Hiob 39:27 - O Debleskro Lab 2024 (Sinte-Manouche)

²⁷ Penal tou ap o adlari, te djal lo dour pre ap i berge, te krell lo kote peskro kheer?

O Debleskro Drom 2021 (Sinte)

²⁷ Penal tu ap o adlari, te djal lo dur pre ap i berge, te krell lo kote peskro kheer?

Hiob 39:27 Referans Kwoze

Obadja 1:4

Te krals tou ninna tiro kheer dour pral ap i berga har i adlari, yaake te dikell kova vin, har te vals tiro kheer mashkral i bolepangre momlia, djiness, me vitsrau tout tele, penell o baro Devel.

2. Mose 19:4

T'mer dikan, hoy krom me halauter ap kol Egiptarya, oun har anom t'men pash mande yaake har i baro čirklo hidjrell peskre čaven ap peskro doumo.

Hosea 8:1

O baro Devel penell: Phourde zoreles an i phourdepaskri! Har i adlari venn le pral miro them. Kolla kay kote djivenn, rikran pen gar ap kova, hoy lentsa vin krom, oun hadan pen pral mire laba.

Jesaja 40:31

Kolla, kay ap o baro Debleste dikenn, lenn nevi zoor. Yon hadenn pen har bare čirkle hadenn pen pengre moussyentsa. Yon nashenn oun lengri zoor djal gar krik. Yon djan trouyel oun venn gar khino.

Gosewe laba 23:5

Te dikeh tire yakentsa pre, hi o bravlepen gar bouder koy, yaake sik hi lo krik har i čirklo, hoy hadell peskre moussya oun hadell pes an o bolepen.

Debleskri gili 103:5

kova, kay man čales krella peskro lačepah, oun man pale terno krella, oun zorelo har i adlari.

3. Mose 11:13

Kalla hi i čirkle, hoy hounte rhan gar. Kalla venn t'menge pale-čiddo: i adlarya, kay rhan tikne bakre, karhya oun mače;

Hiob 39:26

Sikral tou o baro čirkles, har djal lo dour pre an o bolepen, oun har te krell lo peskre moussya bourhlo oun djal kote, kay o kham pralstounes tardo hi?

Hiob 39:28

Ap i bare barra hi lo khere, pral pre ap i berge oun bare barra djivell lo.

Gosewe laba 30:19

O drom o baro čirklestar, har hadell lo pes an o bolepen; o drom o sapestar ap i bare barra; o drom foun i shiffo ap o baro pani; oun o drom o morshestar pash i terni djouvyate.