Hiob 36:16 - O Debleskro Lab 2024 (Sinte-Manouche)

¹⁶ Ninna tout anals o Devel vin dran i bibarht, oun anals tout kote kay bouder kek daar hi, oun dals tout lauter, hoy tout hounte vell djipaske. Oun t'mari rhapaskri vals pherdo lačo koova.

O Debleskro Drom 2021 (Sinte)

¹⁶ Ninna tut anals o Dewel win dran i bibacht, un anals tut kote kai buder kek daar hi, un dals tut lauter, hoi tut hunte well djipaske. Un tumari chapaskri wals pherdo latcho koowa.

Hiob 36:16 Referans Kwoze

Debleskri gili 23:5

Glan i yaka kolendar, hoy mange čilačepen kamenn, čiveh tou mange lačo rhapen pre. Miro shero makeh o djeteha, hoy mishto soungella. Miro khoro nashella pral.

Debleskri gili 118:5

Har tapras man i daar, dom me gole ap o baro Debleste, oun yob shounas man, oun kras miro dji zoreles.

Jesaja 25:6

Kate ap i berga Sion moukell o baro Devel, ko ray pral o bolepen oun i phoub, i menshenge an i tsele themma i lačo rhapen glan te čivell; i rhapen thoullo masseha oun lači phouri mool, ava, vi-rodedo lačo mass oun vi-rodedi phouri mool.

Debleskri gili 63:5

Me parkrau man pash toute yaake rah har me djivau. Oun me hadau mire vasta pre, te mangap tout an.

Debleskri gili 31:8

Miro dji sal oun me stau i barhtyatar pral tiro lačepen. Tou dikal, har mange djoungeles djas, oun djinal, har pharo miro djipen his.

Debleskri gili 18:19

Ap o dives, kay i bibarht pral mande vas, peran le pral mande. Koy vas o baro Devel ap miri rig.

Debleskri gili 36:8

Har raylo hi tiro lačepen, miro Devel! I menshe venn pash toute, te rikress tire vasta pral lende, har i čirklo rikrell peskre moussya pral peskre terne.

Hosea 2:14

Me krau lakre drakengre rouka paash, ninna lakre faygetikre rouka, kolendar yoy penas: “Kolentsa playsran man mire pirne.” Me krau i divyo veesh dran lende. Oun kol roukengre, hoy pral ačenn, rhan i divye firhe.

Jesaja 55:2

Hoske denn love koleske, hoy kek maro hi? Hoske denn t'mer kova, hoy t'mer t'mari phari boudjake lan, čomoneske vin, hoy gar čalo krell? Shounenn ap mande, palle vell t'men lačo koova te rhal, oun nay rhan t'men čalo ap i feteder rhapen.

Hiob 19:8

Ap miro drom čivas lo yaake boud barra, te nay djau gar pral vergel. Oun yob moukell man an o kalepen miro drom te hatsell.

Hiob 5:17

Dik, barhtelo hi ko mensho, koleske o Devel leskri doosh sikrell! Doleske ma hade tout khatar leste, te dell tout o zorelo Devel.

Hiob 15:11

Dran mende rakras o Devel kamles touha. Yob kamell o douk dran tiro dji krik te lell. Hi kova touke gar doha?

Debleskri gili 18:20

Yob las man vin dran lengre vasta oun anas man an i bourhlo them. Yob kamell man, doleske kras lo kova.

Debleskri gili 63:6

Tou kreh miro dji yaake čalo oun barhtelo, har te rhap i shoukar rhapen. Miro mouy givell touke i gili oun sharell tout.