Hiob 40:12 - O Debleskro Lab 2024 (Sinte-Manouche)

¹² Ava, dik ap kol pre-phourde, oun kre len tiknes! Oun stake i čilačen ap yek kopo khetne!

O Debleskro Drom 2021 (Sinte)

¹² Awa, dik ap kol pre-phurde, un kre len tiknes! Un stake i tchilatchen ap jek kopo khetne!

Hiob 40:12 Referans Kwoze

Jesaja 63:3

Me stakrom kol drake kokres, oun i menshendar dran vavar themma his kek pash mande. Me stakrom len miri rholyah, ava, bari rholyah stakrom len khetne. Oun lengro rat vas ap mire koola, oun miri baya vas ratlo.

Bičepangre 1:25

te penell yob i menshenge o lačo lab o Yezous Kristestar oun krell koy boudi, hoy o Youdas moukas. Kova moukas men oun djas peske.”

Zakarie 10:5

I menshe an o them Youda venn zoreles har bare kourepangre, kay stakrenn kolen tele an i čik ap o drom, kay kourenn pen lentsa. O baro Devel hi lentsa an o kourepen. Ninna i klissepangre hounte tserdenn pen pale glan lende.

Jesaja 13:11

O baro Devel penell: Me anau bibarht ap i phoub, oun moukau o tselo čilačepen, hoy i čilače kran, ap lende pale te vell. I pre-phourden hi bouder či, koleha nay sharenn le pen. Oun me krau kol pre-phourden tikno, kay rikran pengri zoryah kolen tele, kay len kek zoor hi.

Jesaja 10:6

Me bičrom len pash kol menshende, kay kamenn mandar či te djinell, oun ap kolende rhoyedo hom, te djan le ap lende pre, oun randenn len vin oun čorenn len vin, oun stakrenn len khetne har i čik ap o drom.

Sikepaskro 11:3

Te hi i volke pherdo pani, palle denn le brishin ap i phoub. Oun te perell i rouk – nay vell ap i čači rig, nay vell ap i servi rig – kote kay lo perella, kote ačell lo čiddo.

Gosewe laba 15:25

O baro Devel phagell o kheer kolestar, kay pre-phourdo hi. Yob dell yak, te lell kek koy phoub i romyatar krik, kolakro rom meras.

Debleskri gili 60:12

Koon nay krell kova, har tou kokres, maro Devel? Tou moukal men oun djah gar vin mare lourdentsa an o kourepen.

Hiob 36:20

Ma pen: Mou vell sik rati! Kova hi o tsiro, kay i natsyone ap yek kopo bouder gar koy hi.

1. Samuel 2:7

O baro Devel krell čorvelo oun yob krell bravelo, ko yekes krell lo tikno, oun ko vavares baro.

Remarja 16:20

O Devel, kay dell t'men peskri barht an o dji, krell o bengeskri zoor paash. Oun ko tsiro vell sik. O lačepen maro rayestar, o Yezous Kristestar, djal t'mentsa!

Jesaja 2:12

Leskro dives vella, ko dives o baro Deblestar, ko rayestar pral o bolepen oun i phoub. Ap ko dives vell hako pre-phourdo tiknes kerdo, ninna hakeno, kay hadas pes, hakeno kay kras pes bares.

Jesaja 22:19

Oun me tradau tout dran tiri boudi, oun tserdau tout tele dran tiri pralstouni platsa.

Jesaja 23:9

O baro Devel, ko ray pral o bolepen oun i phoub penas, te vell kova yaake. Yob kamas lenge ko tselo raylepen krik te lell, koleha yon pen yaake bares kran, oun kamas i an-dikle morshen ap i phoub tiknes te krell.

Jeremia 48:29

An hako tsiro vas penlo pral o them Moab, har pre-phourdo yob hi, oun havo sharedo yob hi, har rikrell lo boud pestar, havo baro mouyeskro yob hi, oun har dikell lo tele ap i vavarende!

Daniel 4:24

Doleske, miro baro ray, mouk o čilačo kova, oun an bouder kek doosh ap toute! Oun dja an o čačepen, oun kre lačepen ap i čorvelende! Palle djal touke mishto i rah tsiro.”

Daniel 5:20

Har hadas pes leskro dji, oun vas yob yaake pre-phourdo, te rikras lo glan či bouder pale, vas lo tele vitsedo peskro rayeskro beshepaskri. Oun o rayeskro barepen vas lestar krik lino.

Debleskri gili 94:2

Tou hal o čačepaskro ray pral i tseli phoub, de kol pre-phourden pengri phagi!