Hiob 6:7 - O Debleskro Lab 2024 (Sinte-Manouche)

⁷ Sau rhapen taprau gar an. Kova hi mange yaake djoungeles, te nay lau les gar tele.

O Debleskro Drom 2021 (Sinte)

⁷ Sau chapen taprau gar an. Kowa hi mange jaake djungeles, te nai lau les gar tele.

Hiob 6:7 Referans Kwoze

Daniel 10:3

Lačo rhapen rhom me kek an ko tsiro. Kek mass oun kek mool vas an miro mouy, oun makom man gar djeteha dren, bis te kol triin kourke trouyel his.

Ezekiel 4:16

Oun yob penas pale ap mande: Tou, mensho, me krau, te vell bouder gar doha maro an o foro Yerusalem. Palle hi hakenes kokres i tikno kotar maro, oun nay piyell kokres i tikno khoro pani. Oun yon lenn daar, te hounte merans le i bokatar.

Ezekiel 4:14

Kote penom me: Ah miro ray, baro Devel! An kek tsiro vom me pale-čiddo. Foun tiknes pre bis kava dives, rhom gar firhen, kay meran, vitar gar saven, kay khetne dandedo van. Kek mass, hoy pale-čiddo hi, vas an miro mouy.

Debleskri gili 102:9

Hako dives sanenn kolla pral mande, kay kamenn mange čilačepen, oun praasenn man.

Hiob 3:24

Mire sva hi miro rhapen. oun koy gole, hoy dau, vell dran mande vin har pani.

1. Rajengro liil 22:27

oun pen lenge: Kava penell o baro ray: Čivenn koles an o stilepen, oun denn les gar boud maro te rhal, oun gar boud pani te piyell, bis te vau me sasto dran o kourepen pale.”

1. Rajengro liil 17:12

Kote penas li: “Pash o baro Debleste, tiro djido Debleste, man hi kek peklo rhapen. Či har i vast pherdo yarro an i piri oun i roy pherdo djet an o khoro hi man. Ake, yek, douy kotya kasht, hoy hadom pre. Kanna djau khere oun krau mange oun miro čaveske i rhapen, te rhas. Oun palle hounte meras.”

Hiob 6:6

Koon kamell i rhapen te rhal, kay kek loon dren hi? Koon kamell o parnepen i yalo yarestar te rhal?

Hiob 6:8

Ah, te shounell o Devel, hoy lestar mangau, oun krell kova, hoy lestar kamau!

Hiob 33:20

Oun leske vell djoungeles glan o rhapen, ninna glan ko rhapen, hoy lo yaake kamas.