Hiob 4:8 - O Debleskro Lab 2024 (Sinte-Manouche)

⁸ Yaake har me les dikom, vell čilačepen pral kolende, kay čilačepen kran, oun bibarht pral kolende, kay bibarht ap vavarende anan.

O Debleskro Drom 2021 (Sinte)

⁸ Jaake har me les dikom, well tchilatchepen pral kolende, kai tchilatchepen kran, un bibacht pral kolende, kai bibacht ap wawarende anan.

Hiob 4:8 Referans Kwoze

Gosewe laba 22:8

Kova, kay rhorhepen vin vitsrell har djob, kova anell bibarht dren. Palle nay djal lo bouder gar i vavarentsa yaake trouyel har yob kamell.

Hosea 8:7

Kova, hoy le krenn, hi har te čivans le i dourho an i phoub oun kek djob. Oun hoy vin vell, hi i baro phourdepen. Kek djob vell baro. Kova hoy pre djal, anell kek yarro. Oun te anals kova yarro, vans vavar menshe oun rhans les pre.

2. Korintarja 9:6

Kova hi yaake har pash i harho: Koon čivell gar boud djob an i phoub, kova lell vitar gar boud dran i phoub vin. Oun koon čivell boud an i phoub, kova lell boud dran i phoub vin.

Jeremia 4:18

Hoy t'mer kran oun har djivan, anas t'menge kova dren. Kova vell dran t'maro čilačepen, te djal t'menge yaake djoungelo, oun djal t'menge an t'maro dji.

Hiob 15:35

An lengre sherya hi midjak koova. Pral pende oun i vavarende anenn le bibarht. Oun lengre djia hi pherdo phoukepen.

Hiob 15:31

Koon rikrell pes ap čomone, hoy či moldo hi, kova rhorhell pes kokres. oun lell pale, hoy či moldo hi.

Gosewe laba 1:31

Doleske hounte rhan le, hoy ap lengre dromma bares vas. oun venn čalo kolestar, hoy an lengre sherya trouyel djas.

Jesaja 17:11

hoy sik pre djan oun zenelo van, venn ap lende kek neve drake bares. Oun tou nay aneh či dren. Kova, hoy touke vell, hi nasslepen oun douka, hoy kek nay krik lell.