Hiob 37:23 - O Debleskro Lab 2024 (Sinte-Manouche)

²³ Pash leste, ko zoreleste, nay vah mer gar. Leskri zoor hi baro. Hako tsiro krell lo, hoy mishto hi, oun dell hakeneske peskro čačepen.

O Debleskro Drom 2021 (Sinte)

²³ Pash leste, ko soreleste, nai wah mer gar. Leskri soor hi baro. Hako tsiro krell lo, hoi mishto hi, un dell hakeneske peskro tchatchepen.

Hiob 37:23 Referans Kwoze

1. Timoteo 6:16

Yob nay merell gar. Yob djivell kote, kay i momeli yaake zorelo hi, kay kek nay dren djala. O Debles dikas kek mensho, oun kek mensho nay dikell les. Koles vell o tselo raylepen oun i tseli zoor!

Remarja 11:33

Har baro hi o Debleskro lačepen ap lauterende! Har baro hi leskro gosvepen! Yob djinell halauter, hoy kek vavar nay djinella. Kek nay djinell, har yob rakrell o čačepen vin. Kek nay hayvell leskre tsele dromma.

Debleskri gili 99:4

Touke hi bari zoor. Tou hal o baro ray, kay kamell o čačepen o djiyestar. Tou penal, hoy čačo hi, oun čival o čačepen pre an o them Israel, te djan i čačepangre morsha pal o čačepen.

Hiob 36:5

O Devel hi baro oun zorelo, oun dikell ap kekeste tele. Koy hi či, hoy hayvell oun djinell yob gar.

Hiob 9:4

O Devel hi gosevo an peskro dji oun les hi bari zoor. Kekeske, kay las pes glan te čingrell lo leha, djas kova mishto.

Ezekiel 18:32

Mange hi gar shoukar, te hounte merell yek, penell o baro Devel, maro ray. Doleske moukenn t'mare čilače dromma, oun djivenn!

Ezekiel 18:23

Patsenn t'mer, an mire yaka vals mishto, te merell kova, kay čilačo koova kras? poučell o baro Devel, maro ray. Na-a, an mire yaka hi shoukar, te moukell lo peskro čilačo drom oun ačell djido.

Jesaja 63:9

dran ko tselo pharo koova, hoy ap lende čiddo his. Kek vavar, kek bolepaskro oun kek bičepaskro vas lenge ap i rig. Na-a yob kokres vas, oun las len dran kova lauter vin. Dran leskro tselo dji kamas lo len oun his lenge lačes. Doleske las lo len koy vin, hadas len pre, oun hidjras len hake divessa an ko phouro tsiro.

Jesaja 45:21

Avenn oun sikrenn, te hi t'men čačo. Rakrenn khetne oun krenn vin, hoy kamenn te penell! Koon hi kova, kay moukas glan i rah tsiro te shounell, hoy kanna djal? Koon penas kova glan-vi? Homs me kova gar, o baro Devel? Oun dell kek vavar Devel har man. Me hom i Devel, kay o čačepen penell oun krell. Oun i Devel, kay dran o merepen vin lell, hom me kokres oun kek vavar.

Debleskri gili 30:5

Bashrenn o baro Debleske, t'mer, kay han leskro! Sharenn les, oun bistrenn gar, te hi lo o Devel.

Hiob 11:7

Patseh, te djineh halauter, hoy an o Debleskro dji hi? Nay hayveh tou, har baro o zorelo Devel hi?

Hebrearja 12:10

Mare dada ap i phoub dan men i phagi, hoy doukas men i tikno tsiro, yaake har yon penan penge, te hi kova menge mishto. O Devel, te dell lo men i phagi, hi kova čačepah menge mishto. Yob kamell, te vas mer lačo oun čačo, yaake har yob hi.

Louka 10:22

Lauter das miro dad an mire vasta. Oun kek djinella, koon o čavo hi, har kokres o dad. Oun kokres o čavo djinella, koon o dad hi. Oun o čavo sikrell o dades kolende, kay yob vin rodas.”

Mateo 6:13

Ma mouk men tiro dromestar tele te djal! Le men dran o bengeskro vast vin!

Sikepaskro 3:11

Hako koova, hoy o Devel krell, krell lo ap o čačo tsiro. Oun yob čivas o mensheske an o dji, te hayvell lo, kay hi čomone koy, hoy ačell hako tsiro. Ninna te hi kova yaake, nay hayvell o mensho gar ko tselo koova, hoy o Devel krell, kokres tikne kotya kolestar.

Debleskri gili 93:1

O baro Devel hi o baro ray. Raylepen oun zoor hi troul leste har i ripen. Yob kras i phoub yaake te hi li zoreles tardo.

Debleskri gili 66:3

Penenn ap o Debleste: Har baro hi kova lauter, hoy tou kral. Kolla, kay tout gar kaman, hounte čivenn pen tele glan toute, glan tiri bari zoor!

Debleskri gili 65:6

Tou rakreh mentsa dran baro koova, hoy tou kreh an tiri zoor oun an tiro čačepen. Tou, Devel, leh men vin dran o čilačepen. Ap toute dikenn i menshe ap i tseli phoub. Ninna kolla dikenn pal toute, kay djivenn pash i bare panya, hoy yaake dour krik hi.

Debleskri gili 62:11

Ma patsenn, te lenn bravlepen, te djan ap yekeste i zoryah pre! Ma patsenn, te krell t'men kova bravelo, hoy čoran! Ninna te venn bravleder oun bravleder, ma čivenn t'mare djia pre!

Hiob 37:19

Pen tou menge, hoy penas mer leske? Mer djinah či. Oun men hi či, te anas glan leste!

Hiob 36:26

Dik, o Devel hi yaake baro, te nay hayvah gar, har baro yob hi. Oun kek nay hatsell vin, har phouro yob hi.

Hiob 26:14

Dik, kava hi či har i tikno kotar kolestar, hoy yob kras. Oun hoy lestar shounam, hi gar boudeder har i tikno lab. Kek nay hayvell, har baro leskri zoor čačepah hi!

Hiob 12:13

O Debles hi gosvepen oun ninna zoor. Yob hayvell halauter, oun nay penell, hoy te vell kerdo.

Hiob 9:19

Te djoms ap leste zoryah, yob hi o zorleder! Te kamoms les glan i čačepangre te anell, penals lo: Kones kameh te bičrell, te anell lo man koy?

Hiob 8:3

Patseh čačepah, te krell o zorelo Devel gar, hoy mishto oun čačo hi? Patseh, te rissrell lo peskre čačepaskre laba trouyel?

Hiob 11:8

O Debleskro gosvepen hi doureder har o bolepen hi, oun doureder tele har o moulengro them. Kova hi bareder har i phoub oun bourhleder har o baro pani. Tou nay hayveh oun djineh gar halauter!

Hiob 25:2

O Debles hi i zoor pral halauter, oun hakeno hounte trashell lestar. I zorelo vasteha krell lo, te vell kek čingepen an peskro bolepaskro them.

Hiob 36:3

Me sikrau touke ko boud koova, hoy me djinau, te sikrap, te hi kova čačo oun mishto, hoy kras o Devel, kova, kay man kras.

Hiob 37:22

Foun kotar, kay norden hi, vell čomone har sonakay. O Devel vell an peskro raylepen. Ko raylepen troul leste krell men daar.

Sikepaskro 7:24

Lauter, hoy koy hi, hi phares te hayvell. Oun hoske kova yaake hi, djinell kek.

Ezekiel 33:11

Pen ap lende: O baro Devel, maro ray penell: Me dau man sovel pash miro djipen: Mange hi gar shoukar, te merell o čilačo mensho. Na-a me kamaus, te djal lo peskro čilačo dromestar tele, oun djivell lo! Doleske, djan tele t'mare čilače dromendar! Hoske kamenn t'mer te merell, t'mer dran o kheer Israel?

Debleskri gili 62:12

Boudeder har yek kopo shounom: O Devel kokres hi zorelo,

Debleskri gili 145:3

Zorelo hi o baro Devel oun boud moldo, te vell lo sharedo. Kek hayvell, har baro yob hi.