Hiob 8:3 - O Debleskro Lab 2024 (Sinte-Manouche)

³ Patseh čačepah, te krell o zorelo Devel gar, hoy mishto oun čačo hi? Patseh, te rissrell lo peskre čačepaskre laba trouyel?

O Debleskro Drom 2021 (Sinte)

³ Patseh tchatchepah, te krell o sorelo Dewel gar, hoi mishto un tchatcho hi? Patseh, te rissrell lo peskre tchatchepaskre laba trujel?

Hiob 8:3 Referans Kwoze

2. Familjakro liil 19:7

Oun kanna rikrenn o baro Debles glan t'mare yaka, rikrenn t'men ap o čačepen oun denn hakeneste peskro čačepen. Ma bistrenn, pash maro baro Debleste hi kek rhorhepen. Oun yob dikell vitar gar ap kova koon glan leste tardo hi. Oun yob moukell pes gar te ginell.

5. Mose 32:4

Yob hi maro zorelo rikepaskro. Lauter, hoy yob krell, hi mishto. Leskre tsele dromma hi čačo. Maro Devel rikrell peskro lab; an leste hi kek čilačepen. Rhorhepen djinell lo gar.

1. Mose 18:25

Ko nashte kreh tou gar, te dess kolen temerl, kay kek čilačepen kran – khetne kolentsa, kay čilačo hi. Yaake te djal koleske, kay an o čačepen tardo hi, har koleske, kay čilačo hi. Tou hal o čačepaskro ray pral i tseli phoub. Kameh tou čomone te krell, hoy gar mishto oun čačo hi?”

Daniel 9:14

Oun yaake dal tou yak, baro Devel, te vell koy bari bibarht pral mende. Čačepah, tou maro baro Devel hal an o čačepen an halauter hoy kreh. Oun mer shounam gar ap toute.

Debleskro tsiro 16:7

Oun me shounom, har yek pash o Debleskri rhačepaskri penas: “Ava, ray, maro zorelo Devel, mishto kral, kay tou dal len savi phagi.”

Debleskro tsiro 15:3

Oun yon givan koy gili, hoy o Debleskro boudepaskro, o Mose, givas. Yon givan lat o terno bakreske, oun penan: Baro oun shoukar hi halauter, hoy tou kral, maro ray, tou zorelo Devel! Mishto oun čačo hi tire dromma, baro ray pral i tsele themma!

Remarja 2:5

Oun tou kameh gar pash leste te vell. Tiro dji hi har bar. Doleske vell o Debleskri rholi baro oun bareder, hoy ap toute vella ap ko dives, kay hi o Devel o čačepaskro ray oun rakrell o čačepen vin pral i tsele menshende.

Ezekiel 33:20

Ninna te hi kova yaake, penenn t'mer: “O Devel djal gar pal o čačepen.” Djinenn, t'mer dran o kheer Israel: Me krau pral t'mende o čačepen vin, pral hakeneste yaake har yob djivas.

Ezekiel 33:17

I menshe dran tiro them penenn: “O Devel djal gar pal o čačepen.” Hi gar yaake, te hi yon kolla, kay djan gar pal o čačepen?

Ezekiel 18:25

T'mer penenn: O Devel djal gar pal o čačepen. Shounenn, t'mer dran o kheer Israel! Djau me gar pal o čačepen? Hi gar yaake, te han t'mer kolla, kay djan gar pal o čačepen?

Debleskri gili 99:4

Touke hi bari zoor. Tou hal o baro ray, kay kamell o čačepen o djiyestar. Tou penal, hoy čačo hi, oun čival o čačepen pre an o them Israel, te djan i čačepangre morsha pal o čačepen.

Debleskri gili 89:14

Tout hi i zoreli moussi, tiro vast hi zorelo, oun pre hadedo tiro čačo vast, te sikress tiri zoor pral i menshende.

Hiob 40:8

Kameh tou čačepah te penell, me djau gar pal o čačepen? Peneh, te anom me doosh ap mande, te nay vess tou koy tardo, har te vals tout čačes?

Hiob 40:2

Tou kameh tout mantsa te čingrell – mantsa, kay o zorelo Devel hom? Tou, kay doosh ap mande hatsal, oun mange penal, hoy gar mishto krom, pen kanna čomone kay pre!

Hiob 35:13

Lengri gole hi čičeske! O zorelo Devel shounell lat gar, oun dell kek yak koy pre.

Hiob 34:5

O Hiob penas: “Me hom an o čačepen tardo. Oun miro čačepen las o Devel mandar krik.

Hiob 21:20

oun dikell peskre yakentsa peskri bibarht, oun hayvell kokres, har kova hi, te vell o zorelo Debleskri rholi ap leste.

Hiob 21:15

Koon hi o zorelo Devel, te boudras mer leske? Hoy hi kova menge moldo, te mangas les an?”

Hiob 19:7

Te dau vin gole Avenn ap miri rig, shounell man kek. Ninna te dau zoreles gole, dell kek man miro čačepen.

Hiob 10:3

Hoy aneh kava touke, te rikreh man zoryah tele? Hoske vitsreh man toutar krik, man, koles tire vasta kran, oun moukeh kova mishto te djal, hoy lan pen i čilače glan?

Hiob 9:2

Čačepah, djinau te hi yaake. Har nay vell i mensho an o čačepen glan o Debleste?

Hiob 4:17

Har nay vell i mensho an o čačepen tardo glan peskro Debleste? Har nay djivell i morsh i djoudjo djipen glan o Debleste, kay kras les?

Hiob 36:3

Me sikrau touke ko boud koova, hoy me djinau, te sikrap, te hi kova čačo oun mishto, hoy kras o Devel, kova, kay man kras.

Hiob 36:23

Kek nay penell leske, hoy te krell lo! Kek nay penell leske: Hoy kral, hi gar mishto.

Hiob 37:23

Pash leste, ko zoreleste, nay vah mer gar. Leskri zoor hi baro. Hako tsiro krell lo, hoy mishto hi, oun dell hakeneske peskro čačepen.

Hiob 19:6

Dikenn t'mer gar dren, te hi kova o Devel, kay djas gar mishto mantsa trouyel? Hi yaake, har te taprals lo man an i netsa.