Hosea 13:5 - O Debleskro Lab 2024 (Sinte-Manouche)

⁵ Me hom, kay dom garda ap t'mare phourende an o moulo tato them, kote kay kek zenlepen hi.

O Debleskro Drom 2021 (Sinte)

⁵ Me hom, kai dom garda ap tumare phurende an o mulo tato them, kote kai kek senlepen hi.

Hosea 13:5 Referans Kwoze

5. Mose 32:10

Yob hatsas i Israelitaryen an o moulo them, kote kay či bares vell. Oun yob rikras peskre vasta pral lende, oun das kote yak ap lende, yaake har yob ap peste kokres yak dals.

5. Mose 8:15

Yob sikras t'men o drom an ko baro moulo tato them, kay t'men daar his, an koleste čilače sapa oun skorpione hi. Kote, kay o kham lauter pre rhačras, oun kek pani dell, moukas lo t'menge pani dran i baro zorelo bar te nashell,

5. Mose 2:7

Ma bistrenn, maro baro Devel das men barht an halauter, hoy mare vasta kran. Yob das yak ap mende ap o drom an kava baro moulo them: Star-deesh (40) bersha his o baro Devel mentsa, oun halauter hoy men hounte vas, das lo men.

Galatarja 4:9

Kanna prindjrenn t'mer o Debles. Feteder hi, te penau me: O Devel prindjrell t'men. Har nay čivenn t'mer t'men pale tel kol zorya, ap kolende i menshe pandlo hi? T'mer shounenn pale ap laba, hoy či moldo hi, oun an lende kek zoor hi.

Nahum 1:7

Kamles hi o baro Devel. Yob prindjrell kolen, kay ap leste dikenna. Yon nay khatrenn pen pash leste an phare tsirya.

Debleskri gili 142:3

Leske penau lauter, hoy ap miro dji hi, oun moukau les te djinell, hoy mange phares hi.

Debleskri gili 63:1

I gili o Davidestar. Yob kras kay gili an o moulo tato them Youda.

2. Mose 2:25

Oun o Devel dikas lačes ap i Israelitarya oun vas ap lengri rig.

1. Korintarja 8:3

Koon čačepah gosevo hi, kova kamell o Debles o djiyestar. Oun o Devel prindjrell les.

Jeremia 2:6

Oun poučan pen gar: Kay hi o baro Devel, kay anas men dran o them Egiptia vin, oun djas glan mende an o moulo tato them, an ko divyo oun trouk them, kay či har santa oun barra hi, kay kek drom hi, oun kek mensho djivell?

Jeremia 2:2

Dja koy, oun rake glan i tsele menshende an o foro Yerusalem, oun pen: Kova penell o baro Devel: Israel, me djinau, har ap mande rikral har terno hals, oun har kamal man har i pirni peskro pirnes, oun har tou mantsa djal an o moulo tato them, an ko them, kay či bares vell an i phoub.

Debleskri gili 31:7

Me nay dikau kolen gar glan i yaka, kay mangenn vavar deblen an. Me rikrau man ap toute, baro Devel.

Debleskri gili 1:6

O baro Devel prindjrell o drom kolendar, kay an o čačepen tardo hi. Oun o drom i čilačendar anell len an i bibarht.

1. Mose 31:40

Yaake djas mange: Ap o dives maras man o kham oun an i rati o shilapen. Boud kope nay sovom me gar.

Hosea 5:3

Me prindjrau o Efrayim mishto, oun kova hoy o Israel krell, hi gar khatedo glan mande. O Efrayim loubras pes trouyel, o Israel kras pes pale-čiddo.

Hosea 9:10

O baro Devel penell: I Israelitarya his mange har drake an o moulo them, har hatsom len kote. Oun t'mare phoure his mange har neve fayge ap i faygetikro rouk. I tsiro koy pre, har van le pash i berga Peor, dan le pen o vi-ladjedo debleske Baal koy, oun van yaake pale-čiddo har ko devel, kones yon kaman.