi len kek ray oun kek pralstoune pral pende, oun yon anenn kek firhen o Debleske an leskro kheer. Len hi bouder kek pre-čidde barra, kek rashayeskri damdira oun kek khereskre debla, te poučenn le lendar, hoy te krenn.

O Debleskro Drom 2021 (Sinte)

⁴ Jaake djal i Israelenge: I rah tsiro hi len kek rai un kek pralstune pral pende, un jon anenn kek viechen o Debleske an leskro kheer. Len hi buder kek pre-tchidde barra, kek rashajeskri damdira un kek khereskre debla, te putchenn le lendar, hoi te krenn.

Hosea 3:4 Referans Kwoze

Čačepangre 17:5

Ko morshes Mika his i debleskro kheer peske oun peskri familyake. Oun yob kras i rashayeskri damdira oun khereskre debla, oun rodas yek peskre čavendar vin, te vell lo leskro rashay.

2. Familjakro liil 15:2

Oun yob djas vin, te rakrell lo o baro rayeha, o Asa, oun penas leske: “Shounenn man, Asa oun t'mer menshe dran o tselo them Youda oun Benyamin! O baro Devel hi t'mentsa, yaake rah har t'mer t'men ap leste rikrenn. Te rodenn t'mer les, moukell yob pes te hatsell t'mendar. Te moukenn les, moukell yob t'men.

1. Mose 31:19

Glan lengro naashepen, har his o Laban vin, te činell lo o bal peskre bakrendar, čoras i Rachel i khereskre deblen, hoy lakro dad an-mangell. Oun yoy las len peha.

Hebrearja 10:26

Te kamell yek ap i čilačo drom te djal, oun krell kova ninna, ninna te prindjrell lo o čačepen, koleske hi bouder kek koy, kay nay merals, te lell lo leskri doosh krik.

Daniel 12:11

Oun ko tsirestar, kay anenn le bouder gar hako dives firhen o Debleske, oun kay čivenn le koy djoungeli čilači figura pre, hi 1.290 (yek-sero-douy-sheel-te-enya-deesh) divessa.

Daniel 9:27

Oun yob krell pes boudentsa khetne efta bershenge. Pal triin-te-paash bersha krell lo, te vell o Debleske bouder kek firho anlo, vitar kek rhapen. Oun i djoungeli čilači figura vell pre-čiddo an o Debleskro kheer oun ačell koy, bis te vell i phagi pral koleste, kay čivas les koy, – i phagi, hoy o Devel leske glan dikas.

1. Samuel 23:9

Har o David hayvas, te hi o Saules čilačepen an o dji oun kamas ap leste te djal, penas lo ap o rashayeste Abyatar: “An mange o rashayeskri damdira kay!”

Čačepangre 8:27

Oun o Gideon kras dran ko sonakay yek devel. Oun čivas les pre an peskro foro, hoy kharella Ofra. Oun o tselo Israel vas koy, te mangenn le les an. Oun doleske peras o Gideon oun leskro tselo kheer o čačo dromestar tele.

2. Mose 28:4

Kolla hi i koola, hoy te krenn le: i bečeskri possita, i rashayeskri damdira, i baya oun i gad, i shereskro pandepen, oun i layntikro pandepen, hoy yob troul peskro per pandell. Kol rashayengre koola krenn le o Aroneske oun leskre čavenge, te venn yon mange rashaya.

Johanni 19:15

Yon dan gole: “Mare les! Mare les, oun de les ap o troushel!” Koy poučas o Pilato lendar: “Kamenn t'mer te dap t'maro baro rayes ap o troushel?” “Men hi kek vavar ray har o baro ray an o foro Rom kokres,” penan kol bare rashaya.

Louka 21:24

Boud venna maredo o rhareha. Vavar venna pandlo oun venna an i vavar themma anlo. Oun o foro Yerusalem vell kol menshendar khetne stakedo, kay venna dran vavar themma. Kova djal yaake rah, har o Devel moukell len kova te krell.”

Zakarie 13:2

O baro Devel, ko ray pral o bolepen oun i phoub, penell: An ko tsiro krau, te mangenn i menshe an o them Youda bouder kek rhorhene deblen an. Oun kolengre laba venn bistedo. Ninna kol rakepangre, kay penenn, te hi le Debleskre rakepangre oun hi kova gar, oun yon rakrenn, hoy i vavar dourho lenge penell, kolen tradau vin dran o them.

Hosea 13:11

Me dom t'men i ray an miri rholi, oun an i rholi lom les t'mendar pale krik.

Hosea 2:11

Doleske kamau miro djob oun mire drake pale te lell an ko tsiro, kay le baro van, oun dren anlo vans. Ninna lau latar mire bakrengre balla, oun miro layntikre thaba lakre ripyenge.

Daniel 11:31

Oun yob bičrell lourden, kay o Debleskro kheer ap i berga pale-čiddo krenn, oun krenn, te venn o Debleske bouder gar hako dives firhe anlo. Oun yon čivenn kote koy djoungeli čilači figura pre.

Ezekiel 21:21

Tou rharo, de dren ap i čači rig, oun ninna ap i servi rig, hako kopo glan toute, kote, kay hal!

Ezekiel 20:32

Hoy vas t'menge an o shero? T'mer penenn: “Mer kamah har i menshe an vavar themma te vell! Mer kamah deblen dran kasht oun bar an te mangell.” Me o baro Devel, t'maro ray, penau: Savo koova te vell kek tsireske! Me dau man sovel pash miro djipen, te ačap i zorelo ray pral t'mende – i ray i zorelo vasteha, oun i pre-hadedi moussyah, oun i baro rholyah.

2. Rajengro liil 23:24

Ninna tradas o Yosia i tsele dravepangren krik, oun kolen, kay i moulen poučenn, oun moukas i khereskre deblen oun i vavar rhorhene deblen krik te anell dran o them Youda oun dran o foro Yerusalem. Kova kras lo, te vell halauter yaake kerdo, har činlo hi an ko liil, kay lenge o Debleskro drom siklo vell, – ko liil, hoy o rashay Hilkiya an o baro Debleskro kheer hatsas.

2. Samuel 6:14

O David khelas peskri tseli zoryah glan o baro Debleste. Oun troul leste his les i rashayeskri layntikri damdira.

1. Samuel 30:7

Oun yob penas ap o rashayeste, o Abyatar, koleskro dad o Ahimelek his: “An mange o rashayeskri damdira!” Oun o Abyatar anas leske o rashayeskri damdira.

1. Samuel 23:6

Har nashas peske o Abyatar, koleskro dad o Ahimelek hi, oun vas pash o David an Kehila, las lo i rashayeskri damdira peha.

1. Samuel 22:18

Kote penas o baro ray ap o Doeg: “Ab tou, oun de len moulo!” Oun o Doeg, ko Edomari, vas glan oun das kol rashayen moulo. Oun ap ko dives meran 85 (orhta-deesh te panč) morsha, kay an i rashayengri layntikri damdira rido his.

1. Samuel 21:9

Oun o David poučas o Ahimelek: “Hi tout kek vitsepaskro čouri, vitar kek rharo kay pash toute? Me lom miro rharo oun vavar kourepaskro koova gar mantsa. Man his kek tsiro koleske. O rayeskro koova hounte djas sik.”

1. Samuel 14:3

An ko tsiro his o Ahia o rashay oun rivas koy damdira, hoy rivenn i rashaya. Koleskro dad his o Ahitoub, koleskro phraal his o Ikabod. Lengro dad his o Pinhas, leskro dad his o Eli, kay his o baro Debleskro rashay an o foro Shilo. I lourde djinan gar, te djas peske o Yonatan.

1. Samuel 2:18

Oun o Samuel his o baro Debleske koy. Kava čavo his rido an i rashayeskri layntikri damdira.

3. Mose 8:7

Yob rivas o Aroneske o layntikro gad an oun čivas leske o pereskri dori trouyel, palle i baya oun o rashayeskri damdira. Palle pandas lo ko pereskro pandepen, hoy ap i damdira hi, troul leste.

1. Mose 49:10

Hako tsiro vell o baro ray dran o kheer Youda, oun yek leskre menshendar rikrell o rayeskro kasht an o vast yaake rah, bis te vell kova, kay čačepah o baro ray hi. Ap koleste shounenn i natsyone ap i phoub.

1. Mose 31:34

I Rachel las kol khereskre deblen, khatras len tel i khamelakri pernitsa, oun beshas pes pral pre. Oun o Laban rodas an o tselo plarhteno kheer oun hatsas či.

Čačepangre 18:14

Oun kol panč morsha, kay dikan pen čorrhanes trouyel an o them pash Layish, kolla penan ap pengre phralende: “Djinenn t'mer, te hi an kava kheer i rashayeskri damdira oun i khereskro devel, ninna i kashteni figura, kay roup pral čoredo hi? Denn yak, hoy krenn kanna!”

1. Samuel 15:23

Te shouneh tou gar ap leste, leh tou doosh ap toute, har te dourkrals tou. Te kreh tou gar, hoy o Devel toutar kamella, hi kova yaake čilačo, har te mangals khereskre deblen oun vavar rhorhene deblen an. Tou vitsral o lab o baro Deblestar ap i rig. Doleske vitsras lo tout ninna ap i rig, yaake te vess tou bouder kek baro ray.”

Ropaskre gilja 2:9

O foreskre voudya peran oun hi čiddo an i čik. Lengre pesse pandepangre kashta phagas lo an kotya. Lengro baro ray oun lengre pralstoune djivenn an vavar themma. Kek hi koy, kay sikrell i menshenge o Debleskro drom. O Debleskre rakepangren hi bouder či te penell. O baro Devel sikras len či.

Hosea 13:10

Kay hi tiro baro ray, kova kay vell ap tiri rig an tire tsele forya? Kay hi tire čačepangre raya? T'mare phoure penan: Čip i ray oun pralstoune pral mende!

Zakarie 10:2

Ma poučenn i khereskre deblen! Kova, hoy yon rakrenn, hi dinelo koova. Ma djan pash i dourkepangre! Kova, hoy yon glan-vi penenna, hi rhorhepen. Lengre sounya hi či moldo. Lengre lače laba hi gar čačo. Doleske nashrenn pen i menshe har bakre, kolen kek bakrengro hi, oun kay merenna.

2. Mose 28:6

O rashayeskri damdira krenn le an shoukar vastengri boudi dran lačo zorelo layntikro than, kay sonakay dren sido vell, ninna kouč bakrengro bal, hoy blaueto, lolo oun lolo har yag kerdo vas.

Ezekiel 19:14

Oun i yag djas vin dran leskro pesseder kasht, oun rhačras leskre drake. Kek zorelo kasht ačas bouder pral, kolestar nay vals i rayeskro kasht kerdo. Kava hi i ropaskri gili. Koya vas givedo kolendar, kolengro dji rovas.

Ezekiel 21:31

Me, o baro Devel, tiro ray, penau touke: Krik ko dikleha troul tiro shero! Le i rayeskri stadi tele! Či ačell har his. Kova, kay pral his, vell tele. Oun kova, kay tele his, vell pral!