Hiob 36:18 - O Debleskro Lab 2024 (Sinte-Manouche)

¹⁸ De yak, te anell tout tiri rholi gar ap i djoungelo drom! O Debles nay gineh tou gar, kitse love tou ninna deh!

O Debleskro Drom 2021 (Sinte)

¹⁸ De jak, te anell tut tiri choli gar ap i djungelo drom! O Debles nai gineh tu gar, kitse lowe tu ninna deh!

Hiob 36:18 Referans Kwoze

Remarja 1:18

O Debleskri rholi vell dran o bolepen tele ap kol tsele menshende, kay kamenn lestar či te djinell oun krenn o čilačepen. Oun lengro čilačepen rikrell o čačepen tele.

Hiob 33:24

palle krell o bolepaskro peskro dji leske pre, oun penell ap o Debleste: “Le les vin, te hounte djal lo gar tele pash i moulende. Me hatsom leske i love, hoy les dran o merepen vin ginenn.”

Efesarja 5:6

Ma patsenn kekes, kay penell t'menge, te nay krenn kova lauter! Koon kova penella, hi i rhorheno. O Debleskri rholi vell ap kolende, kay gar ap o Debleste shounenna, oun krenna savo čilačo koova.

1. Timoteo 2:6

Yob das peskro djipen i tsele menshenge. Yaake sikras o Devel an o čačo tsiro, kay kamell lo, te vell hako mensho vin lino dran o čilačepen oun o merepen.

Remarja 2:5

Oun tou kameh gar pash leste te vell. Tiro dji hi har bar. Doleske vell o Debleskri rholi baro oun bareder, hoy ap toute vella ap ko dives, kay hi o Devel o čačepaskro ray oun rakrell o čačepen vin pral i tsele menshende.

Mateo 3:7

Ninna boud Farisarya oun Sadducarya van pash leste, te moukenn le pen lestar te taufrell. Har yob kolen dikas, penas lo ap lende: “T'mer čilače sapa! T'mer nay nashenn gar krik glan o Debleskri rholi, hoy vella pral i menshende.

Jesaja 14:6

Tou dal i menshen an boud themma, oun dal oun dal oun moukal gar tele. Divyi rholyah rikral tou len tele, oun lal len palla kek lačepah.

Debleskri gili 110:5

O baro Devel hi ap tiri čači rig tardo, oun dell bare rayen khetne ap ko dives, kay leskri rholi vella,

Debleskri gili 39:10

Me penau bouder či. Miro mouy ačell pandlo. Toutar vell kova, hoy pral mande vas.

Debleskri gili 2:12

Čoumrenn o čaves, te vell lo gar rhoyedo ap t'mende, oun t'mer ap o drom merenna. Leskri rholi nay rhačella sik. Barhtele hi kolla lauter, kay khatrenn pen pash leste.

Debleskri gili 2:5

Vell i dives, kay rakrell lo lentsa i rholyah. Ava, leskri rholyah krell lo lenge daar, te penell lo:

Hebrearja 2:3

Mer te djah gar ap o nevo drom, kay lah o djipen, hoy gar pre-herella, palle vella o Debleskri rholi pral mende. Kava nevo drom sikras men maro ray Yezous. Oun leskre laba hi o čačepen. Kolla, kay les shounan, penan les menge.

Ezekiel 24:16

Tou, mensho, djiness, ap yek kopo lau touke ko menshes, kay touke o kamleder hi. Tou kress kek gole oun rovess gar! Kek sva venn dran tire yaka.

Hiob 36:19

Tiro bravlepen oun tiro sonakay hi gar doha. Vitar gar kova, hoy tou tiri zoryah nay kreh.

Jona 4:4

Oun o baro Devel poučas: “Havo čačepen hi tout, te rhoyress tout yaake?”

Jona 4:9

Oun o Devel penas ap o Yona: “Havo čačepen hi tout, te rhoyress tout yaake pral ko bour, hoy tele meras?” Oun yob penas: “Čačepah, mange hi yaake čačo, te rhoyrap man, te kamau te merell.”