Hiob 34:36 - O Debleskro Lab 2024 (Sinte-Manouche)

³⁶ Kamoms, te vals o Hiob glan i čačepangre morshende anlo, te lenn yon hakenes leskre labendar an o yak, hoy yob rakras, Yob rakrell har i čilače rakrenna.

O Debleskro Drom 2021 (Sinte)

³⁶ Kamoms, te wals o Hiob glan i tchatchepangre murshende anlo, te lenn jon hakenes leskre labendar an o jak, hoi job rakras, Job rakrell har i tchilatche rakrenna.

Hiob 34:36 Referans Kwoze

Jakobo 5:11

Kolla hi čačepah barhtelo, kay rikran zoreles ap o Debleste. T'mer shounan, har rikras pes o Hiob zoreles ap o Debleste, oun t'mer djinenna, havo bravlepen o Devel les lauter das. O Debles hi i baro dji i menshenge oun hi lenge lačes.

Debleskri gili 26:2

Le man an i yak, baro Devel! Dik palla, hoy an miro dji hi, oun hoy mange an o shero trouyel djal!

Debleskri gili 17:3

Tou djineh, hoy mange an o shero djal. Ninna an i rati dikal palla, har an miro dji vi-dikella, oun hatsal či an mande, hoy gar mishto hi. Ninna kek čilačo lab vas dran miro mouy vin.

Hiob 24:1

Hoske dell o zorelo Devel kek tsirya, kay rakrell lo o čačepen vin pral i čilačende? Kolla, kay les prindjrenn, dikenn gar, har oun kaana yob kova krell.

Hiob 23:16

Ava, o Devel kras miro dji darenes, o zorelo Devel kras mange bari traash.

Hiob 22:15

Kameh tou o phouro drom te djal, kay i čilače pre djan?

Hiob 21:7

Hoske ačenn kol čilače djido venn phouro, oun lengri zoor vell bareder?

Hiob 12:6

I khera kolendar, kay i vavaren zoryah tele rikrenn, hi zoreles tardo. Oun kek krell kolenge daar, kay krenn savo koova te vell o Devel rhoyedo, Yon patsenn, te hi len o Devel an pengro vast.

Hiob 34:37

Gar kokres doosh anas lo ap peste, na-a, yob hadas pes ninna pral o Debleste. Glan mare kanda krell bare laba oun rikrell o Debles dineleske.