Hiob 8:9 - O Debleskro Lab 2024 (Sinte-Manouche)

⁹ Hi yaake har te vams boldo taysar. Mer djinah či. Maro tsiro, kay ham ap kay phoub, hi tikno har i souni.

O Debleskro Drom 2021 (Sinte)

⁹ Hi jaake har te wams boldo taissar. Mer djinah tchi. Maro tsiro, kai ham ap kai phub, hi tikno har i suni.

Hiob 8:9 Referans Kwoze

1. Familjakro liil 29:15

Har mare phoure ham mer ninna vi-themarya glan toute, ham i tikno tsiro ap kay phoub oun djah doureder. Maro djipen ap kay phoub hi har i shatto oun ačell gar.

Debleskri gili 144:4

Har i dourho hi lo. Leskro djipen djal trouyel har i souni.

Hiob 14:2

Har i blouma vell lo baro oun merell tele. Yaake har i shatto, hoy vell bouder gar diklo, te djal o kham tele, hi lo bouder gar.

Hiob 7:6

Mire divessa djan trouyel yaake sik har i soub, hoy pre oun tele djal. Oun kova hoy gomme glan mande hi, nay vell či, hoy shoukar hi.

1. Mose 47:9

Penas o Yakob: “Hom 130 (sheel-te-triyanda) bersh phouro. Kova hi kek phourepen. Man hi kek shoukar djipen. Mire phoure van phoureder har me.”

Debleskri gili 90:4

Yek zero bersha hi pash toute har yek dives, har ko dives, hoy taysar his, oun bouder gar koy hi, oun har i tikno tsiro an i rat.

Debleskri gili 39:5

Baro Devel, sike mande, har sik o djipen trouyel hi, oun kay miro merepen vella, te djinap, te nay ačau gar hako tsiro kay.

2. Familjakro liil 10:6

Kote djas o ray Roboam pash i phoureden; kolla his ninna glan leskro dadeste, o Salomeste, tarde, har yob gomme djivas. Oun o Roboam penas: “Penenn mange t'maro gosvepen, hoy te vell kal menshenge penlo?”

Hiob 8:10

Tire phoure nay sikrenn tout, hoy le vin hatsan, oun hoy yon an pengro djipen dikan:

Hiob 32:7

Me penom mange: Mouk i phouren te rakrell. Yon hi kolla, kay nay sikrenn, hoy gosvepen hi.

Hiob 14:1

O mensho, boldo i djouvyatar, djivell i tikno tsiro, oun marell pes tele peskro tselo djipen.

Debleskri gili 82:5

T'mer moukenn t'menge či te penell. Dinele han t'mer, oun djan t'maro drom, har te vals kali rat, kay dikenn či. Doleske dell kek čačepen bouder ap kay phoub.

Debleskri gili 102:12

Miro djipen djal peske har o dives, te vell i rat, har o khass, hoy tele merell an o kham.