Hiob 8:10 - O Debleskro Lab 2024 (Sinte-Manouche)

¹⁰ Tire phoure nay sikrenn tout, hoy le vin hatsan, oun hoy yon an pengro djipen dikan:

O Debleskro Drom 2021 (Sinte)

¹⁰ Tire phure nai sikrenn tut, hoi le win hatsan, un hoi jon an pengro djipen dikan:

Hiob 8:10 Referans Kwoze

Gosewe laba 18:15

I gosevo mensho kamell boud te djinell, oun krell peskre kanda pre, te hayvell lo, hoy čačo hi.

Hebrearja 12:1

Kanna dikah, boud boud menshe patsan, te hi kova čačo, hoy o Devel penas. Mer ham gar kokres, kay patsah. Doleske hounte kras har yon kran, oun moukas gar tele te nashas ap o Debleskro drom, hoy glan mende hi. Te čivas lauter tele, hoy kamell men pale te rikrell! Ninna hounte čivas o čilačepen tele, hoy kamell men te taprell.

Hebrearja 11:4

An o phouro tsiro patsas o Abel ap o Debleste, oun maras leske i firho. Har dikas o Devel, hoy o Abel leske anas, dikas lo lačes ap kova. Yaake vas o Abel an o čačepen tardo glan leste. Kova, hoy leskro phraal, o Kayn, o Debleske anas, kova his gar yaake lačo glan o Debleskre yaka har kova, hoy o Abel leske anas. Ninna te meras o Abel, sikrell men leskro djipen gomme kava dives leskro patsepen.

Mateo 12:35

Dran i lačo mensheskro dji vella lačo koova. Dran i čilačo dji vella čilačo koova.

Gosewe laba 16:23

I mensho i gosevo djiyeha rakrell laba, hoy mishto hi. Oun kova, hoy lo penell, sikrell i vavarende, hoy te krenn le.

Debleskri gili 145:4

Ninna mare čavengre čave sharenn, hoy tou kral, oun rakrenn pral tiro zorelo koova.

Hiob 32:7

Me penom mange: Mouk i phouren te rakrell. Yon hi kolla, kay nay sikrenn, hoy gosvepen hi.

5. Mose 11:19

Oun penenn len t'mare čavenge. Rakrenn kol labendar, te han khere, oun ninna te djan ap o drom, te čivenn t'men tele, oun ninna te stenn pre.

5. Mose 6:7

oun peness len ninna tire čavenge, te bistrenn le len gar. Rake lendar, te hal khere beshdo, oun te djah ap o drom, oun te čiveh tout tele oun te steh pale pre.

Hiob 8:9

Hi yaake har te vams boldo taysar. Mer djinah či. Maro tsiro, kay ham ap kay phoub, hi tikno har i souni.

Hiob 8:11

I shilftikro khass nay vell kokres kote baro, kay sapeno hi. Panyeskro zenlepen nay djal gar kote pre, kay kek pani hi.