Hiob 37:14 - O Debleskro Lab 2024 (Sinte-Manouche)

¹⁴ Hiob, shoun kava mishto! Ač, oun de yak ap kova, hoy o Devel an peskri zoor krell!

O Debleskro Drom 2021 (Sinte)

¹⁴ Hiob, shun kawa mishto! Atch, un de jak ap kowa, hoi o Dewel an peskri soor krell!

Hiob 37:14 Referans Kwoze

Debleskri gili 111:2

Baro hi kova, hoy o baro Devel lauter kras. Koneske kova an o shero trouyel djal, kova vell barhtelo.

2. Mose 14:13

O Mose penas ap i tsele menshende: “Ma darenn! Ačenn zoreles! Dikenn har o baro Devel t'men kava dives vin lell dran i vasta kol Egiptarendar! Kal Egiptaryen, kay t'mer kava dives dikenna, kolen dikenn t'mer bouder gar, vitar gar an ko tsiro, hoy vella.

Habakuk 2:20

O baro Devel hi an peskro kheer, kay yob djivell. Ma rakrenn či glan leste, t'mer menshe ap i tseli phoub!

Hiob 36:24

Ma biste, te sharess o Debles koleske, hoy yob kras, har ninna vavar menshe sharenn les pengre gilyentsa!

Debleskri gili 46:10

Ap o marepen penell lo: “Mouk tele ap i tseli phoub!” Kol kashta, kolentsa dan le karye, phagell lo khetne, oun lengre rhare dell lo paash, i kourepangre vourdya rhačrell lo pre.

Hiob 5:9

Yob hi kova, kay krell boud baro oun zorelo koova, hoy kek hayvell oun kek vavar nay krell.

Hiob 37:5

Te moukell o Devel peskro rakepen te shounell, krell lo kova savi bari golyah, te ačell menge o rakepen krik. Yob krell baro koova, hoy nay hayvah mer gar.

Hiob 37:13

Nay vell, te bičrell lo o brishin, te dell lo o themes i phagi, ninna nay vell, te bičrell lo les, te sikrell lo peskro lačepen.

Hiob 37:15

Djineh tou, har o Devel i volkenge penell, kay te djan le? Oun har lo i yag dran lende karye vin dell?

Hiob 37:16

Hayveh tou, har i volke tel o bolepen djan, oun gar tele perenn? Savo koova nay krell kokres kova, kay halauter djinell.

Sikepaskro 7:13

Dik, hoy o Devel halauter kras! Kek nay krell vavarčandes, hoy yob bango kras!