Hiob 39:24 - O Debleskro Lab 2024 (Sinte-Manouche)

²⁴ Te shounell o gray i phourdepaskri, vitsrell lo pes bari zoryah glan, oun moukell pes gar tele te rikrell.

O Debleskro Drom 2021 (Sinte)

²⁴ Te shunell o grai i phurdepaskri, witsrell lo pes bari sorjah glan, un mukell pes gar tele te rikrell.

Hiob 39:24 Referans Kwoze

Louka 24:41

Yon nashte patsan gar, kay hi o Yezous glan lende tardo, yaake barhtelo his le. Har djinan le gar, hoy te penenn le, poučas lo lendar: “Hi t'men čomone te rhal?”

Amos 3:6

Phourdell yek an i kourepaskri trompeta an o foro, oun i menshe lenn kek daar? Na-a! Vell i bibarht pral o foro, hoy o baro Devel bičras gar? Na-a!

Jeremia 4:19

Har doukell man kova, havi daar hi an mande! Miro dji djal zoreles an miro beč, me nay ačau gar pokones; me shounau koy phourdepaskri, oun ko kourepaskri gole.

Hiob 37:20

Penell yek leske: Dik, kate hi yek, kay kamell touha te rakrell? Na-a! Kova vals yaake, har te kamals lo maredo te vell.

Hiob 29:24

Te his lenge ropaske, som kamles ap lende. Oun har dikom lačes ap lende, lan le pale nevi zoor.

Hiob 9:16

Ninna te moukals lo man leha te rakrell, patsau me gar, te shounals lo ap miro rakepen.

Hiob 39:23

Ap leskri rig hi i possita, an kolate stenn i fayle, oun i lengste čourya dikenn vin har yag, te perell o kham pre.

Hiob 39:25

Hako kopo, kay shounell lo i phourdepaskri, dell lo pre gole: Houi! Oun soungell o kourepen foun doural – koy kourepaskri gole i lourdendar oun lengre pralstunendar.

Jeremia 8:6

Me dikau oun shounau, kay rakrenn yon gar o čačepen. Koy hi kek, kay khaytell les havo čilačepen yob kras. Kek poučella: Hoy krom me? Hakeno nashella doureder ap peskro drom, har i gray an o kourepen.