Hiob 6:4 - O Debleskro Lab 2024 (Sinte-Manouche)

⁴ Mange djal yaake, har te dals o zorelo Devel karye ap mande, oun leskre fayle vans an mande, hoy anenn mange o merepen. Kova, hoy moukell o Devel ap mande te vell, krell man i bari daar.

O Debleskro Drom 2021 (Sinte)

⁴ Mange djal jaake, har te dals o sorelo Dewel karje ap mande, un leskre faile wans an mande, hoi anenn mange o merepen. Kowa, hoi mukell o Dewel ap mande te well, krell man i bari daar.

Hiob 6:4 Referans Kwoze

Debleskri gili 38:2

Baro Devel, ma činge ap mande an tiri rholi! Ma de man i phagi an tiri rholi!

Hiob 30:15

Bari daar tapras man. Miro an-dikepen djas peske, har te phourdals les i dourho krik. Oun miri barht djas krik har i folka.

Gosewe laba 18:14

I mensho kay zorelo an peskro dji hi, nay hidjrell peskro nasslepen. Te hi leskro dji phagedo, har nay hidjrell lo peskro pharepen?

Debleskri gili 143:7

Baro Devel, shoun man sik! Man hi bouder kek zoor. Ma khate tout mandar, te vap gar har kolla, kay hounte merenn.

Markus 15:34

Oun har trinenge his, das o Yezous bari gole: Eloy, Eloy, lema sabaktani? Kova kharella: Miro Devel, miro Devel, hoske moukal man tou?

Hiob 9:17

Yob bičrell i zorelo phourdepen, te taprell lo pal mande, oun dell man boud doukepen, ninna te krom či.

2. Korintarja 5:11

Mer djinah, har trashas maro rayestar. Doleske rakrah i menshenge an o dji, te patsenn le ap leste. O Devel djinell, te djah mer o čačo drom. Kamoms, te djinenn an t'mare djia kova ninna.

Debleskri gili 45:5

Besh tout ap tiro gray! Dja trouyel an o them oun kre o čačepen zoreles! Le i čorvelengro koova an tiro vast oun kre, te lenn le pengro čačepen! Yaake krell tiri čači moussi baro zorelo koova.

Debleskri gili 21:12

Yon van khetne oun rakran, har nay krenn le touke čilačepen. Či, hoy kamenn le touha te krell, djal lenge mishto.

Debleskri gili 18:14

Oun o baro Devel moukas o bolepen bari gole te dell, ava, o Devel pral halauter moukas pes te shounell bari golyah.

Debleskri gili 7:13

Čačepah, pale las o čilačo peskro rharo, oun hadell peskro bogo, te dell lo karye.

Hiob 31:23

Sau koova nay kroms me gar, me trashau o Deblestar, oun hounte daroms, te vell leskri rholi pral mande!

Hiob 21:20

oun dikell peskre yakentsa peskri bibarht, oun hayvell kokres, har kova hi, te vell o zorelo Debleskri rholi ap leste.

5. Mose 32:42

Kol fayle, kolentsa karye dau, lendar perell o rat tele – ko rat kolendar, kay me moulo dau, ninna kol pandlendar. Miro rharo rhal o mass kolendar, kay kouran pen mantsa, oun dell lengre sherya paash.

Ruth 1:20

Yoy penas ap lende: “Penenn gar Naomi ap mande! Denn man Mara gole! O zorelo Devel kras miro djipen shoutlo.

Hiob 20:16

Ko čilačo koova, hoy lo kras, hi an leste har sapeskro čounger, oun marell les har i čilačo sap, kay dandras les.

Hiob 34:6

Hounte rakrap rhorhepen oun penap: Me lom doosh ap mande? Mange vas i baro doukepen dino, ninna te hi kek doosh ap mande.”

Jesaja 28:19

Hako kopo, kay venn le, taprenn le t'mendar oun anenn t'men krik, nay vell ap o dives oun ninna an i rat. Te hayvans t'mer, hoy shounenn, palle ačals t'menge o rakepen krik i trashatar.

Ropaskre gilja 2:4

Yob rikras peskro bogo, oun las i faylo an peskro čačo vast, har yek, kay kourell pes mentsa. Oun har i kourepaskro maras lo halauteren, kay menge kamlo oun kouč his. Oun leskri rholi vas pral mende har i zoreli yag.

Hiob 7:20

Tou hal kova, kay lell i menshen an o yak. Lom me doosh ap mande? Te vals kova yaake, hoy krom me koleha touke? Hoske hom me kova, ap koleste karye deh? Hom me touke i pharepen, hoy hounte hidjress?

Hiob 16:9

Leskri rholi dandras man khetne oun las man palla. Yob sikrell peskre danda, oun peskre yaka dikenn ap mande har te vans le čourya.

Hiob 19:12

Hi yaake, har te bičrals yob peskre lourden, te djan le ap mande. Yon kran penge i drom pash mande, oun čivan pen pre troul miro kheer.

Debleskri gili 38:3

Tou dal karye ap mande oun doukral man, oun tiro vast das man ap i phoub tele.

Gosewe laba 14:10

Ko mensho, koleskro dji rovell, hi kokres. Oun ninna te stell leskro dji i barhtyatar, nay hayvell kek vavar čačepah leskri barht.

Ropaskre gilja 3:3

Kokres ap mande hadas lo peskro vast o tselo dives.