Hosea 14:6 - O Debleskro Lab 2024 (Sinte-Manouche)

⁶ Kamau lenge te vell har brishin, hoy ap i trouk phoub perell, te djan le pre har shoukar bloume, oun venn zoreles tarde har i rouka ap i berga Libanon.

O Debleskro Drom 2021 (Sinte)

⁶ Kamau lenge te well har brishin, hoi ap i truk phub perell, te djan le pre har shukar blume, un wenn soreles tarde har i ruka ap i berga Libanon.

Hosea 14:6 Referans Kwoze

Debleskri gili 52:8

Oun kolla, kay an o čačepen tardo hi, dikenn kova oun darenn oun sanenn pral leste:

Filiparja 4:18

Kanna hi man lauter, hoy man hounte vell djipaske, oun boudeder har doha. O Epafrodito anas mange kova lauter, hoy t'mer mange bičran. Kova hi yaake, har te anans t'mer o Debleske lačo koova, hoy soungell mishto, oun kay dikell lo lačes pre oun hi barhtelo pral kova.

Johanni 15:1

“Me hom ko čačo drakengro rouk. Oun miro dad hi ko harho, kay boudrell an koy baar, kay i drakengre rouka tardo hi.

Mateo 13:31

Oun pale penas o Yezous lenge laba, kay i khatedo čačepen dren hi: Oun yob penas: Kote, kay o Devel i menshen pash peste gole della, te djan le ap leskro drom, hi kova yaake har pash o djob dran i senftikro rouk, hoy vitsras i morsh an i phoub ap peskro kotar them.

Jeremia 11:16

His i tsiro, kay penas o baro Devel t'mendar: Yon hi har i shoukar zenelo djeteskro rouk, kay boud djeteskre drake baro venna. Kanna čivas yob ap leste i yag, hoy bari golyah leskre patria rhačrell oun leskre kashta phagell.

Debleskri gili 128:3

Khere hi tiri romni. Oun yoy hi har i drakengro rouk, hoy boud drake hidjrella. Oun tire čave hi beshdo troul tiri rhapaskri har terne djeteskre rouka.

1. Mose 27:27

Koy vas o Yakob pash leste oun čoumras les. Koy soungas yob leskre koola oun rakras o Debleskri barht pral leste vin oun penas: Dik, o soungepen miro čavestar hi har ko soungepen i phoubyatar, kay o baro Devel čivas peskri zoor pre.

Debleskri gili 92:12

Me dikau tele ap kolende, kay mange čilačepen kaman, oun shounau i gole kol čilačendar, kay hadan pen ap mande.

Jesaja 27:6

Ko tsiro vella, kay vell o Yakob pale zorelo. Ava, o Israel vell har i rouk, koles zorele draba hi, oun zenelo vell, oun ap koleste bloume pre djan, oun boud roukengre vin anenn. Kolendar vell i tseli phoub pherdo.

Jesaja 35:2

Shoukar har divye bloume vell o them, oun givell oun dell gole i barhtyatar. O baro Devel krell les raylo har i berge Libanon, oun shoukar har i berga Karmel oun i tala Sharon. Oun i menshe dikenn o raylepen o baro Deblestar, ko baro koova, hoy maro Devel kras.

Jesaja 66:14

T'mer dikenn kova, oun t'mare djia givenna. Oun t'mer lenn nevi zoor, yaake har o zenlepen, te dell brishin. Oun i menshe dikenn, te hi o baro Debleskri zoor pash peskre boudepangre, oun leskri rholi ap kolende, kay shounenn gar ap leste.

Hosea 6:3

Mer te das yak koy pre o tselo djiyestar, te prindjras o baro Debles! Yob vella! Kova hi yaake čačo, har o kham hako dives pre djala. Yob vella, har i brishin pash mende vella, ava, har i brishin pal o vend i phoub sapenes krella.