Hiob 39:11 - O Debleskro Lab 2024 (Sinte-Manouche)

¹¹ Fothe zorelo yob hi, nay deh tou leske tiri boudi an o vast, oun nay djineh, te krell lo, hoy tou lestar kameh?

O Debleskro Drom 2021 (Sinte)

¹¹ Fothe sorelo job hi, nai deh tu leske tiri budi an o wast, un nai djineh, te krell lo, hoi tu lestar kameh?

Hiob 39:11 Referans Kwoze

Jesaja 30:16

T'mer penenn: “Na-a, ap graya kamah sik te klissell. Mare graya hi sik naashepangre.” Ava, t'mer nashenn sik t'menge. Oun kolla, kay t'men palla lenn, nashenn gomme sikeder.

Jesaja 30:6

Kate sikrell o Devel, hoy pral i firhende an o moulo tato them Negev vella: An o them pherdi daar oun traash, kay djivenn o levo oun i levetsa, ninna čilače sapa oun vavar sapa, kolengro dandepen o merepen anell, kote hounte hidjrenn i bourike pharo koova ap pengro doumo, oun i khamele boud kouč koova ap pende, hoy anenn i menshe dran Youda pash kol menshende, kolendar yon či hi.

Gosewe laba 14:4

Kote, kay kek groumya hi, vell kek djob dren anlo. I zoryah i groumyendar aneh boud djob dren.

Debleskri gili 147:10

I grayengri zoor hi leske gar shoukar, vitar gar i morshengri zoor.

Debleskri gili 144:14

Mare groumya te nashrenn kek pengre ternendar, hoy gar boldo hi. Kek ropaskri gole te vell shounlo ap mare dromma!

Debleskri gili 20:7

Kanna djinau, kay vell o baro Devel ap i rig kolestar, koles yob vin rodas, te vell lo baro ray. Dran o bolepen, kay yob khere hi, shounell lo ap leste, oun peskri bari zoryah vell lo ap leskri rig.

1. Mose 42:26

Oun o Yakobeskre čave čivan ko djob ap pengre bourike oun djan penge.

1. Mose 9:2

I tsele firhe ap i phoub oun i tsele čirkle an o bolepen hounte darenn oun trashenn t'mendar. Halauter, hoy djivella ap i phoub, oun i tsele mače an o baro pani, dau an t'mare vasta.

1. Mose 1:28

Oun o Devel rakras lače laba pral lende vin oun penas: “Anenn boud čaven ap i phoub, te vell i phoub t'mendar pherdo! Oun avenn ray pral i phoub! Avenn ray pral i mačende an o baro pani, pral i čirklende an o bolepen, oun pral hake firhende, hoy ap i phoub hi!”

1. Mose 1:26

Oun o Devel penas: “Kanna krah menshen. Yon venn yaake har mer. Yon hi ray pral i mačende an o baro pani oun pral i čirklende an o bolepen, pral i divye firhende oun pral kolende, kay gar divye hi, ninna pral i tikne firhende, hoy djan pral i phoub.”

Jesaja 46:1

O rhorheno devel Bel phagas khetne, oun o rhorheno devel Nebo peras. Lengre figure, hoy t'mer trouyel hidjran, van kanna i firhenge ap lengro doumo pandlo. Yon hounte hidjrenn len oun venn khino tel ko pharo hidjepen.

Hiob 39:10

Nay pandeh tou leske i shello trouyel, te boudrell lo touke ap i harhetikri phoub, oun tserdell ko saster, hoy i phoub pre phagell?

Hiob 39:12

Nay patseh leske, te anell lo tiro djob khere ap tiri djobeskri platsa?

4. Mose 23:22

O Devel las len dran o them Egiptia vin, oun kourell pes lenge har i divyo gouroum.