Hiob 6:27 - O Debleskro Lab 2024 (Sinte-Manouche)

²⁷ T'mer han save, kay khelans troul i čaveste, koles kek dad bouder hi, oun bikrans t'maro males lovenge.

O Debleskro Drom 2021 (Sinte)

²⁷ Tumer han sawe, kai khelans trul i tchaweste, koles kek dad buder hi, un bikrans tumaro males lowenge.

Hiob 6:27 Referans Kwoze

2. Petro 2:3

Kol rhorhene sikepangre kamenn t'men rhorhene labentsa ap pengri rig te anell, te lenn le love t'mendar. O Debleskri rholi vell čačepah pral lende, oun lengri bibarht vella sik.

Jakobo 1:27

Kanna penau t'menge, hoy o Devel, maro dad, kamella, oun hoy hi lačo glan leskre yaka: Krenn lačepen i čorvele djouvyenge, kolen kek rom bouder hi! Krenn ninna lačepen kol čorvele čavenge, kolen kek dad oun day bouder hi! Ma moukenn t'men dren an ko čilačo koova, hoy i menshe ap kay phoub krenna.

Nahum 3:10

Ninna kava foro vas dren lino, oun leskre menshe pandles anlo an i vavar them. Lengre čave van moulo dino ap hako drom. Pral lengre pralstunende vitsran le kashta, koon kones lella. I tsele pralstunen pandan le sasterne shellentsa.

Joel 3:3

Oun me dau sikepen ap o bolepen oun ap i phoub: rat, yag oun yagakro dourho.

Debleskri gili 7:15

Les hi čilačepen an o shero, oun midjak koova an o dji. Oun dran leste vell rhorhepen.

Hiob 24:9

Čilače menshe lenn zoryah i čorveli dake o ternepen dran i moussya krik, koleskro dad meras. Oun yon penenn ap late: Me dau les touke pale, te playsral mange tiri siyaan.

Hiob 24:3

Yon lenn penge i bourika kolendar, kay len kek dad bouder hi, oun lenn koy groumni kolatar, kolakro rom meras, bis te playsrell li peskri siyaan.

Hiob 22:9

Koy djouvel, kolakro rom meras, bičral tou toutar krik, oun dal lat či an o vast. Oun djal kol čaventsa čilačes trouyel, kolengro dad meras.

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

Ezekiel 22:7

Kolla, kay an Yerusalem djivenn, dikenn tele ap pengro dadeste oun ap pengri date, oun rhorhenn i vi-themaryen, kay pash lende djivenn. Oun kol djouvyen, kolengro rom meras, oun kol čaven, kolengro dad meras, kolen rikrenn le zoryah tele.

Jeremia 18:22

Biče lourden, kay venn ap yek kopo pral lende oun lengre khera, te denn le gole i trashatar! Yon lourenn koy pre te taprenn le man, oun čivan dorya, te taprenn mire herya koy dren.

Jeremia 18:20

Yon lourenn koy pre, te taprenn le man. Hi kova mishto, te krenn le mange čilačepen, ninna te krom lenge lačepen? Ma biste, har me glan toute tardo homs, te rakrap lenge mishto, te less tiri rholi lendar krik!

Debleskri gili 82:3

Dikenn, te lenn i čorvele pengro čačepen, ninna kolla, kolen kek dad bouder hi! Avenn ap i rig kolendar, kolen či hi oun gar an-diklo hi, oun dikenn, te lenn le pengro čačepen!

Debleskri gili 57:6

Sike tiro barepen, hoy bareder hi har o bolepen, miro Devel! Tiro raylepen mou vell pral i tseli phoub!

Hiob 31:21

An kek tsiro hadom me miro vast pre ap i čaveste, koles kek dad bouder hi, ninna te djinom, te hi halauter ap miri rig, kay his an o foreskro voudar beshdo.

Hiob 31:17

Rhom me miro rhapen kokres, oun dom kolen či, kolen bouder kek dad his?

Hiob 29:12

Me vom ko čorveleske ap i rig, kay ap mande gole das. Oun ko čavo, koleskro dad meras, oun leske kek bouder koy his, koleske homs me koy.

2. Mose 22:21

Ma krenn o djipen i djouvyenge phares, kolenge o rom meras! Ma krenn o djipen i čavenge phares, kolen kek dad bouder hi!