Hiob 9:21 - O Debleskro Lab 2024 (Sinte-Manouche)

^21-22 Kek čilačepen krom me. Miro djipen hi mange bouder či moldo. Kamau bouder gar te djivell. Lauter hi mange yek. Doleske penau me: O Devel dell koles moulo, kay lačo oun čačo hi, oun ninna koles, kay čilačo hi.

O Debleskro Drom 2021 (Sinte)

^21-22 Kek tchilatchepen krom me. Miro djipen hi mange buder tchi moldo. Kamau buder gar te djiwell. Lauter hi mange jek. Doleske penau me: O Dewel dell koles mulo, kai latcho un tchatcho hi, un ninna koles, kai tchilatcho hi.

Hiob 9:21 Referans Kwoze

Hiob 1:1

An o them Ous djivas i morsh, kova kharas Hiob. Yob his an o čačepen tardo, oun kek doosh his ap leste. Yob mangas o Debles an, oun rikras pes dour krik o čilačepastar.

Gosewe laba 28:26

Dinelo hi kova, kay krell kokres, hoy peskro dji leske penell. Koon djivell gosvepah, vell dran i bibarht vin lino.

Hiob 7:21

Hoske leh tou ko čilačepen gar krik mandar, hoy krom, oun bistreh miri doosh? An i tikno tsiro vau tel i phoub. Te rodeh pal mande, hom me gar bouder koy.

1. Johanni 3:20

Ninna te penell menge maro dji: “Tou djival gar yaake, har hounte vess,” palle hi o Devel bareder har maro dji, oun djinell lauter.

1. Korintarja 4:4

Me djinau gar, te anom doosh ap mande. Ninna te djinom kova gar, krell man kova gar čačo glan o Debleste. Kova, kay o čačepen pral mande vi-rakrella, hi kokres maro ray Yezous.

Hiob 6:9

Har kamoms, te vals leske shoukar, te dell lo man moulo, te lell lo miro djipen mandar.

Hiob 9:15

Ninna te vals man čačes, nay rakroms či ap leste, hoy yob mandar poučas. Me nay mangoms kokres lačepen lestar, kay miro čačepaskro ray hi.

Hiob 10:7

Tou djineh, te hi ap mande kek doosh, oun te hi kek koy, koon nay lell miro djipen dran tiro vast vin.

Hiob 12:4

Hoske vom mire malenge sapaske? Me dom gole ap o Debleste, oun yob shounas man. Ninna te hom an o čačepen tardo oun djau o čačo drom, sanenn le man vin.

Hiob 13:18

Me anom kava pre, te vell vin kerdo, hoy o čačepen hi. Me djinau, te hi man čačo.

Hiob 33:9

“Me djivom i djoudjo djipen, oun krom kek čilačo koova. Kek doosh hi ap mande. O čačo dromestar djom gar tele.