Hosea 3:2 - O Debleskro Lab 2024 (Sinte-Manouche)

² Kote ginom lat mange oun playsrom 15 (deesh-te-panč) roupene kotya oun 330 (triin-sheel-te-triyanda) litarya djob.

O Debleskro Drom 2021 (Sinte)

² Kote ginom lat mange un plaissrom 15 (deesh-te-pantch) rupene kotja un 330 (triin-sheel-te-trijanda) litarja djob.

Hosea 3:2 Referans Kwoze

Ezekiel 45:11

I piri, hoy sikrell har boud djob dren hi, oun o khoro, hoy sikrell har boud djet dren hi, kolla douy hounte venn emligo bares. An hakeno lendar hounte djal i deshto kotar foun i korba, an koleste 220 litarya djan. Pal savi korba vell lengro barepen vin kerdo, har bares yon venn.

3. Mose 27:16

Te das yek pes sovel, te dell lo i kotar phoub o baro Debleste, palle vell diklo, har boud djob ap ko kotar phoub vin vitsedo vell. Hi kova yek gono djob, palle hi ko kotar phoub 50 (paash-sheel) roupene beme moldo.

1. Mose 34:12

Mangenn mandar boud. Me playsrau, hoy mangenn mandar. Denn man koy čat, te romedinerap lat!”

Jesaja 5:10

Ap deesh hektarya drakengro them venn drake bares, hoy denn gar boudeder har orhta litarya mool. Oun sheel kilogramme djob, hoy vi-vitsedo van an i phoub, anenn gar boudeder har deesh kilogramme djob.

1. Samuel 18:25

Oun o Saul penas: Yaake penenn ap o David: “O baro ray kamell či vavares, hoy hounte dess leskro čake, har o morshkano mass sheel moule Filistarendar. Yob kamell lenge o čilačepen pale te dell, hoy le ap leste kran.” Čačepah kamas o Saul te perell o David an o vast i Filistarendar, oun yon te denn les moulo.

2. Mose 22:17

I dourkepaskretsa hounte denn temerl.

1. Mose 31:41

Biish bersha his kova yaake. Deesh-te-star bersha boudrom touke, te lap tire douy čen. Shob bersha boudrom tire firhenge. Deesh kope kral tou miro playsepen vavarčandes.

Ruth 4:10

Oun ninna lom me i Ruth dran o them Moab, kolakro rom o Malon his, te vell li miri romni oun anell leske i čavo ap i phoub. Yaake ačell ko kotar phoub an leskri familya, oun leskro lab merell gar vin mank peskre phralende oun an kava foro. Oun t'mer shounan oun dikan kova oun djinenn, yaake hi kova.”

Hosea 3:3

Oun me penom ap late: “Tou ačess pash mande i rah tsiro, oun loubress tout gar trouyel, oun sovess gar vavar morshentsa. Oun an kava tsiro kamau me vitar gar touha te sovell.”