Hiob 39:5 - O Debleskro Lab 2024 (Sinte-Manouche)

⁵ Koon moukas i divyi bourika kote te nashell, kay li kamell, oun pandas lat gar dren?

O Debleskro Drom 2021 (Sinte)

⁵ Koon mukas i diwji burika kote te nashell, kai li kamell, un pandas lat gar dren?

Hiob 39:5 Referans Kwoze

Hiob 24:5

Yaake har i divye bourike hounte djan le an o moulo tato them, te rodenn le rhapen, kote, kay gar boud bares vell, te hi len čomone, hoy denn le pengre čaven te rhal.

Hiob 11:12

Nay vell kova gosevo, koles či an o shero hi? Yaake rah gar, har i bourika kek menshes ap i phoub anell!

Hiob 6:5

Kek bourika dell gole, te hi lat zenlepen te rhal. Kek groumni dell gole, te hi lat doha te rhal.

Debleskri gili 104:11

Yaake vell i vesheskre firhen te piyell, oun i divye bourike nay piyenn, bis te hi len bouder kek troush.

Hosea 8:9

Yon djan pral an o them Assour kouč koveha. I divyi bourika ačell peske kokres. O Efrayim kamell malen peske te ginell.

Daniel 5:21

Oun yob vas pale-čiddo oun nay djivas bouder gar mank i menshende. Oun leskro dji vas har i firheskro dji. Oun yob djivas pash i divye bourike. Oun yon dan les khass te rhal har i groumyen. Oun yob čivas pes vin tele. Oun o brishin peras ap leste tele oun kras les sapeno, bis ap ko dives, kay yob hayvas, te hi o pralstouno Debles i tsele rayengre themma an peskro vast, oun yob dell len koleste, koneste yob kamell.

Jeremia 14:6

Kol divye bourike hi tardo ap nange berge, oun lenn pharo dourho, har divye djoukle, kay troushenna. Yon hatsenn kek zenlepen bouder, oun lengre yaka venn korelo.

Jeremia 2:24

har i divyi bourika an o moulo them, te dell yoy gole oun nashell trouyel an lakro bipandlo tsiro, oun kek nay rikrella pre. Koon lat kamell, hounte rodell gar dour. Yoy moukell pes sik te hatsell an ko tsiro.

Jesaja 32:14

An o rayeskro kheer vell kek bouder. Mouklo vell o foro, kay yaake boud menshe trouyel nashenn. I zorele barrengre khera oun o turmo, kay pral an o foro tardo hi, perenn khetne. Oun mank lende djivenn divye bourike i rah tsireske, oun bakre oun groumya rhan kote.

1. Mose 49:14

O Issakar hi har i zoreli bourika, kay čiddo hi mashkral douy gone.

1. Mose 16:12

Tiro čavo vella i mensho har i divyi bourika. Yob kourell pes hakeneha. Oun hakeno kourell pes leha. Yob lell peske i kotar them gar dour peskre phralendar, te rhoyrell lo len.”

Hiob 39:4

Lengre čave venn bares vin ap o them, oun venn zoreles, oun djan penge, oun venn gar bouder pale pash lende.

Hiob 39:10

Nay pandeh tou leske i shello trouyel, te boudrell lo touke ap i harhetikri phoub, oun tserdell ko saster, hoy i phoub pre phagell?