Hiob 34:9 - O Debleskro Lab 2024 (Sinte-Manouche)

⁹ Yob penas kokres: Či hi yekes kolestar, te kamell lo o Debleskro maal te vell!

O Debleskro Drom 2021 (Sinte)

⁹ Job penas kokres: Tchi hi jekes kolestar, te kamell lo o Debleskro maal te well!

Hiob 34:9 Referans Kwoze

Hiob 35:3

Oun tou poučeh: “Hoy hi man kolestar, te lau kek doosh ap mande? Havo lačepen lom koleske?”

Maleachi 3:14

T'mer penenn: Dineles hi, te das maro djipen an o Debleskro vast. Hoy anell menge kanna, te rikrah leskre laba, oun mangah men tele glan o baro Debleste, ko rayeste pral o bolepen oun i phoub?

Debleskri gili 37:4

Rode tiri barht pash o baro Debleste, palle dell yob tout lauter, hoy tiro dji kamella.

Hiob 27:10

Yob hi gar savo mensho, kay hatsell peskri barht pash o zorelo Debleste, oun dell hako tsiro gole ap leste.

Hiob 22:17

Oun yon penan ap o Debleste: “Dja touke mendar!” Oun: “Hoy nay krell menge o zorelo Devel?”

Hiob 21:30

Ap ko dives, kay vell i bibarht, kay vell o Debleskri rholi pral i menshende, ačell o čilačo djido.

Debleskri gili 50:18

Hako kopo, kay dikeh tou i čorepaskres, kreh tou tout leskro maal, oun hal beshdo khetne kolentsa, kay djan i vavar romyentsa.

Debleskri gili 73:13

His kova čičeske, kay rikrom miro dji djoudjo, oun anom kek doosh ap mande?

Hiob 22:3

Te hal tou i lačo oun čačo morsh, oun kek doosh hi ap toute, hi o zorelo Debles čomone kolestar?

Jesaja 58:3

Boud kope rham či, penenn le, te dikess lačes ap mende. Hoske dikeh tou kova gar? Mer rikram men pale o rhapastar, oun tou hayveh kova gar! Dikenn, penell o baro Devel, ap ko dives, kay t'mer mange či rhan, krenn t'mer, hoy t'menge mishto hi, oun rikrenn t'mare boudepangre tele.