Hiob 36:10 - O Debleskro Lab 2024 (Sinte-Manouche)

¹⁰ Oun yob krell lenge i kanda pre, te shounenn le, har yob len trad dell. oun penell lenge, te moukenn le pengre čilače dromma.

O Debleskro Drom 2021 (Sinte)

¹⁰ Un job krell lenge i kanda pre, te shunenn le, har job len trad dell. un penell lenge, te mukenn le pengre tchilatche dromma.

Hiob 36:10 Referans Kwoze

Mateo 3:8

Sikrenn i menshende, te djan t'mer ap o Debleskro drom oun bouder gar ap o čilačo drom!

Hiob 36:15

Phare tsirya oun douka hi ko Debleskro drom, har rakrell o Devel i mensheha. Koy krell lo leske i kanda pre, te shounell lo ap leste.

Jesaja 50:5

O baro Devel, miro ray, kras mange o kand pre, oun me čivom gar leskro lab ap i rig, oun me djom leske gar dran o drom.

Jesaja 48:17

O baro Devel, kova, kay tout, Israel, vin las dran o pandepen, yob, o čačo Devel, hi o Israeleskro Devel oun penell: Me, o baro Devel, hom tiro Devel, kova, kay toute sikrell, hoy touke mishto hi, oun ap havo drom tou hounte djas.

2. Rajengro liil 17:13

Oun o baro Devel das kol menshen an o them Israel oun an o them Youda trad, har moukas lo peskre rakepangre oun dikepangre lenge te penell: “Moukenn t'maro čilače dromma! Oun krenn hoy me penau! Oun djivenn pal miro čačepen! Oun djan t'maro tselo djiyeha ap miro drom, hoy sikrom t'mare phourende. Oun djivenn pal kol laba, hoy penan t'menge mire boudepangre, kay mire rakepangre hi.”

Jakobo 4:8

Avenn pash o Debleste! Yaake vell yob ninna pash t'mende. Ap t'mende, kay kran čilačo koova, penau me: Krenn t'mare vasta djoudjo! Ap t'mende, kay djan ap douy dromma, penau me: Moukenn ko čilačo drom, oun djan ap o Debleskro drom!

Bičepangre 17:30

An o phouro tsiro djinan i menshe gar, kay kova, hoy yon kran, i doosh his. Oun o Devel das len kek phagi. Kanna penell o Devel, te moukenn i menshe pengro čilačo drom, oun djan ap leskro drom.

Bičepangre 16:14

Koy his i djouvel, kay mangas kote o Debles an. Yoy his i bikepaskretsa oun bikras ripya dran lolo than. Koya kharas Lydia. Yoy his dran o foro Tiatira. Kolake kras o ray Yezous o dji pre. Oun yoy shounas, hoy o Paulo penas, oun vas patslo.

Bičepangre 3:19

Moukenn t'maro phouro djipen oun avenn pash o Debleste, te lell yob t'mari doosh t'mendar!

Hosea 14:1

I menshe an o foro Samaria lenn pengri phagi. Yon moukan pen či te penell pengro Deblestar. Doleske venn le o rhareha maredo. Oun lengre tikne čave venn moulo dino. Oun i djouvya, kay lenn i čavo, venn pre činle.

Jesaja 48:8

An kek tsiro shounan t'mer, hoy penom, vitar gar kaman kova te djinell. Oun i rah tsiro his t'mare kanda pandlo mire labenge. Čačepah, me djinom t'maro phoukepen. Oun yaake rah har ap i phoub han, venn t'mer kharedo: Kolla, kay kamenn či o Deblestar te djinell.

Debleskri gili 40:6

Miro baro Devel, har boud hi ko baro koova, hoy tou ap mende kral, hoy kek vavar nay krals, har tou kokres. Te kamoms pral kova lauter te rakrell, nay kroms kova gar, yaake boud hi kova.

Hiob 36:21

De tou yak, te vess gar ap i čilačo drom! Tire douka van ap toute, te rikress tou tout pale o čilačepastar.

Jona 3:8

Oun halauter hounte čivenn gone pral pende: i menshe oun i firhe. Oun hakeno hounte kharell ap o Debleste peskri tseli zoryah. Oun hakeno hounte moukell peskro čilačo drom oun ko čilačo koova, hoy lo kras.

Zefanja 3:7

Me penom mange: Te dikenn mire menshe kova lauter, dikenn le pre ap mande, oun moukenn penge mandar čomone te penell! Palle vals lengro foro gar paash kerdo! Oun či vals pral lende, hoy me penom, kay kamau te krell. Kanna vas vavarčandes: Lauter čilačepen krenn le oun moukenn gar tele.