Hiob 40:13 - O Debleskro Lab 2024 (Sinte-Manouche)

¹³ Paske len halauteren an i phoub, oun pande len dren an o moulengro them!

O Debleskro Drom 2021 (Sinte)

¹³ Paske len halauteren an i phub, un pande len dren an o mulengro them!

Hiob 40:13 Referans Kwoze

Jesaja 2:10

Dja mank i bare barra, oun khate tout an i čik, i daryatar o baro Deblestar oun glan leskro raylo barepen.

Johanni 11:44

Oun kova, kay meras, vas vin. Troul leskre herya oun vasta his layntikre kotya pandlo. Ninna troul leskro mouy his i diklo pandlo. Penas o Yezous ap lende: “Lenn kol kotya lestar lauter tele, oun moukenn les te djal!”

Debleskri gili 49:14

Dikenn har kolenge djala, kay hi yaake dinelo oun kamenn pengro rakepen te shounell!

Hiob 36:13

Kolla, kay kamenn či o Deblestar te djinell, rikrenn pengri rholi an lengre djia. Ninna te dell o Devel len i phagi, denn le gar gole, te vell lo lenge ap i rig.

Hiob 14:13

Har kamoms, te khatress tou man an o moulengro them, te pandess man kote dren, bis te tiri rholi trouyel hi. Kamoms te moukals man yek tsiro koy, oun palle voms touke pale an o shero!

Ester 7:8

Har vas o baro ray dran i baar pale pale an koy isema, kay yon khetne mool piyan, dikas lo o Haman, kay glan i divana čiddo his, kay i rani hi. Koy das lo gole: “Kamell lo kanna pash mande an miro kheer i ranyake čomone te krell?” Kol laba his gomme gar dran o baro rayeskro mouy tseles vin, koy čakran i boudepangre o Hamaneskro shero.

Hiob 40:14

Te kral tou kova lauter, palle sharau ninna me tout, oun penau, te das tiro čačo vast touke i zoor, te hal tou o zorleder.

1. Samuel 2:9

O baro Devel rikrell kolen ap o čačo drom, kay leskre hi. Oun kolla, kay kamenn lestar či te djinell, perenn an o tamlepen oun merenn. Kek mensho vell pestar zorelo.